「未來 21 港」意思係「未來港口」,係位於橫濱市中央商業區嘅海濱城市發展區,區內有好多別富未來主義風格嘅建築物,就連日本最高建築物之一嘅「地標塔」都喺呢度!橫濱港未來區不單止坐擁購物中心,仲有酒店、會議中心、主題樂園、博物館、附設溫泉浴場嘅休閒中心同大量泊車位,為遊客提供樂趣滿分嘅旅遊體驗。

    樓高 296 米嘅地標塔係區內最矚目嘅建築物;皇后三塔位於地標塔隔離,每一座大樓都矮過隔離嗰棟;附近就係泛太平洋酒店、同埋日本最大型會展場地之一—Pacifico 會展中心嘅所在地,洲際酒店都喺呢一區。

    橫濱未來區同東京御台場嘅共同點在於,兩者都係首都圈內少數嘅海濱地帶,景觀唔會被重工業同港口設施所遮擋。區內嘅太空世界 (Cosmo World) 遊樂園擁有 100 米高嘅 Cosmo Clock 21 摩天輪;神奈川縣管弦樂團駐場嘅音樂廳亦都喺附近,定期上演連場古典音樂表演節目。

    除此之外,全球數一數二嘅大型會議中心「橫濱 Pacifico」同樣位於橫濱港未來區;四桅帆船「日本丸」會永久停靠喺橫濱港未來區,改作博物館之用。附近嘅橫濱美術館展出日本最頂級嘅一批收藏品,值得一遊—呢座美術館佔地 88 英畝,氣勢非凡,建築設計前衛,遊客可以喺呢度消磨一日。橫濱港未來區嘅未來規劃包括興建一所聯合國大學、完善鐵路網絡,同埋幾幢高度超越地標塔嘅摩天大樓。

    中央商業區未來 21 港

    位置: 220-0012 日本神奈川縣橫濱市西區

    Stephan Audiger | 旅遊常客

    開始計劃行程

    透過 Hotels.com 預訂的好處

    旅遊提示

    新型肺炎提示:旅遊限制急速變化,目的地或設行前檢測及到埗檢疫等安排。

    請查閱行程的相關規定。
    返回頁首