金閣寺係京都最受歡迎嘅景點之一,意指「金色閣樓的寺廟」,獲聯合國教科文組織列為世界文化遺產,係一座令人讚嘆嘅禪宗佛寺。

    金閣寺憑住卓越建築風格,加上優美湖泊環境同正宗日式庭園,成為日本必遊景點之一。

    相片由 Ray in Manila 提供 (CC BY 2.0) 經修改

    金閣寺的歷史

    金閣寺位於京都東北寧靜嘅金閣寺町,喺 1393 年由當時位高權重嘅貴族西園寺公經出資興建,最初係一幢「北山第」山莊。1397 年,山莊由室町幕府第三代將軍足利義滿接管,更名為「北山殿」,之後用作足利義滿嘅退休別墅。足利義滿去世後,佢個仔按照父親遺願,將別墅改建成禪宗寺廟,而寺廟當時被稱為「鹿苑寺」。15 世紀應仁之亂期間,金閣寺遭受嚴重破壞,

    儘管經過復修,卻喺 1950 年被年輕狂熱僧人林承賢縱火,再次受損。林承賢被判處 7 年有期徒刑,1955 年因被診斷患上精神分裂症而獲釋,一年後因結核病離世。日本作家三島由紀夫嘅虛構小說《金閣寺》亦借用呢宗縱火案,虛構咗某啲小說情節。

    現時所見嘅金閣寺建於 1955 年,係按照原樣重建嘅複製品,唯一唔同嘅係金閣寺頂層已按照足利義滿嘅意願鋪上金箔;1987 年,寺廟加厚金箔塗層,同時加固內部結構,並翻新足利義滿嘅雕像。

    相片由 Takeshi Kuboki 提供 (CC BY 2.0) 經修改

    金閣寺嘅亮點同特色

    金閣寺高 12.5 米,最大賣點係金閣,建於荷花搖曳嘅鏡湖池邊,閃爍生光。寺廟嘅佈局依照平安時代典型嘅「寢殿造」風格陳設,意味「天地交匯之所」。而金閣寺樓高 3 層,屬木製建築,頂部兩層外牆鋪滿閃閃生輝嘅金箔,每層的建築風格同佈置均各具特色,

    嚴遵傳統日式宮殿風格裝潢—第一層嘅法水院擁有寬敞嘅房間同露台,並於幕府將軍入住期間用作接待大廳;第二層嘅潮音洞按照「武家造」建築風格而建造,當年主要用作會見重要貴賓嘅會議場地,現在就用嚟供奉觀音嘅畫像;

    第三層嘅究竟頂飾有蒼穹屋頂同弧形拱窗。金閣寺裝飾華麗,秉承中國禪宗寺廟嘅建築風格,舊日曾係幕府將軍舉行茶道典禮同非正式會議嘅場地;時至今日,寺廟供奉咗阿彌陀三尊以及 25 尊菩薩,另一個賣點係屋頂上金色鳳凰嘅雕像。

    寺廟周圍嘅優美環境同樣令人讚嘆,其中一個矚目之處,係喺水中映照出金閣寺閃閃生輝嘅倒影。金閣寺美景處處,不妨喺寺內散步,順便參觀日式庭園、瀑布、天然溫泉同佛教石雕。金閣寺內另有一座不動堂,供奉著掌管火和智慧的不動明王。

    旅客可以從京都站輕鬆乘坐京都城市巴士前往金閣寺,巴士編號分別係101 同 205。遊客亦可以乘搭烏丸線地鐵,或者坐的士去金閣寺。

    金閣寺

    位置: 603-8361 日本京都府京都市北區金閣町 1

    開放時間: 每日 09:00 至 17:00

    電話: +81 75-461-0013

    Stephan Audiger | 旅遊常客

    開始計劃行程

    透過 Hotels.com 預訂的好處

    旅遊提示

    請先查閱新型肺炎旅遊限制。

    了解詳情
    返回頁首