宮島嘅嚴島神社係日本經典地標,以大鳥居浮於海中嘅奇景最為聞名,更因歷史悠久而獲聯合國教科文組織列入世界文化遺產,寺內供奉著神道教海洋同風暴之神素盞鳴尊嘅三個女兒。嚴島神社嘅大鳥居宏麗壯觀,係日本最受歡迎嘅旅遊景點之一,同時都係嚴島神社最廣為人知嘅特色。潮漲時,大鳥居就好似漂浮喺海上面一樣;潮退之後,遊客就可以徒步前往大鳥居,近距離參觀。

    神社建築群由幾座建築物組成,當中包括參拜殿,本社社殿同能劇舞台,由木板路相互連接,並通過水下柱子支撐。嚴島神社建於小島之上,而大鳥居就位處瀨戶內海嘅潮間帶。小島周圍環繞住多條步道,太陽落山之後,神社同大鳥居就會亮燈,而遊客可以喺神社附近散步,感受入夜後嘅浪漫氣氛。

    嚴島神社係日本三景之一,別名為宮島,日文意思係「神島」。

    神社採用咗獨特嘅「寢殿造」建築風格,據說最初建於 593 年,現存嘅亭台樓閣則建於 1168 年。蔚藍大海同埋島上青翠山嶺襯托朱紅色嘅神社主建築,對比鮮明奪目,自然景觀同神社建築群嘅和諧融合,彰顯正宗嘅日式建築風格。

    聯合國教科文組織決定將嚴島神社列為世界文化遺產,理由係:「呢座神社係同類宗教建築物嘅至高典範,運用傳統建築藝術同高超技術,巧妙將神社完美融入優美嘅自然環境中,創造出無與倫比、美輪美奐嘅建築藝術瑰寶。」

    相片由 Joe deSousa 提供 (CC0 1.0) 經修改

    嚴島神社同宮島鳥居

    位置: 739-0588 日本廣島縣廿日市市宮島町 1-1

    開放時間: 1 月至 2 月開放時間為 06:30 至 17:30。3 月至 10 月開放時間為 06:30 至 18:00。11 月開放時間為 06:30 至 17:30;12 月開放時間為 06:30 至 17:00。

    電話: +81 (0)829 44 2020

    Stephan Audiger | 旅遊常客

    開始計劃行程

    透過 Hotels.com 預訂的好處

    旅遊提示

    請先查閱新型肺炎旅遊限制。

    了解詳情
    返回頁首