法隆寺係日本最重要嘅佛教廟宇之一,位於距離奈良縣西北約 10 公里嘅斑鳩町,又稱為「斑鳩寺」。法隆寺字面意思係「佛法興隆的寺廟」,皆因呢度曾經係佛學院同寺院,

    現為奈良縣南都七大寺之一,亦係聖德太子宗嘅根據地,更係日本首座獲聯合國教科文組織列為世界文化遺產嘅建築物。

    法隆寺嘅歷史

    法隆寺大殿嘅佛像背後,刻有記載寺廟歷史嘅刻文—聖德太子於 607 年興建法隆寺,以完成父親建造寺廟供奉藥師佛嘅遺願;670 年,法隆寺被大火燒毀,後來寺廟喺現址嘅西院伽藍重建,並於 711 年峻工;

    喺豐臣幕府同德川幕府嘅支持下,寺廟喺 16 和 17 世紀再進行翻新工程;而 20 世紀初,日本政府亦採取咗實際措施,修繕寺廟。

    經過不斷嘅翻新修繕工程,法隆寺擁有世界上最古老嘅木建築群,歷史可追溯到 1,300 多年前,而家成為日本著名宗教地標之一,更被譽為日本佛教始祖聖德太子嘅專屬寺廟。

    相片由 Reggaeman 提供 (CC BY-SA 3.0) 經修改

    法隆寺嘅亮點同特色

    法隆寺內展示咗大批文物、宗教儀式同慶典用具。事實上,呢座寺廟正係古代佛教藝術嘅寶庫,收藏咗超過 2,000 幾件重要歷史文物同結構,其中大約 200 件獲歸類為重要文化財產。

    喺優美小徑,翠綠松樹夾道引領訪客,到達寺廟嘅第一道門「大南門」;而寺內建有多道大門,包括通往西院伽藍內院嘅「中門」,同埋分隔寺廟東西兩院、曾為法隆寺主要入口嘅「東大門」

    寺廟由兩部分組成:「西院伽藍」「東院伽藍」。喺西院伽藍內約 30 座建築物之中,最引人注目嘅係金堂,呢個建築物建於飛鳥時代,保存住令人讚嘆不已嘅壁畫同雕像,仲有日本歷史最悠久嘅五重塔、歷史可追溯至平安時代嘅大講堂,以及展示各式千年珍品嘅大法藏殿

    東院伽藍嘅主樓係夢殿,其所在地曾經係聖德太子居住同冥想嘅地點,而東院內仲有 13 幢建築物;

    其中,中宮寺曾經係聖德太子母親嘅宮殿,而家就用作尼姑庵堂。寺廟建築群內矗立住一個石碑,紀念法隆寺喺 1993 年獲聯合國教科文組織列為世界文化遺產。此外,寺廟各處同大門都刻有造工細緻嘅雕刻,大門兩側屹立住仁王金剛力士像,寺廟柱身就刻有飛龍雕刻。前往法隆寺嘅最佳方式,係從大約 10 公里外嘅奈良乘坐巴士或火車。

    相片由 Chris 73 提供 (CC BY-SA 3.0) 經修改

    法隆寺

    位置: 636-0115 日本奈良縣生駒郡斑鳩町法隆寺山內 1-1

    開放時間: 每日 08:00 至 16:30

    電話: +81 745-75-2555

    Stephan Audiger | 旅遊常客

    開始計劃行程

    透過 Hotels.com 預訂的好處

    新型冠狀病毒肺炎 (COVID-19) 旅遊提示

    指南中推薦的景點和體驗可能會受到影響,出發前請先查閱當地指引。

    返回頁首