東京有各式各樣適合全家大小齊齊玩嘅活動,亦係電子遊戲同埋漫畫書嘅世界之都。主題公園裡面處處都可以遇上經典嘅卡通人物同未來世界嘅機器人;你亦可以喺市內遊覽欣賞令人眼花撩亂嘅靚景,仲有最啱野餐嘅綠化地帶,盡享寧靜悠閒。呢度連公共交通工具都份外有趣新奇;你可以嘗試由地鐵線路轉乘單軌鐵路,再到隅田川遊船河。

    日本人對卡通片嘅狂熱,就算你喺東京街頭都會感受得到。原宿區到處都係玩具店同埋糖果店;街上嘅年青粉絲都裝扮成自己最喜愛嘅動畫同漫畫角色,非常有趣。去到秋葉原電子商場區,你隨時都會聽到遊戲機嘅電玩人物發出各種趣怪聲響。東京有唔少商場、陳列室同埋主題公園都係專為全球流行文化中幾個最人氣嘅特許經營品牌而設,包括由 Sony、世嘉、樂高同埋和路迪士尼公司建造嘅迷你世界。我哋立即帶你逐一玩盡東京幾個小朋友最鍾意嘅好玩地方。

    1

    御台場島

    • 經濟實惠

    坐船或火車,或者步行走過彩虹橋都可以到達呢個專供玩樂嘅人工島。你可以喺沙灘上放鬆身心,或者喺東京 Joypolis 同其他電玩迷決一死戰,亦可以喺日本科學未來館 (又名「未來博物館」) 同著名機器人 ASIMO 見面。

    位置: 御台場,東京,日本

    地圖
    2

    上野動物園

    人見人愛嘅雌雄大熊貓「真真」和「力力」現居於日本最古老動物園之一嘅上野動物園。除咗探望大熊貓之外,你亦可以乘坐設計得意嘅單軌火車去其他動物區,觀賞白犀牛、蘇門答臘虎同西部低地區大猩猩。

    位置: 110-0007 日本東京都台東區上野公園 9-83

    開放時間: 開放時間:星期二至星期日 09:30 至 17:00 (逢星期一休息)

    電話: +81 3-3828-5171

    地圖
    3

    三鷹之森吉卜力美術館

    呢座展覽館係由動畫大師宮崎駿設計,靈感嚟自深受粉絲追捧嘅「吉卜力工作室」電影,「龍貓」就係其中之一,設計出嚟嘅結果就係好似美術館裡面嘅一個遊樂園。

    位置: 181-0013 日本東京都三鷹市下連雀 1 丁目 1-83

    開放時間: 開放時間:星期三至星期一 10:00 至 18:00 (逢星期二休息)

    電話: +81 570-055-777

    地圖
    4

    Kiddy Land 原宿店

    Kiddy Land 原宿店係呢個玩具品牌嘅旗艦店,必定可以令心境年輕嘅你玩個痛快!呢座樓高 6 層嘅商場裝潢華麗,裡面有多姿多采嘅互動陳列品,仲有大量各式各樣嘅玩具、遊戲同埋公仔,再加上深受全球兒童愛戴嘅通俗卡通人物商品,例如 Hello Kitty 精品。Kiddy Land 位於地鐵千代田線嘅明治神宮前站旁邊。

    位置: 150-0001 日本東京澀谷區神宫前 6-1-9

    開放時間: 營業時間:星期一至星期五 11:00 至 21:00;星期六及星期日 10:30 至 21:00

    電話: +81 3-3409-3431

    地圖

    相片由 S. 提供 (CC BY-SA 2.0) 經修改

    5

    白金台自然教育園

    東京嘅白金台自然教育園係一個廣闊嘅自然保護區,由野林同埋沼澤組成。此處任何時間都好安靜,亦從來唔會擠迫,每日限制訪客唔超過 300 人;你想離開周圍城市煩囂,大可以來呢處暫避,享受咁寧靜嘅氣氛。

    位置: 108-0071 日本東京都港區白金台 5 丁目 21-5

    開放時間: 開放時間:9 月至 4 月:星期二至星期日 09:00 至 16:305 月至 8 月:星期二至星期日 09:00 至 17:00 (逢星期一休息)

    電話: +81 3-3441-7176

    地圖

    相片由 Nishimura Yukiyasu 提供 (CC BY-SA 3.0) 經修改

    6

    博品館 Toy Park

    博品館 Toy Park 樓高 4 層,裡面有數之不盡嘅玩具同遊戲,對於無論小朋友或係大細路,呢處簡直就係天堂!博品館玩具店喺 1899 年開幕,係全日本歷史最長嘅玩具店之一,博品館 Toy Park 出售各種各樣嘅玩具,包括電腦遊戲、棋盤遊戲、拼圖遊戲、街機、魔術道具、木製玩具、日本人偶、傳統商品、音樂盒、毛公仔,以至專門「整盅」人哋嘅禮物。博品館 Toy Park 仲設有玩具診所、免稅櫃枱,同埋親子餐廳。如果你乘搭公共交通工具,可以經 JR 山手線到新橋站落車。

    位置: 104-0061 日本東京都中央區銀座 8 丁目 8-11

    開放時間: 營業時間:每日 11:00 至 20:00

    電話: +81 3-3571-800

    地圖
    7

    江戶東京建築物野外博物館

    修復後嘅建築物野外博物館已搬到小金井公園,當你喺呢個昔日嘅東京漫步,周圍係木建樓房,感覺就好似去咗時光隧道!去完 17 同 18 世紀旅遊後,不妨返回現代,喺草地上嘆杯雪糕。

    位置: 184-0005 日本東京都小金井市櫻町 3 丁目 7-1

    開放時間: 開放時間:星期二至星期日 09:30 至 16:30 (逢星期一休息)

    電話: +81 42-388-3300

    地圖
    8

    品川水族館

    品川水族館有一個水底隧道水族箱,你可以一邊喺海浪下面漫步,一邊欣賞發光嘅海洋生物喺頭頂上方盤旋。喺鯊魚廳同露出尖齒嘅鯊魚鼻對鼻對望之後,你可能需要輕鬆一下,不妨去欣賞海豚同海獅表演。

    位置: 140-001 日本東京都品川區勝島 3丁目 2-1

    開放時間: 開放時間:星期三至星期一 10:00 至 17:00 (逢星期二休息)

    電話: +81 3-3762-3433

    地圖

    相片由 Dick Thomas Johnson 提供 (CC BY 2.0) 經修改

    9

    秋葉原扭蛋會館

    想體驗真正嘅「御宅族」生活方式?咁你一定要去秋葉原嘅扭蛋天堂。呢度擺放咗超過 400 部扭蛋機,你可望奪得嘅戰利品真係包羅萬有,主題包括《哥斯拉》、《咸蛋超人》,甚至《龍珠 Z》!除咗購買扭蛋公仔外,單係參觀秋葉原扭蛋會館嘅體驗已經值回票價。對於店內充滿 Punk 風格嘅員工,同埋超勁嘅搖滾音樂,客人都似乎非常受落。

    位置: 104-0061 日本東京都千代田區外神田 3-15-5 MN 大廈 1 樓

    開放時間: 星期一至星期六 11:00 至 20:00;星期日 11:00 至 19:00

    地圖

    相片由 Guilhem Vellut 提供 (CC BY 2.0) 經修改

    10

    東京迪士尼®度假區

    呢個佔地廣闊嘅主題公園係由東京迪士尼樂園®公園同埋東京迪士尼海洋®公園結合而成,亦包括毗鄰嘅伊克斯皮兒莉購物中心 (Ikspiari)。購買多日通行證你就可以輕輕鬆鬆咁喺每個部分玩足全日,保證玩齊所有地方。

    位置: 279-0031 日本千葉縣浦安市舞濱 1-1

    開放時間: 開放時間:每日 08:00 至 22:00

    電話: +81 45-330-5211

    地圖

    開始計劃行程

    透過 Hotels.com 預訂的好處

    新型冠狀病毒肺炎 (COVID-19) 旅遊提示

    指南中推薦的景點和體驗可能會受到影響,出發前請先查閱當地指引。

    Maps