無論你去東京旅遊係為咗欣賞美麗嘅寺廟、熱鬧嘅街頭,定係要體驗迷人嘅文化,嚟到日本首都呢個廣闊嘅大都會,任何旅客都可以搵到心中所好。你可以喺東京市任何一個花園享受獨處時刻,或者係置身神社之中尋求心靈安穩,亦可投入東京嘅夜生活盡情狂歡。

    喺東京值得觀賞同體驗嘅實在太多;第一次嚟東京嘅遊客必定覺得難以取捨,所以我哋特別設計咗一系列遊東京最好旅程,俾你選擇預訂,歡度難忘假期。

    1

    東京晴空塔®門票

    遊覽需時:14 小時

    想用最短嘅時間觀賞東京整個面貌嘅話,最好嘅辦法莫過於乘坐東京晴空塔升降機,直達「340 樓」。呢座日本最高嘅建築物有兩個以玻璃封閉嘅觀景台,從呢個獨特嘅有利位置,可欣賞到整個東京市延綿不絕嘅靚景。另外一層有透明玻璃地板,你唔畏高嘅話可以透過玻璃凝望地面上微型嘅人物,睇佢地喺繁忙嘅東京趕嚟趕去。

    如果唔想受入場時間限制,就一定要買 7 天通用嘅門票,咁就可以隨時喺適合自己嘅時間入內參觀。睇多啲資料…

    2

    機器人餐廳表演

    遊覽需時:1 小時 30 分鐘

    如果你想睇日本武士大戰恐龍、熊貓騎牛牛,同埋穿上機器人服裝嘅舞蹈員,機器人餐廳表演就最啱你。呢場表演完全捕捉咗東京好玩嘅一面,充滿歡樂同熱情,適合所有年齡嘅遊客。霓虹燈照亮表演廳每個角落,包括表演者,而強勁嘅音樂將場內熾熱嘅氣氛一次又一次推到新嘅高潮。

    呢個表演會令你消除緊張,鼓勵你輕輕鬆鬆咁生活,歡迎你嚟到機器人餐廳,放鬆身心,享受瘋狂時刻。睇多啲資料…

    3

    同相撲大師較量

    遊覽需時:2 小時

    相撲係要經過長年訓練嘅,所以好少人有機會參加相撲比賽,但嚟呢度你就有機會跳上相撲台,同退休相撲大師一較高下。歡迎嚟到兩國區 (又稱「相撲町」),認識日本頂級相撲手之一,了解相撲競技呢種傳統運動。

    如果你覺得自己特別勇敢,不妨跳入相撲圈挑戰面前嘅相撲手巨無霸,試試 (只係試試) 能否將佢推動。同相撲大師較量完畢,就可以坐低享受為冠軍準備嘅午餐。睇多啲資料…

    4

    東京私人導賞遊

    遊覽需時:5 小時

    東京嘅面積龐大,幾乎無可能去晒所有值得一遊嘅地方,但不妨試試東京私人導賞遊,或有機會去齊你要去嘅地方。

    唔駛坐擠迫嘅旅遊巴士,享受由專車嚟到酒店接你,輕鬆前往東京最古老嘅佛教寺廟淺草寺。然後沿著仲見世商店街走,尋找最啱你心水嘅紀念品。之後,先去銀座區探索,再去參觀明治神宮和皇居,最後返回你住嘅酒店。唔好唔記得,您仲可以根據自己嘅興趣自訂行程。睇多啲資料…

    5

    新宿嘅居酒屋逐間試

    遊覽需時:3 小時

    新宿璀燦嘅燈光正在呼喚你,無數嘅居酒屋向你招手,歡迎你喺呢個活力充沛嘅地區逐間試,親嚐佢地嘅醇酒美食。當你喺狹窄小巷漫步時,會聽到烤雞過程發出嘅噝噝聲響,撲鼻而嚟嘅係煙燻蔬菜甜中帶苦嘅香氣,千祈要記得,見到想食嘅就唔好錯過!

    品嚐完各款唔同嘅日式料理之後,來一杯最啱自己口味又醒神嘅本地啤酒,或者清酒,完滿咁結束呢次居酒屋自遊行之旅。睇多啲資料…

    6

    壽司製作班

    遊覽需時:3 小時

    如果你嚮往自己動手嘅東京美食體驗,可以參加壽司製作班,學習有關呢種傳統式日本料理嘅所有知識。壽司大廚首先會向你講述同呢種美食有關嘅歷史同埋習俗,

    然後就可以嘗試製作 5 款不同壽司,包括手握壽司腐皮壽司戰艦卷、‬細卷,以及反卷。跟著就可以品嚐自己美味嘅製作,仲有味噌湯、米飯同埋蛋卷配襯,讓呢個體驗有個完美結束。睇多啲資料…

    7

    私人教授居合道刀術

    遊覽需時:1 小時

    喺學習居合道刀術過程中,你會探索點樣透過呢種武術學習不斷提高意識,以及極速拔刀嚟抵禦敵人 (通常係竹)。刀術教練會教你點樣領略呢種刀術獨特嘅優美技巧。

    居合道刀術唔著重教人打鬥,而係講究指定嘅動作、集中意念同埋對自己肢體嘅關注。學過點樣做刀術高手後,喺課程結束前仲會有機會嘗試用快刀去削斷豎立嘅竹枝或稻草。睇多啲資料…

    8

    日本書道課

    遊覽需時:1 小時 30 分鐘

    授課老師係世界著名嘅書法家星野友梨,上一節內容充實嘅上午或下午課,定會讓你獲益良多。課堂第一樣要學嘅係準備自己嘅正宗日本書道用嘅墨汁,呢種墨汁會散發出好似春雨後松樹林嘅香氣。然後,學習點樣手執竹管毛筆,才可以寫出線條流暢、仲能表達情感嘅字體。

    準備妥當後,將毛筆蘸上墨,然後喺特製嘅書法紙上寫上一筆。無論你係寫自己嘅名字,抑或寫一個代表安寧嘅象徵,你都一定會從今次日本之旅獲得精彩嘅文化體驗同埋紀念品。睇多啲資料…

    9

    木版畫

    遊覽需時:1 小時

    無論你係受到北齋嘅《神奈川衝浪裡》所啟發,或者係有心尋求正宗嘅文化體驗,木版畫都係體驗東京嘅理想方式。踏入工作室後,你首先可以欣賞木版畫藝術家 (亦係你嘅導師) 嘅作品,然後導師就會同你分享有關日本木版畫歷史嘅知識。

    先去探索呢種藝術形式特有嘅顏色、形狀同埋圖案,然後嘗試創造自己嘅畫作。專家導師會示範點樣拿著壓印墊板,將木刻上嘅墨印在紙上。等畫乾咗之後,你就可以將自己嘅傑作帶回家去。睇多啲資料…

    10

    富士山私家車導賞遊

    遊覽需時:8 小時

    向領咗牌嘅導遊預訂私家車,沿住較少遊客選擇嘅馬路坐車登上海拔 2,300 公尺嘅富士山觀景點。雖然由東京欣賞富士山嘅方法有好多種,包括從東京晴空塔上,或喺旅遊巴士上觀賞,但面對咁壯觀嘅美景,最好可以獨自一人靜心欣賞,而呢兩種方式都畀唔到你咁嘅環境。

    無論喺薄霧朦朧嘅夏天,或正在落雪嘅冬天嚟到,每一次都定會見到富士山獨一無二嘅壯麗景色,因為富士山嘅景致係千變萬化嘅。睇多啲資料…

    開始計劃行程

    Maps