東京是全球最令人興奮的城市之一,可讓你在一天之內跨越古今年代。許多人不禁因日本的古代文化而心醉,亦有不少人乃為日本的現代化和創造力所吸引。東京充滿了有趣的景點,並不是所有景點都必然貴。

    一些非常有趣的場所免費向公眾開放,如東京市中心的東宮花園,淺草的隅田公園,澀谷的明治神宮,兩國的相撲摔跤博物館和澀谷的惠比壽啤酒博物館。

    1

    東京晴空塔

    東京晴空塔係日本嘅現代化地標,高 634 米,亦係全球最高嘅建築物之一!塔樓嘅基地,東京晴空塔鎮,有一個購物中心,一個水族館,一系列嘅餐廳同埋紀念品商店。

    你可以去 Tokyo Skytree 嘅 2 個觀景台,欣賞東京以至關東地區嘅全景。樓高 350 米的 Tembo Deck 分為 3 層,裝有落地玻璃窗,可俯瞰整個城市的無際風光;而 450 米高的 Tembo Galleria 則設有鋼製玻璃走道,向上傾斜到樓頂。即使你唔上去觀景台,遊覽市內各個地方期間,亦絕對可以睇到呢棟現代主義傑作嘅身影!

    地圖
    2

    皇居東御苑

    • 伴侶
    • 家庭
    • 歷史文化`
    • 拍照

    皇居是日本皇室的住所,位於東京市中心。宮殿大多數範圍唔對外開放,但係遊客都仲可以參觀全年免費入場嘅皇居東御苑。

    置身花園裡面,你會見到修整完美嘅日式亭園,同埋江戶時代牆壁、警衛室等等嘅歷史遺跡。三之丸尚蔵館亦係位於同一位置,展示咗昭和天皇嘅 6,700 幾件收藏品,當中包括古代毛筆畫、藝術同手工藝品等。皇居東御苑距離大手町站只係幾步之遙。

    開放時間: 星期二至四、星期六至日 09:00 至 16:00 (夏季較遲休息)

    電話: +81 (0)3-32131111

    地圖
    3

    銀座和光鐘樓

    • 伴侶
    • 家庭
    • 拍照

    銀座和光大廈係一座新文藝復興風格建築,頂部鐘樓嘅歷史可以追溯至 19 世紀,係銀座購物區嘅地標,最初由手錶兼珠寶專家服部金太郎於 1881 年興建。銀座和光大樓 (亦可以簡稱「和光」) 係第二次世界大戰後倖存落嚟嘅少數建築物之一,而家成為咗日本數一數二嘅知名零售商品牌,專賣高檔外國商品,好似手錶、珠寶、餐具同瓷器等等。鐘樓播放嘅音樂,正正就係遠近聞名嘅《威斯敏斯特鐘聲 (Westminster Chimes)》。

    地點: 104-8105 日本東京都中央區銀座 4 丁目 5-11

    開放時間: 每日 10:30 至 19:00

    電話: +81 (0)3-3562-2111

    地圖
    4

    博品館 Toy Park

    • 家庭
    • 拍照

    博品館 Toy Park 樓高 4 層,裡面有數之不盡嘅玩具同遊戲,對於無論小朋友或係大細路,呢處簡直就係天堂!博品館玩具店喺 1899 年開幕,係全日本歷史最長嘅玩具店之一,博品館 Toy Park 出售各種各樣嘅玩具,包括電腦遊戲、棋盤遊戲、拼圖遊戲、街機、魔術道具、木製玩具、日本人偶、傳統商品、音樂盒、毛公仔,以至專門「整盅」人哋嘅禮物。博品館 Toy Park 仲設有玩具診所、免稅櫃枱,同埋親子餐廳。如果你乘搭公共交通工具,可以經 JR 山手線到新橋站落車。

    地點: 104-0061 日本東京都中央區銀座 8 丁目 8-11

    開放時間: 營業時間:每日 11:00 至 20:00

    電話: +81 3-3571-800

    地圖
    5

    歌舞伎座

    • 伴侶
    • 家庭
    • 拍照
    • 單人旅客
    • 團體

    面對日本傳統歌舞伎表演,你一係鍾意到暈,一係見到都憎,唔存在「灰色地帶」(笑)…而熱愛歌舞伎表演嘅人會話:淨係簡單音樂、大膽服裝同埋七彩舞台,已經足以令歌舞伎座成為人人必到之處,這當然是一種高度風格化的表演藝術。

    在銀座的Kabukiza劇院,全年舉行歌舞伎表演,為外國觀眾提供“翻譯耳機”選項。通常,每天都會有兩場演出,每場大約歷時 3 至 5 個鐘,分成好多,遊客可以一次過買哂全場節目嘅門票,亦都可以買飛睇其中一幕。只要喺地鐵東銀座站落車,由 3 號出口就可以直接行去歌舞伎座前門。

    地點: 104-0061 日本東京都中央區銀座 4 丁目 12-15

    電話: +81 (0) 3-35413131

    地圖
    6

    明治神宮

    • 伴侶
    • 家庭
    • 歷史文化`
    • 拍照
    • 團體

    明治神宮係日本神道神社,為記念奠定日本現代基礎嘅明治天皇、同埋皇后昭憲而建造,於 1920 年落成,卻喺第二次世界大戰期間遭到破壞,其後重建。明治神宮位於佔地約 175 英畝嘅森林綠茵中間,林內樹木係由日本各地市民捐贈,品種繁多。神社喺好多當地人嘅生活上發揮重要作用,係慶祝人生大事嘅重要場所—無論係新生 BB 祈福奉獻,定係適逢關鍵年歲 (男性 25 及 42 歲,女性 19 及 33 歲),當地民眾都會嚟到參拜。要數神社入面最豐富多彩嘅場合,必定係神道婚禮莫屬—因為,明治神宮正正係東京夫婦締結連理首選嘅神社之一!

    一場嚟到,點可以唔參觀下位處明治神宮屬地範圍嘅明治神宮寶物殿,一覽內裡嘅眾多展品?由服裝之中,你可以細看傳統日本到現代化國家嘅變遷,當中包括帝國宮廷服飾、和服,同埋西方服裝嘅引入。如果你想帶紀念品返屋企,寺內仲有好多攤檔,出售工藝品同糖果,一定俾你滿載而歸!明治神宮免費對外開放。

    地點: 151-8557 日本東京都澀谷區代々木神園町 1-1

    開放時間: 每日 09:00 到 18:00

    地圖
    7

    仲見世商店街

    • 伴侶
    • 家庭
    • 購物
    • 拍照

    仲見世唔單止係東京嘅典型購物街,佢嘅歷史仲可以追溯到幾個世紀前,處處散發傳統日式氣氛。成條步行街全長 200 米,由接近 100 間小店組成,沿住街道兩側出售紀念品,貨色包括傳統浴衣、日式面具、人偶、摺扇和 T 恤等。而當地必試小食則包括日式仙貝米餅、人形燒蛋糕 (紅豆餡餅),糰子 (小丸子) 和雷米花糖 (傳統日式彩色鬆脆甜米餅)。仲見世商店街位於淺草中心,靠近淺草寺。

    地點: 111-0032 日本東京都台東區淺草 1 丁目

    開放時間: 每日 10:00 至 17:00

    地圖

    相片由 chee.hong 提供 (CC BY 2.0) 經修改

    8

    東京國立近代美術館

    • 伴侶
    • 家庭
    • 歷史文化`
    • 拍照

    東京國立近代美術館位於上野公園,珍藏著全日本最卓越的現代藝術品,當中包括日本眾多藝術家的作品,橫跨明治時代 (1868-1912)、20 世紀至今;而你仲可以搵到保羅克利 (Paul Klee)、亞歷山大羅欽可 (Alexander Rodchenko)、瓦西里康丁斯基 (Wassily Kandinsky)、法蘭西斯培根 (Francis Bacon)、珍杜布菲 (Jean Dubuffet) 同貝唐拉維耶 (Bertrand Lavier) 等外國藝術家嘅名作。這間現代藝術博物館在竹橋站附近,入場費大約係 500 円,每個月嘅第一個星期日免費入場。

    地點: 102-8322 日本東京都千代田區北之丸公園 3-1

    開放時間: 星期二至四 10:00 至 17:00。星期五至日 10:00 至 20:00 (星期一休館)

    電話: +81 (0) 3-57778600

    地圖

    相片由 Kakidai 提供 (CC BY-SA 4.0) 經修改

    9

    東京國立科學博物館

    • 伴侶
    • 家庭
    • 歷史文化`
    • 拍照

    東京國立科學博物館 (原名係「東京科學館」) 有超過 10,000 件展品任你探索,展覽遍佈「地球館」同「日本館」等展廳,展示咗日本由史前時代到現代嘅起源。其他眾多展品仲包括物理科學同實踐展覽,教導小朋友科學科技基礎知識。

    一場嚟到博物館,點可以唔試下搵巨型藍鯨同蒸汽機?呢啲展品特別受細路仔歡迎!東京國立科學博物館係上野公園裡面第一間開幕嘅博物館,入場費 500 円,特別展覽會收取額外費用。

    地點: 110-8718 日本東京都台東區上野公園 7-20

    開放時間: 星期一至五 09:00 至 17:00。星期六至日 09:00 至 20:00

    電話: +81 (0)3-57778600

    地圖

    相片由 Wei-Te Wong 提供 (CC BY-SA 2.0) 經修改

    10

    六本木新城

    • 伴侶
    • 家庭
    • 拍照
    • 經濟實惠

    六本木之丘係一片巨型綜合建築群,裡面有住宅公寓、大型購物中心、餐飲食肆、美術館、辦公室、電視廣播室、花園同公園,仲有戲院同博物館等等娛樂場所,並以森大廈同埋「東京 City View」觀景台為焦點。開發商嘅想法係建構「城中城」,俾市民喺入面居住同返工,唔使舟車勞頓,可以盡享最優質生活。要去六本木之丘的話,旅客可以乘搭東京地鐵日比谷線或都營地鐵大江戶線到六本木站,直達景點。

    地點: 106-6108 日本東京都港區六本木 6 丁目 11-1

    電話: +81 (0)3-6406-6000

    地圖
    11

    淺草寺

    • 伴侶
    • 家庭
    • 歷史文化`
    • 拍照
    • 團體

    嚟到淺草旅行,梗係要參觀下廣受推崇嘅佛教寺廟淺草寺 (淺草觀音寺) 啦!佢係東京最古老、最宏偉嘅寺廟之一,而好多遊客都會聯想到寺外大門上面懸掛嘅「雷門」大紅燈籠。據估計,每年有超過 3,000 萬人次湧到呢度觀光或參拜!呢座寺廟專為供奉慈悲為懷嘅觀音大士而興建。

    相傳,淺草寺建於 645 年,崇敬觀音大士。雖然成間寺廟曾經多次受損,歷經 1923 年大地震同第二次世界大戰等等難關,好彩歷年以來一直得到精心修護,仲成日翻新添!寺外庭院種咗一棵樹,生長喺戰爭期間被炸彈擊中炸毀嘅舊樹外殼上,被參拜信眾視為寺廟象徵,喺逆境之中再生成長。淺草寺後面仲有一座知名建築,正正係三社祭五重塔,建於 1649 年。

    淺草寺是東京許多節日的中心,包括三社祭、燈籠花市、淺草森巴嘉年華和東京時代祭等。

    地點: 111-0032 日本東京台東區淺草 2 丁目 3-1

    開放時間: 寺廟空地全年開放,主廳就喺每日 06:30 (4 月至 9 月為 06:00) 至 17:00 開放。

    電話: +81 (0)3 3842 0181

    地圖
    12

    下町風俗資料館

    • 伴侶
    • 家庭
    • 歷史文化`
    • 拍照

    下町風俗資料館是一座迷人的小型博物館,展示了江戶時代日本人的日常生活風情,有聘請識講英文嘅導遊,為遊客講解傳統街景複製品,當中包括商家房屋、商店同住宅樓宇。展館二樓仲有古老玩具展覽,任你試玩;而遊客可以近距離一覽舊日傳統客廳、睡房同廚房係點嘅樣。下町風俗資料館位於上野公園嘅南部,鄰近不忍池。

    地點: 110-0007 日本東京都台東區上野公園 2-1

    開放時間: 星期二至星期日 09:30 至 16:30 (星期一休館)

    地圖
    13

    隅田公園

    • 家庭
    • 拍照
    • 經濟實惠

    每年春天,好多人都會去隅田川兩岸,欣賞絢麗嘅淺粉紅色櫻花,而呢啲繽紛動人嘅櫻樹正正係由德川幕府第八位將軍德川吉宗種植。呢處景區風光不殊,吸引遊客同當地人嚟野餐,坐喺櫻花樹嘅落葉下,享受美食。

    日落西山之後,公園大道點起華麗燈籠,令夜晚氣氛更加怡人。有啲人就鍾意泛舟河上,由更佳角度賞花。呢度夜晚可能會涼少少,如果你計劃喺公園逗留一段時間,最好帶埋毛毯保暖。遊人只須乘搭地鐵到鶴舞站,就可以直接嚟到公園。

    地圖

    相片由 Arashiyama 提供 (CC BY-SA 3.0) 經修改

    14

    兩國國技館

    • 伴侶
    • 家庭
    • 拍照
    • 團體

    相撲是一項熱門的傳統運動,自古以來就是日本文化的一部分。據講,喺遙遠嘅過去,凡人會用相撲嚟娛樂神道眾神;今時今日,每逢 1 月、5 月同 9 月,遊客都可以喺東京嘅兩國國技館欣賞傳統相撲比賽!一日裡面會有好多次對決,每次對決淨係持續幾秒鐘,能夠維持一分鐘嘅情況極其罕見。相撲比賽嘅門票價格差異好大,最平嘅座位起價大約 4,000 円。

    以前,所有相撲參賽者都係日本國民;時移世易,而家來自蒙古、保加利亞甚至係夏威夷嘅相撲精英亦都為數不少。同好多其他運動一樣,觀眾可以一邊睇相撲,一邊食下嘢、飲下嘢,同朋友傾下偈。如果你留步欣賞最後一場比賽,咁就要等結束儀式完結之後,先可以離座—咁做除咗係禮貌,亦都係好關鍵喺文化元素。結束儀式相當簡短,親身見證其實都幾有趣。橫跨全段賽程,你都可以透過音頻耳機聽英文評述。

    如果你錯過咗睇相撲比賽嘅機會,咁就一定要去場館隔籬嘅相撲博物館行下,透過展覽進一步了解相撲藝術,館內展品包括江戶時代至今同相撲相關嘅眾多古董。博物館免費入場。

    地點: 130-0015 日本東京都墨田區横網 1-3-28

    地圖

    相片由 Gregg Tavares 提供 (CC BY 2.0) 經修改

    15

    太陽城

    • 伴侶
    • 家庭
    • 購物
    • 拍照

    太陽城位於池袋,是由 4 棟大廈組成的建築群,設有 2 個大型購物商場、一個主題公園和觀景台,仲有水族館、博物館、會議中心、劇院,以及大型辦公室。

    太陽城俾到你一流嘅購物機會,裡面嗰 2 間百貨公司開滿獨家設計師名店、女裝服飾店同家居用品店,商舖數量超過 200 間,一定令你滿載而歸!至於飲食方面,這裡的選擇無窮無盡,除了快餐和歐洲美食,還有許多日本餐廳,價格豐儉由人。一場嚟到,千祈唔好錯過頂樓嘅「陽光 60」瞭望台,將本市遼闊全景盡收眼底!

    地點: 170-0013 日本東京都豊島區東池袋 3-1

    開放時間: 每日 09:00 至 20:00

    電話: +81 (0)3-3989-3331

    地圖

    相片由 Guilhem Vellut 提供 (CC BY 2.0) 經修改

    16

    國立西洋美術館

    • 伴侶
    • 家庭
    • 歷史文化`
    • 經濟實惠

    國立西洋美術館 (NMWA) 以松方藏品系列嘅 370 件作品為主,其中好多係印象派畫作,之前一直都由法國政府保管。自 1959 年開業以來,呢間博物館每年都會買入更加多嘅藝術品,增加館藏。

    而家,館內藏品涵蓋 18 世紀到 20 世紀初嘅世界著名藝術品,出自多位藝術家嘅手筆,包括里索斯 (Ritzos)、克利夫 (Van Cleve)、維諾內些 (Veronese)、魯本斯 (Rubens)、范勒伊斯達爾 (Van Ruysdael)、理貝拉 (Ribera)、德拉克拉瓦 (Delacroix)、庫爾貝 (Courbet)、馬奈 (Manet)、雷諾瓦 (Renoir)、莫奈 (Monet) 同梵高 (Van Gogh);而遊客仲可以喺館外花園搵到奧古斯特羅丹 (Auguste Rodin) 嘅知名雕塑—《沉思者 (The Thinker)》同《地獄之門 (The Gate to Hell)》添!喺全日本專為西方藝術而創立嘅博物館之中,國立西洋美術館肯定位列榜首。

    地點: 110-0007 日本東京都台東區上野公園 7-7

    開放時間: 星期二至星期日 09:30 至 17:00 (星期五開放至 20:00)

    電話: +81 (0)3-38285131

    地圖

    相片由 Kakidai 提供 (CC BY-SA 4.0) 經修改

    17

    東京國立博物館

    • 伴侶
    • 家庭
    • 歷史文化`
    • 拍照

    東京國立博物館成立於 1872 年,是日本最重要的博物館之一,藏品令人印象深刻,佈滿館內 5 座展覽大樓,計有繩紋時代嘅物品同日本傳統工藝品等等,當中包括武士刀、盔甲、和服,以至來自其他亞洲國家嘅藝術同考古文物。

    如果你想更加仔細咁欣賞展品,可以租用語音指南 (提供日文、英文、普通話同韓文版本),亦都可以下載博物館嘅應用程式「Tohaku Navi」。東京國立博物館位於上野公園,鄰近另外幾座優秀博物館。

    地點: 110-8712 日本東京都台東區上野公園 13-9

    開放時間: 星期二至星期日 09:30 至 17:00。星期五至星期六開放至 21:00,星期日開放至 18:00 (星期一休館)

    電話: +81(0) 3-54058686

    地圖
    18

    東京鐵塔

    • 伴侶
    • 家庭
    • 拍照

    東京鐵塔既係呢座城市最具代表性嘅建築,亦係著名旅遊地標,設計參考法國艾菲爾鐵塔 (但就比原作高出 13 米),啱啱好喺 1958 年關東地區需要大型廣播塔嘅時候完工,至今仍然運作緊。

    鐵塔裡面有 2 個觀景台,分別位於 150 米同 250 米高處;其他設施包括幾間紀念品店、遊戲角、餐廳、快餐店,同埋珍藏咗古董玩具等展品嘅遊樂園。如果你係 Jazz、R&B 同 Bossa Nova 音樂嘅粉絲,可以喺每個星期三、四到一樓主觀景台嘅 Club 333 欣賞 Live Music,唔使額外付費,只要俾觀景台嘅常規入場費就得。萬一遇著暴風雨,250 米嗰度嘅特別觀景台可能會關閉,又或者開放時間有所變動。

    地點: 105-0011 日本東京都港區芝公園 4 丁目 2-8

    開放時間: 觀景台每天 09:00 至 23:00 開放 (其他設施的開放時間各有不同)

    地圖
    19

    東照宮

    • 伴侶
    • 家庭
    • 歷史文化`
    • 拍照
    • 單人旅客
    • 團體

    上野公園嘅東照宮有展出細緻藝術品,肯定令你一見難忘!東照宮成立於 1627 年,專為江戶幕府嘅創始人德川家康而興建,而嗰個幕府喺 1603 年至 1867 年期間曾經統治日本。

    神宮入面,170 米長嘅精美木牆圍繞住拝殿 (主要結構同禮拜堂) 同 50 個宗教儀式用嘅大型銅燈籠;宮內裝飾豐富,飾有好多文物真品,當中包括幕府將軍嘅盔甲同劍,仲有追溯至江戶時代嘅地圖。東照宮於 1907 年被列為國寶,位於上野站前面,交通方便。

    開放時間: 每日 09:00 至 17:00

    電話: +81 (0)3-3822-3455

    地圖
    20

    上野公園

    • 伴侶
    • 家庭
    • 拍照
    • 經濟實惠

    上野公園佔地廣闊,可以為遊客提供數之不盡的玩樂選擇!呢片公園位於東京市中心北部,被稱為「城市之肺」,係當地人呼吸新鮮空氣、放鬆身心嘅好地方;園內有趣景點包括東照宮、上野動物園、東京都美術館、東京國立博物館、國立西洋美術館和國立科學博物館。如果你喺夏季嚟到,記住要路經不忍池天然大池塘—呢度係以蓮花盛開、飛鳥成群而聞名架!

    春季時份,上野公園堪稱全東京最有氣氛嘅地方之一,園內大約 1,000 棵櫻花樹綻放粉紅色花海,成日都有一大班遊客鋪開地墊,霸定野餐好位,然後坐足一日,守住據點,唔俾其他人搶走 (笑)。呢處景點極受歡迎,當地市民都鍾意同屋企人、同學、朋友、以至著住西裝嘅商務夥伴嚟到,盤腿坐低,飲飲食食。

    地圖

    相片由 Guilhem Vellut 提供 (CC BY 2.0) 經修改

    21

    上野動物園

    • 伴侶
    • 家庭
    • 拍照

    上野動物園佔地超過 35 英畝,住咗 500 個唔同品種嘅動物,生機盎然。呢個公園成立於 1882 年,係日本最古老嘅動物園,分為「東園」同「西園」,至少要 3 個鐘先可以行勻每個角落!身處園內,你會遇到好多有趣動物,例如亞洲象、雪猴同其他外來物種,仲有長頸鹿、河馬同斑馬等等嘅非洲蹄足動物。

    兒童動物園同樣不容錯過—小朋友們可以喺呢度接觸自由放養嘅馴養動物,親親大自然;而園內其他設施仲包括禮品店、小食檔同餐廳。上野公園地方好大,有好多枱凳,俾遊人休息下;而動物園周圍仲散落咗一啲歷史建築,包括最初建於 1631 年嘅五重塔,同埋歷史悠久嘅茶屋。

    地點: 110-0007 日本東京都台東區上野公園 9-83

    開放時間: 每日 09:30 至 17:00 (星期一休園)

    電話: +81 (0) 3-38285171

    地圖
    22

    睇相撲訓練嘅好去處

    • 伴侶
    • 家庭
    • 拍照
    • 團體

    如果你有興趣睇相撲訓練,可以參觀相撲部屋—相撲運動員就係喺呢啲部屋裡面遵循嚴格規定,一齊生活受訓。通常,練習環節好早開始,時間大約係 06:00 至 11:00。想參觀的話,一定要提前查詢。
    玉之井部屋:從日暮里舎人線 (日暮里舎人ライナー) 的西新井大師西站步行 10 分鐘 (聯絡方法:info@tamanoi.com)
    千賀之浦部屋:由東京地鐵線或東武線嘅淺草站揸車大約 5 分鐘 (電話:+81(0)3-38742663)
    Arashio-beya :從東京地鐵濱町站步行 1 分鐘 (電話:+81 (0) 3-36667646)

    相片由 amanderson2 提供 (CC BY 2.0) 經修改

    23

    惠比壽啤酒紀念館

    • 伴侶
    • 歷史文化`
    • 拍照

    日本喺明治時期初嚐啤酒滋味,之後旋即生產咗好多大受歡迎嘅啤酒。惠比壽啤酒始創於 1890 年,當時就連惠比壽鎮同周邊地區都仲未建立!時至今日,惠比壽啤酒已經由著名嘅札幌啤酒公司所擁有,依然有推出產品。行到入去紀念館,遊客會見到好多同啤酒相關嘅妙趣展品,例如舊製酒設備同舊啤酒廣告;館內仲設有品酒廊,俾大家用合理價格品嚐各款惠比壽啤酒,難怪咁有吸引力!紀念館免費入場。

    地點: 150-8522 日本東京都澀谷區惠比壽 4 丁目 20-1

    開放時間: 星期二至星期日 11:00 至 19:00 (星期一休館)

    電話: +81 (0)3-5423-7255

    地圖

    相片由 Dushan Hanuska 提供 (CC BY-SA 2.0) 經修改

    24

    東京迪斯尼樂園

    • 伴侶
    • 家庭
    • 拍照

    東京迪士尼樂園係第一個喺美國境外建造嘅迪士尼主題公園,自 1983 年開始營業,至今依然深受家庭、情侶以至各個年齡段嘅遊客歡迎。樂園分為以下 6 個區域:探險樂園、西部樂園、動物天地、夢幻樂園、卡通城和明日樂園。

    建造樂園嘅目的係為大眾送上歡樂,而工作人員仲會著上米奇、黛西同布魯托等迪士尼卡通人物造型嘅服裝,帶住汽球喺公園周圍漫步,同遊客影相添!迪士尼樂園嘅入口林立維多利亞風格嘅主題商舖、餐廳同 Café,主街盡頭就係優雅嘅灰姑娘城堡,喺公園各處都望得到。園內的巡遊路線數之不盡,有五顏六色的花車載著白雪公主、美女與野獸等卡通人物,高歌熱舞,與眾同歡。東京迪士尼樂園位於東京市中心外的浦安市;由東京出發,搭火車到舞濱站就可以直達景點。

    地點: 279-0031 日本千葉縣浦安市舞濱 1-1

    開放時間: 每日 08:00 至 22:00

    地圖
    Stephan Audiger | 旅遊常客

    開始計劃行程

    Maps