東京 34 大出色餐廳

東京美食指南

    東京不乏外出用膳選擇—據估計,這個日本首都城市設有 60,000 間餐廳,風味與價格各異,從主廚松久信幸的高檔佳餚、到附近居酒屋的便宜酒吧小吃,都可以找到。令許多遊客高興的是—即使在東京外出用膳,都可以相對實惠。

    午餐是嘗試新餐廳的好時機,因為銀座和原宿等高檔區域的午市價格通常是晚市的一半。午膳時間,你也可以加入縈迴市內各處的「人龍」之一,嚐一嚐便當盒 (包含各式米飯、蔬菜和貝類的午餐盒) 滋味。

    1

    雞肉串燒街

    想喺銀座購物區嘅急促步伐之中稍息片刻,不妨去吓晴海通外 JR 鐵路軌道下方嘅雞肉串街!這條街上開設了不少雞肉串燒小店,位處逐步翻新成時尚直銷廣場的古老樓房之中,逢星期五即成人氣聚腳點—你既可暢飲價格相宜的啤酒,大啖鮮美多汁的雞肉串燒,亦可與東京當地人閒話家常,沉醉於型格十足嘅「東京風情」之中。

    地點: 晴海通外 JR 鐵路軌道下方

    開放時間: 每日 17:00 開始營業 (星期日同埋假日休息)

    • 品嚐美食
    • 晚間娛樂
    • 經濟實惠

    相片由 Kars Alfrink 提供 (CC BY 2.0) 經修改

    2

    東京麗思卡爾頓酒店檜木 (ひのきざか) 餐廳

    想要體驗真正奢華享受,不妨去麗思卡爾頓酒店嘅 45 樓,喺擁有 200 年歷史嘅茶室兼私人用餐室之內,一邊享用 Chef's Special 懷石料理,一邊俯瞰東京天際線。檜木 (ひのきざか) 餐廳的其他用餐區同樣佈置優雅,設有壽司、鐵板燒和天婦羅專櫃,另有榻榻米私人房;而餐牌選擇多樣,除咗供應傳統日式佳餚,亦有較富現代感嘅菜式,統統精緻呈獻。

    地點: 107-6245 日本東京都港區赤坂 9-7-1 東京麗思卡爾頓酒店 45 樓

    開放時間: 每日 11:30 至 14:30 及 17:30 至 22:00

    電話: +81 (0)1-2079-8688

    • 品嚐美食
    • 豪華住宿
    3

    忍者赤坂餐廳

    呢間有趣嘅居酒屋餐廳以忍者傳統為主題,室內裝飾採用迷宮式佈局,格外引人入勝;餐牌有供應日式酒吧小吃和共享拼盤,美味可口。忍者赤坂餐廳周圍都係忍者年代斗篷揚起、匕首橫飛嘅誇張戲碼,絕對係慶祝生日、週年紀念,又或者招待商務客人嘅好地方。想要喺度食飯,建議提早訂位。

    地點: 100-0014 日本東京千代田區永田町 2-14-3 赤坂東急廣場 1 樓

    開放時間: 星期一至六 17:00 至 02:00。星期日 17:00 至 23:00。

    電話: +81 (0)3-5157-3936

    • 品嚐美食
    4

    二代目つじ田餐廳

    二代目つじ田餐廳炮製拉麵嘅手法獨樹一格,難怪餐廳得 16 個位,店外時刻都仲有長長人龍等候入座。拉麵的關鍵在於湯頭;而本店湯頭則由海鮮、豬骨、黑胡椒和柑橘秘製而成,質地濃稠,帶有只此一家的煙燻豬肉香味。你可以來一客「番茶」,配搭拉麵,一嚐獨特滋味。二代目つじ田餐廳距離飯田橋站步程不遠,店外「覓食」人流絡繹不斷,你好可能要耐心等位。

    地點: 102-0072 日本東京千代田區飯田橋 4 丁目 8-14

    開放時間: 星期一至五 11:00 至 15:00 及 17:00 至 21:30。星期六至日為 11:00 至 20:00

    電話: +81 (0)3-5256-3200

    • 品嚐美食

    相片由 Guilhem Vellut 提供 (CC BY 2.0) 經修改

    5

    Mominoki House 餐廳

    Mominoki House 餐廳老闆兼主廚山田定期舉辦英語講座,宣揚「大自然長壽飲食」嘅優點,並以供應最簡單、最自然嘅健康食物為傲。店內素食菜式大多以有機食材入饌,而且備餐過程採用電子碘化水,一點一滴都非常考究,定食配搭味噌湯同埋灑上烤芝麻嘅糙米飯奉上,營養均衡又美味。餐廳亦出售有機啤酒、葡萄酒同埋清酒,佐餐一流!

    地點: 日本東京都澀谷區神宮前 2-18-5

    開放時間: 每日 12:00 至 22:30

    電話: +81 (0)3-3405-9144

    • 品嚐美食

    相片由 Rhett Sutphin 提供 (CC BY 2.0) 經修改

    6

    數寄屋橋次郎餐廳

    嚟到數寄屋橋次郎餐廳,你可以試一吓別具特色嘅壽司!呢間小餐廳位於繁華熱鬧嘅銀座商業大廈地庫,只有 10 個吧檯座位,但長期獲評選為米芝蓮三星級食店,亦係全球數一數二嘅頂級壽司店;店家每日從市場上嚴選優質食材,放入獨立冰箱中以不同溫度保存,完美留住新鮮精膩的風味。如果想要喺呢間獨一無二嘅餐廳用膳,記得提前訂位。

    地點: 104-0061 日本東京中央區銀座 4-2-15 冢本素山大廈 B1 樓

    開放時間: 星期一至五 11:30 至 14:00 及 17:00 至 20:30。星期六 11:30 至 14:00 (逢星期日休息)

    電話: +81 (0)3-3535-3600

    • 品嚐美食

    相片由 City Foodsters 提供 (CC BY 2.0) 經修改

    7

    鮨からく餐廳

    鮨からく餐廳位於地庫樓層,佈置乾淨簡約,店內大廚恪守日式食品工藝傳統,堅定不移供應滋味誘人嘅江戶前壽司。既有津輕海峽大間地區最鮮美、最優質的吞拿魚,加上特選鯛魚和からく三文魚壽司等,你定必垂涎欲滴!這間餐廳備有英文餐牌,而大廚亦通曉各種魚類的英文名稱,溝通絕不成問題,不妨坐喺餐桌旁邊,同大廚交流互動。

    地點: 104-0061 日本東京中央區銀座 5-6-16 西五番館大廈 B1 樓

    開放時間: 星期一至五 11:30 至 15:00 及 17:00 至 23:00。星期六至日 11:30 至 21:30

    電話: +81 (0)3-3571-2250

    • 品嚐美食
    8

    煉瓦亭餐廳

    100 多年來,煉瓦亭餐廳一直供應各種滿有西餐特色嘅菜式,包括炸豬排同埋蛋包飯等,更被譽為馳名日式炸豬排的發明先驅,難怪店內餐牌列滿油炸美食!話雖如此,你還可選擇其他營養均衡的菜餚,大快朵頤。一踏進呢間古樸而舒適嘅餐廳,你即刻會有返番 1920 年代嘅懷舊感覺!

    地點: 104-0061 日本東京中央區銀座 3-5-16

    開放時間: 星期一至六 11:15 至 15:00 及 16:40 至 21:00 (逢星期日休息)

    電話: +81 (0)3-3561-3882

    • 品嚐美食
    9

    近藤天婦羅餐廳

    近藤天婦羅係一間米芝蓮星級餐廳,以輕盈新鮮、鬆脆可口嘅天婦羅而聞名。店主兼大廚從全國各地進口蔬菜,加入冰塊保溫,以鎖住水分,並在自家調配的芝麻油中將天婦羅略炸一下,保留食材的「原汁原味」。嚟到兩間小餐室嘅其中一間,不妨輕鬆坐喺餐桌旁邊,靜觀大廚即席烹製天婦羅,為你送上最佳風味同埋口感。

    地點: 104-0061 東京中央區銀座 5-5-13 坂口大廈 9 樓

    開放時間: 星期一至六 12:00 至 15:00 及 17:00 至 22:30 (逢星期日休息)

    電話: +81 (0)3-5568-0923

    • 品嚐美食

    相片由 Jun Seita 提供 (CC BY 2.0) 經修改

    10

    安兵衛餐廳

    安兵衛餐廳嘅「沾麵」純手工製作,喺「出汁」魚湯中浮游,味道鮮美,並備有 220 克、330 克和 440 克三種份量選擇,只須在進店時透過自動售賣機購票,店員就會安排入座,並為你落單。單看店外午市時段的人龍,就知道安兵衛餐廳極受歡迎—可幸,店家服務效率高,人龍很快向前移動。事實上,許多當地人都將這間麵店奉為「東京頂尖吃麵熱點」,尤以食品相宜價格更為人稱道。安兵衛餐廳喺市內各處至少設有 10 間分店,總有一間喺你附近!

    地點: 107-0052 日本東京都港區赤坂 6-3-19 赤坂 Orion 大廈 1 樓

    開放時間: 每日 11:00 至 02:00

    電話: +81 (0)3-3505-4211

    • 品嚐美食

    相片由 Hiroaki Sakuma 提供 (CC BY-SA 2.0) 經修改

    11

    櫻亭餐廳

    呢間「御好燒」餐廳位於原宿後街,深受當地居民以至名人推崇,以實惠價格同埋獨一無二嘅環境而聞名遠近,店內飾滿時尚藝術品和塗鴉牆,難怪吸引遊人慕名而來,既品嚐「任飲任食」的滋味食品,亦沉醉於型格氛圍之中。除了口味多不勝數的御好燒外,店內還備有各種小菜和甜品,並提供英文用餐指南,正是你初嘗御好燒用餐體驗的好去處!櫻亭餐廳佔地廣闊,惟亦極具人氣,建議提前訂位。

    地點: 150-0001 日本東京澀谷區神宮前 3-20-1

    開放時間: 營業時間為每日 11:30 至 23:00

    電話: +81 (0)3-3479-0039

    • 品嚐美食

    相片由 Jonathan Lin 提供 (CC BY-SA 2.0) 經修改

    12

    表参道うかい亭餐廳

    表参道うかい亭係一間極盡時尚嘅星級餐廳,以優質服務、豐盛美食、以及西日相融嘅別致氛圍而享負盛名,係城中最具人氣嘅鐵板燒餐廳之一。店內裝潢古典華麗,廚房由訓練有素嘅頂級大廚主理,喺鐵板燒烹飪中迸發激情與雀躍!

    地點: 150-0001 日本東京澀谷區神宮前 5-10-1 表參道 Gyre 大廈 5 樓

    開放時間: 每日 12:00 至 14:00 及 17:30 至 21:00

    電話: +81 (0)3-5467-5252

    • 品嚐美食
    • 豪華住宿

    相片由 City Foodsters 提供 (CC BY 2.0) 經修改

    13

    九州じゃんがら餐廳

    九州じゃんがら餐廳屬東京大熱拉麵連鎖店旗下,極受當地人歡迎,從長長嘅午餐人龍中可見一斑!呢間店同原宿站及明治神宮前站都係相隔幾步,啱啱好成為你喺原宿購物同 Gathering 之後落腳嘅好去處。要數九州じゃんがら餐廳最具人氣嘅食品,當非口味濃郁嘅豬骨湯拉麵莫屬;而餐牌上仲有多種多樣嘅配料同湯頭,仲可以免費添麵,必定俾你食到食指大動!

    地點: 150-0001 日本東京澀谷區神宮前 1-13-21

    開放時間: 星期一至五 10:45 至 02:00。星期六至日 10:00 至 03:30

    電話: +81 (0)3-3404-5572

    • 品嚐美食
    • 經濟實惠
    14

    濱木綿鐵板燒餐廳

    濱木綿餐廳位於東京台場日航大酒店 30 樓,為你送上地道日式鐵板燒嘅味覺震撼!從餐廳望去,你可以飽覽彩虹橋另一端的東京灣全景,訂位時不妨指明要窗邊餐桌,將遼遠風光盡收眼底。餐牌之上,日本國產牛肉與時令海鮮相映成趣,適合各式特別宴會享用,俾你淺嚐豐富滋味。

    地點: 日本東京港區台場 2-6-1 東京台場日航大酒店 30 樓

    開放時間: 每日 11:30 至 14:30 及 17:30 至 21:30

    電話: +81 (0)3-5500-6606

    • 品嚐美食
    15

    権八西麻布餐廳

    権八餐廳位於 Aquacity 嘅 Glien Passage 主題公園綜合用餐區內,裝潢強勢鮮明,餐牌選擇雖然唔多,但會為你奉上品質優越嘅雞肉串燒、烤魚、各款蕎麥麵同埋小菜。店內設有寬敞的吧檯座位及榻榻米私人餐室,可飽覽海港景致;而店家亦備有一系列葡萄酒和清酒,與你的餐點完美配搭。餐廳主用餐室設計靈感似係源於電影《標殺令》場景,往往都相當熱鬧,滿載動感。

    地點: 106-0031 日本東京港區赤坂西麻布 1-13-11 西麻布

    開放時間: 每日 17:30 至 01:00

    電話: +81 (0)3-3599-4807

    • 品嚐美食

    相片由 jencu 提供 (CC BY 2.0) 經修改

    16

    更科堀井餐廳

    更科堀井已有 200 年歷史,係六本木區內極其知名嘅蕎麥麵餐廳,其所出品嘅蕎麥麵冠絕全東京,備有 4 款麵條供食客選擇,而我們誠意推薦更科蕎麥麵—這種麵條的麵身呈白色,皆因餐廳僅採用蕎麥種芯製作,而未有如其他食肆般用上整粒種子磨粉。湯頭乾身濃郁,或口感溫和,另有各款香脆天婦羅,佐以蕎麥麵一齊食,味道一流!

    地點: 106-0046 日本東京都港區元麻布 3-11-4

    開放時間: 星期四至二 11:30 至 20:30

    電話: +81 (0)3-3403-3401

    • 品嚐美食

    相片由 Edomura no Tokuzo 提供 (CC BY-SA 4.0) 經修改

    17

    東京君悅酒店櫸坂 (けやき坂) 餐廳

    呢間餐廳嘅招牌菜計有鵝肝配焦糖水果、香橙沙巴雍醬蘆筍等鐵板燒美食,難怪可以成為東京米芝蓮美食指南嘅非凡之選!餐廳裝潢時尚,座位圍繞喺料理台四周,俾食客親身見證大廚炮製優質食材。除咗創新佳餚之外,店家亦備有頂級牛扒等傳統鐵板菜式,喺滋滋作響嘅鐵板上煎至完美熟度,方為你奉上。

    地點: 106-0032 日本東京都港區六本木 6-10-3 東京君悅酒店 4 樓

    開放時間: 每日 11:30 至 14:30 及 18:00 至 22:00

    電話: +81 (0)3-4333-8782

    • 品嚐美食
    • 豪華住宿
    18

    駒形どぜう餐廳澀谷店

    既然嚟到呢間餐廳,就一定要試試名為「」嘅稀有美食—呢個係一種類似鰻魚嘅泥鰍,而駒形どぜう餐廳主打泥鰍鍋,以新鮮泥鰍配搭時令蔬菜,炮製出豐富美味嘅燉菜。餐廳恪守傳統,用炭火烹調火鍋,與江戶時代無異。雖說泥鰍是本店名物,但餐牌上亦有供應其他居酒屋常規食品,任你選吃!駒形どぜう餐廳開業超過 150 年,代代相傳,相當成功,而現任主廚已經係第六代接班人。

    地點: 日本東京都澀谷區道玄坂 1-5-9 煉瓦大樓 4 樓

    開放時間: 星期一至六 11:30 至 22:00星期日和假日 11:30 至 21:30

    電話: +81 (0)3-3464-5522

    • 品嚐美食

    相片由 Aimaimyi 提供 (CC BY-SA 3.0) 經修改

    19

    回憶橫丁

    回憶橫丁 (即解作「回憶小巷」) 重現 1950 年代東京戰後面貌,妙趣橫生—想當年,黑市地下交易同酒吧喺新宿後街發展蓬勃;而這條熙攘擠擁的小巷如今則擠滿了小酒吧,供應美食佳餚、冰鎮啤酒、清酒,以及簡單美味的雞肉串燒。店員皆態度友善,惟未必位位都懂講英文;不過,你可以指出想點的食物,並沉醉於這種地道十足的日式體驗之中,盡享樂趣!

    地點: 日本東京都新宿區西新宿 1-2-11

    開放時間: 17:00 至深夜

    • 品嚐美食
    • 經濟實惠

    相片由 mhiguera 提供 (CC BY 2.0) 經修改

    20

    つな八天婦羅餐廳

    つな八天婦羅餐廳享負盛名,世世代代都深受當地人推崇。店內大多數座位圍繞吧檯擺放,讓你無間斷大啖廚師即叫即製的各式天婦羅食品;而你亦可以安坐餐桌旁,慢慢享用大廚奉上的一切—由魚、蝦、蜆、豆腐以至蔬菜等等,全都具有正宗風味,配以三種蘸醬共吃,更添滋味。何不於午市時段前來つな八餐廳,享用價格低至 1,500 円的優質午餐定食?呢間位於新宿嘅餐廳早喺 1923 年開業,如今喺東京市內嘅高級百貨公司設有幾間分店,喺京都亦有一間分店。

    地點: 日本東京中野區本町 3-30-4 KDX 中野坂上大廈 7 樓

    開放時間: 每日 11:15 至 22:00

    電話: +81 (0)3-3352-1012

    • 品嚐美食

    相片由 Kent Wang 提供 (CC BY-SA 2.0) 經修改

    21

    串揚はん亭餐廳

    串揚はん亭是上野必到餐廳之一,坐落於熬過 1922 年東京大地震及二戰後倖存的少數古老建築內,裝潢極盡優雅,洋溢傳統風尚。店家所在樓高 3 層嘅房舍已獲納入國寶,因而歷經精心修復同保養;而餐廳主打「串揚」,將一口大小嘅美食串喺棒上,輕輕炸製而成,別具典雅氣質,完美融入周圍氣氛之中。呢間店不設餐單,只須坐喺到,店員就會為你奉上源源不絕嘅美味佳餚;食飽之後,通知店家即可。

    地點: 日本東京文京區根津 2-12-15

    開放時間: 星期二至日 12:00 至 14:30 及 17:00 至 22:30

    電話: +81 (0)3-3828-1440

    • 歷史文化`
    • 品嚐美食
    • 非一般行程

    相片由 Jun Seita 提供 (CC BY 2.0) 經修改

    22

    普茶料理-梵餐廳

    普茶料理-梵餐廳佈置優雅,主打「普茶料理」—呢個係禪宗佛教僧侶嘅全素餐食,於 17 世紀傳入日本,完美平衡甜、酸、苦、鹹、清淡同埋溫熱 6 種基本口味,運用刺身、蒸煮、油炸、烤焗同水煮呢 5 種烹調方法,炮製出道道美食。由裝飾、碗盤、筷子,以至堅果、水果同埋鮮花嘅擺盤方式等等,梵餐廳喺各方各面皆致力營造和諧之感。晚餐定食價格為 5,000 円。

    地點: 110-0012 日本東京台東區龍泉 1-2-11

    開放時間: 星期一至五 12:00 至 15:00 及 17:30 至 21:00。星期六 12:00 至 21:00。星期日 12:00 至 20:00。最後點餐時間為關店前 2 小時 (逢星期三休息)

    電話: +81 (0)3-3872-0375

    • 品嚐美食
    • 豪華住宿

    相片由 mexican 2000 提供 (CC BY-SA 2.0) 經修改

    23

    明神下神田川本店

    嚟到明神下神田川本店,你即可以用合理價格,品嚐美味嘅燒鰻魚菜式。一般來說,野生鰻魚在夏季亦屬時令,可供入饌—據稱,只要在潮濕悶熱的夏季吃鰻魚,即可治療嗜睡症。這間小餐廳的裝飾洋溢傳統日式風格,貼心服務彰顯日本人的勤奮本色。明神下神田川本店極受外國遊客歡迎,最好提前訂位。

    地點: 日本東京千代田區外神田 2-5-11

    開放時間: 每日 11:30 至 13:30 及 17:00 至 21:30 (逢星期日休息)

    電話: +81 3-3251-5031

    • 品嚐美食

    相片由 ProjectManhattan 提供 (CC BY-SA 3.0) 經修改

    24

    肉匠なか田西麻布店

    肉匠なか田餐廳搜羅日本頂尖農場出品嘅最優質牛肉,為食客精心烤製各式肉類佳餚,更嚴格挑選最能突出每種食材天然風味的食鹽,並將用餐體驗融入時尚經典的室內裝潢之中,定當為你帶來難忘一晚!事實上,部分牛肉菜式會連同木炭小烤架上菜,喺餐桌上即煮即食,倍添風味,氣氛更佳。

    地點: 106-0031 日本東京港區赤坂西麻布 2-2-2 西麻布 NK 青山 Homes 1 樓

    開放時間: 星期一至五 18:00 至 00:00。星期六營業時間為 17:00 至午夜。

    電話: +81 (0)3-5468-2911

    • 品嚐美食

    相片由 City Foodsters 提供 (CC BY 2.0) 經修改

    25

    青山長壽庵餐廳

    長壽庵餐廳以蕎麥麵聞名,用餐氣氛輕鬆。日頭,店家為眾多商務客供應馳名天婦羅同埋蕎麥麵;入夜之後,餐廳即搖身一變,成為時尚酒吧,以美味蕎麥麵配搭燒酒奉客,深受上班族喜愛。一場嚟到,點解唔試吓鰻魚丼,俾鰻魚鮮甜濃郁嘅滋味充滿你嘅口腔?你亦可以任選各式天婦羅,佐以蕎麥麵一齊食,風味一流!

    地點: 日本東京都港區南青山 2-6-18 渡邊大廈 1 樓

    開放時間: 星期一至五 11:00 至 15:00 及 17:30 至 20:00。

    電話: +81 (0)3-3401-3619

    • 品嚐美食
    26

    三亀餐廳

    三亀餐廳自 1946 年起營業,深受著名作家、商人同埋政治家推崇,主打關西風味高級日式料理,菜式包括河豚、鱒魚和鰻魚等,按時令輪換,另亦有全年供應的美食,餐牌選擇多姿多彩。佳餚當前,你心大心細?不妨看看單點菜式和嚐菜餐牌,淺嚐道道美饌。自問精打細算?你仲可以喺午市時段到店享用精緻海鮮,屆時價格更划算。

    地點: 日本東京中央區銀座 6-4-13 KN 大廈 1 樓

    開放時間: 星期一至六 12:00 至 14:00 及 17:00 至 22:00

    電話: +81 (0)3-3571-0573

    • 品嚐美食

    相片由 Alpha 提供 (CC BY-SA 2.0) 經修改

    27

    空之庭餐廳

    空ノ庭洋溢迷人和風,主打優質豆腐菜式,採用自家種植的大豆炮製獨門豆腐,化作道道妙趣美食,如豆腐壽司、各式沙律和油炸豆腐等,令人垂涎!雖說豆腐乃本店名物,但餐牌上亦還有多款雞肉菜式,配搭一系列清酒佐餐,別具風味。這間餐廳集超值價格和時尚氛圍於一身,完美體現澀谷本色,縱然位置並唔起眼,卻可以由澀谷站徒步前往,亦算方便。

    地點: 日本東京澀谷櫻丘町 4-17

    開放時間: 每日 17:00 至 00:00

    電話: +81 (0)3-5728-5191

    • 品嚐美食
    28

    とらふぐ亭餐廳

    呢間餐廳主打日本九州地區嘅新鮮河豚,餐牌上嘅河豚菜式包括鍋物、沙律、粥,同埋必食河豚魚生,令人垂涎!點餐之際,食客可以從水缸中挑選心儀活河豚,然後靜候大廚完美呈獻這種異國海鮮的誘人滋味。如果你之前未食過鼎鼎大名嘅河豚,とらふぐ亭餐廳正係你嘅必到之處!

    地點: 150-0044 日本東京澀谷円山町 5-6 King 大廈 1 樓

    開放時間: 星期一至六 17:00 至 01:30。星期日 16:00 至 00:00

    電話: +81 (0)3-3462-7929

    • 品嚐美食
    • 非一般行程

    相片由 George N 提供 (CC BY 2.0) 經修改

    29

    いなせやあん庵餐廳

    あん庵餐廳採用傳統居酒屋風格裝潢,所有座位都屬於「掘り炬燵」形式,餐桌下方陷入地板中,脫鞋即可入席。環顧餐牌,多種多樣嘅雞肉同埋豆腐創新菜式即映入眼簾,另亦有御好燒、餃子同埋章魚燒等居酒屋傳統名物,任你選吃,佐以地道清酒、燒酒飲品,以至各款雞尾酒和葡萄酒,別具風味。あん庵赤坂店嘅店員都識講基本英語,方便食客點菜。如果你剛好喺附近落腳,呢間餐廳必定係你嘅首選食堂!

    地點: 日本東京都港區赤坂 5-1-1 HK 赤坂大廈 B1 樓

    開放時間: 星期一至四 17:00 至 00:30。星期五 17:00 至 02:00。星期六至日 16:00 至 23:00。

    電話: +81 (0)3-5571-5880

    • 品嚐美食
    30

    春秋溜池山王酒廊

    春秋溜池山王酒廊酒吧位於六本木,供應新式日本料理,氣氛醉人。這間酒廊的店主是著名設計師杉本貴志,店內處處洋溢傳統風情,有數之不盡的妙趣燈具和不規則形紙燈籠綻放暖調燈光,古意與前衛格調並重。餐室以本地農場出品的新鮮食材入饌,巧手炮製出道道時令美食,融合西方文化與現代日式料理,滋味誘人。

    地點: 100-6127 日本東京港區永田町 2-11-1 山王公園塔 27 樓

    開放時間: 每日 18:00 至 23:30

    電話: +81 (0)3-3583-2611

    • 品嚐美食
    31

    えん秋葉原店

    えん秋葉原店係一間高級居酒屋,以時尚創意裝潢而聞名,菜式獨樹一幟,既有居酒屋常規食品,亦有只此一家的獨特美食,當中包括京都沙律配蒸豬肉、芝士鯛魚春捲等,佐以各款啤酒、清酒同埋燒酒同吃,風味一流!呢間餐廳正係你與好友聚餐聯誼嘅人氣熱點。

    地點: 日本東京千代田區神田花岡町 1-9 Atre Vie 秋葉原大廈 5 樓

    開放時間: 每日 11:00 至 23:30

    電話: +81 (0)3-5298-2796

    • 品嚐美食
    • 豪華住宿
    • 團體
    32

    大かまど飯-寅福餐廳

    踏進寅福餐廳,你可以盡情品嚐日本優質大米。巨型壁爐安放喺店家中央,每日嘅午市同晚市都為食客烹煮出粒粒完美嘅米飯—每鍋產自新潟縣長岡市的水稻越光米飯煮熟後,大鐘便會鳴響,示意美食已備妥奉客!午餐時份,新鮮米飯配搭小菜和漬物品嚐,美味又飽肚;晚間時分,晚市餐單會另外供應鮮魚同清酒,佐以閃亮飽滿嘅米飯同吃,格外滿足。

    地點: 日本東京新宿區西新宿 1-1-5 Lumine 大廈 7 樓

    開放時間: 每日 11:30 至 23:30

    電話: +81 (0)3-5766-2800

    • 品嚐美食
    33

    宵の口餐廳

    宵の口餐廳設於華麗嘅昭和時代建築之內,飾有優美嘅日式花園和敞門,讓食客一邊用餐,一邊細賞自然風光。店家主打名為「鳥鍋」嘅雞肉火鍋,既暖心可口,又具有家常菜風味。宵の口嘅午餐定食非常實惠,晚市索價稍貴,惟用餐氣氛極其浪漫,有柔和燈光點綴店外庭園,睇住就覺賞心悅目。

    地點: 107-0052 日本東京港區赤坂 4 丁目 3-29

    開放時間: 星期一至五 12:00 至 14:30 及 18:00 至 23:00。星期六 18:00 至 23:00

    電話: +81 (0)3-5575-7433

    • 伴侶
    • 品嚐美食
    34

    中島餐廳

    雖然食客對中島餐廳有讚有彈,但店內供應嘅海鮮絕對水準一流!呢間米芝蓮星級傳統日式餐廳位於新宿,午市時段每每擠滿當地人同埋遊客,渴望買得一份物超所值嘅午餐定食,以實惠價格品嚐米芝蓮星級食品。食客來來往往,店內用餐步伐相當急促,又以油炸沙丁魚最受歡迎。

    夜幕低垂,店內消費重回「奢華」等級,主打來自關西地區嘅地道美食,由創意十足嘅大廚、以至師承日本各地著名烹飪學校嘅學徒掌廚,為餐牌增添創新巧思。

    地點: 160-0022 日本東京新宿區 3-32-5 西原大廈 B1 樓

    開放時間: 星期一至六 11:30 至 14:30 及 17:30 至 22:00

    電話: +81 (0)3-3356-4534

    • 品嚐美食
    Stephan Audiger | 旅遊常客

    開始計劃行程

    Maps