東京 34 大最佳夜生活體驗

東京夜間好去處和消遣活動

    東京日頭係超級熱鬧嘅大城市,呢度嘅夜生活其實仲精彩、仲好玩!東京入夜後周圍嘅巨型霓虹燈和傳統紙燈籠都會開燈,街上氣氛好熱鬧㗎,好多日本打工仔放工之後,都會去唔到嘅消遣地方減下壓、充下電。

    東京係全球最活躍嘅城市之一,東京仲係不夜城,你可以係呢度玩通宵。娛樂熱點由 23:00 至 04:00 同樣擁擠,不少夜店和酒吧通宵營業,直到地鐵在 05:00 再次開始通車為止。東京夜生活場所有好多選擇,音樂酒吧、pubs、同志酒吧、現場表演、跳舞夜總會樣樣齊全,一定滿足到你嘅所求,過番一晚難忘狂野之夜。


    1

    赤坂 Blitz 音樂廳

    赤坂 Blitz 現場音樂廳佔地偌大,望落好似飛機停泊庫,實際上卻係國際同本地頂級樂隊嘅一流表演場地,好多日本知名樂隊、以至備受推崇嘅獨立樂隊都曾經喺呢度為多達 1,900 位 Fans 演出。呢個場館直通赤坂站,對於搭地鐵嘅遊客嚟講非常方便,所以比其他音樂廳更加受歡迎。音樂會門票通常一早賣哂;不過,你或者都可以透過酒店禮賓部買飛嘅!

    地點: 107-0052 日本東京都港區赤坂 5-3-2

    地圖
    • 拍照
    • 晚間娛樂

    相片由 正和 提供 (CC BY-SA 4.0) 經修改

    2

    Body & Soul 爵士俱樂部

    Body & Soul 由最早喺東京開設爵士樂酒吧嘅先驅之一関京子創立,規模唔大,但就係氣氛親切嘅 Jazz Club,一直致力發掘全球最優秀嘅爵士樂新星同天才嚟到表演,仲因而變得大名鼎鼎添!只要坐正喺前排座位,你就可以親身體驗 Live Jazz 表演嘅真正力量!好多頂級音樂家游走過市內嘅其他音樂廳之後,最終都係選擇長駐 Body and Soul。呢間俱樂部有提供各種飲品同食物,唔怕餓親。店家入場費大約係 3,500 円。

    地點: 日本東京都港區南青山 6 丁目 13-9

    開放時間: 星期一至六現場音樂時間為 20:30 及 22:20 (星期日休息)

    地圖
    • 伴侶
    • 晚間娛樂

    相片由 Gene Jackson 提供 (CC BY-SA 2.0) 經修改

    3

    Blue Note 東京爵士酒吧

    東京 Blue Note 算得上係城中最出名嘅爵士樂殿堂,曾經請到 Dizzy Gilespie 同 Sarah Vaughn 等知名藝人登台表演,同舉世知名嘅紐約同名爵士樂機構大有關係,水準當然亦都一樣咁高。今時今日,好似 Tony Bennet、Natalie Cole、John Legend 等等全球最出色嘅音樂家仍然非常賞識 Blue Note。酒吧空間唔算大,令到表演氣氛更加親密,而店名所指嘅「藍燈舞台」就營造出濃厚嘅爵士樂氣氛。幽暗燈光、美味食物加上高檔音樂,一定會令你印象深刻。店家入場費通常由 7,000 円起。

    地點: 107-0062 東京都港區南青山 6 丁目 3-16

    電話: +81 (0)3-5485-0088

    地圖
    • 伴侶
    • 晚間娛樂

    相片由 663highland 提供 (CC BY-SA 3.0) 經修改

    4

    歌舞伎座

    銀座嘅歌舞伎座劇院係東京嘅傳統表演藝術中心,亦係京都以外最出名嘅歌舞伎表演場地;呢間劇院建於 1889 年,幾個世代以嚟都展示住傳統歌舞伎嘅最好一面,

    節目一般歷時 3 至 5 個鐘,分為幾個部分。如果你唔識日文,可能冇辦法賞盡細節;不過,舞台上極具風格嘅服裝、細膩典雅嘅動作,都已經係一大奇觀啦!全場節目嘅門票價格由 2,000 円到 20,000 円不等,而你亦可以買索價大約 1,500 円嘅單幕門票,用超值實惠嘅價錢獲享呢種古老藝術嘅入門體驗。

    地點: 104-0061 日本東京中央區銀座 4-12-15

    電話: +81 (0)3-3545-6800

    • 伴侶
    • 家庭
    • 晚間娛樂
    5

    東京寶塚劇場

    東京寶塚劇院係寶塚歌劇院嘅所在地,舞台表演融合歌唱、舞蹈同話劇,啱哂一家大細觀賞。呢間劇院成立於 1934 年,引入嶄新表演噱頭,由後生女喺西式風格作品裡面扮演哂所有角色,曾經上演好多部音樂劇,向《歌劇魅影 (Phantom of the Opera)》同《悲慘世界 (Les Misérables)》等等嘅經典西方作品致敬。

    地點: 100-0006 日本東京都千代田區有樂町 1 丁目 1-3

    地圖
    • 伴侶
    • 家庭
    • 晚間娛樂

    相片由 Kakidai 提供 (CC BY-SA 3.0) 經修改

    6

    東京國際會議中心

    呢個大型娛樂中心裡面設有七個規模各異嘅展覽廳同音樂廳,圍繞宏偉嘅玻璃中庭而建,成日都有妙趣節目上演,熱門活動包括流行音樂會、百老匯音樂劇、芭蕾舞團巡迴演出,以及「東京國際電影節」等等嘅年度盛事。會議中心同有樂町站相連。

    地點: 100-0005 日本東京都千代田區丸之內 3 丁目 5-1

    地圖
    • 拍照
    • 晚間娛樂
    7

    Lupin 酒吧

    只要你對日本文學有興趣,就一定會愛上 Lupin 酒吧—單係貼滿日本知名作家相片嘅牆身,就夠哂引人入勝啦!Lupin 酒吧歷史悠久,是許多著名日本作家的至愛,包括永井荷風和太宰治。酒吧餐單簡約,堅持淨係供應威士忌同雞尾酒,以一流酒品奉客,絕對係去銀座遊覽途中歇下腳嘅好地方。溫馨提示:呢間由古至今都「人氣爆燈」嘅酒吧貫徹始終,淨收現金。

    地點: 104-0061 日本東京中央區銀座 5-5-11

    開放時間: 星期二至日 17:00 至 23:30

    地圖
    • 晚間娛樂

    相片由 Özgür Cam 提供 (CC BY 2.0) 經修改

    8

    Big Echo 卡拉 OK

    Big Echo 係全國最大型嘅卡拉 OK 連鎖店之一,滿載日本流行風格,每組客人都獲分配獨立冷氣房,裡面配備電視螢幕、梳化同卡拉 OK 套裝,你嘅「演出」絕對不為外人所見,自然唔怕「面懵」啦!一班女侍應來來往往,為你送上美食同飲品;而你只需要撳一下掣,侍應就會即刻嚟為你服務。Big Echo 嘅銀座分店有 Hello Kitty 主題房,因而遠近馳名。如果你要飲少少酒壯膽,先可以開始高歌,仲可以揀無限暢飲套餐添!

    地點: 104-0061 日本東京中央區銀座 4-2-14

    開放時間: 每日 12:00 至 05:00。週末從 11:00 開始營業

    地圖
    • 晚間娛樂

    相片由 運転太郎 提供 (CC BY 3.0) 經修改

    9

    Crocodile 音樂俱樂部

    仲唔嚟 Crocodile 音樂俱樂部坐下,睇下全東京最優秀嘅業餘同專業棟篤笑表演?「東京喜劇舖 (東京コメディストア)」每個月嘅第四個星期五都會喺呢度演出,先有各種棟篤笑節目,再嚟熱鬧搞笑嘅即興環節;成個星期嘅任何一日,你都會機會遇到當地搖滾樂隊喺度登台添!Crocodile 每晚 18:00 開始營業,喜劇節目就由 20:00 開始,入場費各有不同,一般從 2,000 円起。

    地點: 日本東京都澀谷區神宮前 6 丁目 18-8

    地圖
    • 伴侶
    • 晚間娛樂

    相片由 Fujimama101 提供 (CC BY-SA 4.0) 經修改

    10

    Den Aquaroom 酒吧

    Den Aquaroom 酒吧以大型水族缸為焦點,你可以一邊靜賞天使魚游過,一邊飲啖雞尾酒,又或者喺紅綠燈魚身邊品嚐 Tequila。點都好,Den Aquaroom 都係青山區最具視覺衝擊力嘅雞尾酒吧之一,設計靈感嚟自海洋,型格潮爆,落地式魚缸喺正豪華酒廊隔籬,正好俾遊客輕鬆身心,淺酌幾杯—事實上,呢度仲係幾唔錯嘅約會勝地添!呢間前衛酒吧兼餐廳鄰近表參道站。

    地點: 〒107-0062 東京都港区南青山 5 丁目 13-3 KDX 南青山大廈 B1 樓

    開放時間: 星期一至五 18:00 至 02:00。星期六 17:00 至 02:00。星期日 17:00 至 23:00。

    • 伴侶
    • 拍照
    • 品嚐美食
    • 晚間娛樂
    11

    調色板城摩天輪

    位於調色板城嘅巨型摩天輪高 115 米,係你遍覽台場周圍城市景觀嘅最佳選擇—安坐車箱入面,你一眼就睇哂市內各處、以至海港四周嘅景色,遼遠壯麗!呢座摩天輪喺日本稱為「大觀覽車」,需要 16 分鐘先轉完一圈,極受當地家庭歡迎;而摩天輪上面掛咗 120 盞燈,可以點起 16 種燈光模式,璀璨奪目。

    地點: 135-0064 日本東京都江東區青海 1-3-10

    開放時間: 每日 10:00 至 22:00

    地圖
    • 伴侶
    • 家庭
    • 拍照
    • 晚間娛樂
    12

    富士電視台大廈瞭望台

    這個觀景點在台場大受歡迎,位於極富太空感和象徵意義的富士電視台大廈 25 樓。球形觀景台懸於 123 米高處,係附近地區最高嘅觀景點,入場費 550 円。如果你想了解更多有關日本電視嘅資料,富士大廈仲有舉辦導賞團,帶你參觀廣播工作室。

    地點: 日本東京都港區台場 2-4-8 富士電視台大廈 25 樓

    開放時間: 星期二至日 10:00 至 18:00

    地圖
    • 伴侶
    • 拍照
    • 晚間娛樂

    相片由 Stéfan Le Dû 提供 (CC BY-SA 2.0) 經修改

    13

    電信中心 (テレコムセンター) 展望台

    電信中心嘅 21 樓設有展望台,仲喺靠近玻璃窗嘅位置擺放咗枱仔同座椅,感覺好似休息室,可以俾訪客更加舒適咁賞景,減少「暈浪」感。夜幕低垂,展望台洋溢浪漫氣氛,啱哂你同 Honey 度過溫馨一晚。

    呢度嘅景色非常壯觀,你可以清晰望見彩虹橋、富士電視台大樓、東京晴空塔同東京鐵塔等地標,盡賞都市光芒四射。

    地點: 日本東京都江東區青海 2 丁目 5-10 電信中心 21 樓

    開放時間: 星期二至五 15:00 至 21:00。星期六至日 11:00 至 21:00

    地圖
    • 伴侶
    • 拍照
    • 晚間娛樂

    相片由 Guilhem Vellut 提供 (CC BY 2.0) 經修改

    14

    東京 City View 及展望台

    東京 City View 及展望台位於六本木新城 52 樓,可以 360 度飽覽城市全景。呢個展望台高掛喺海拔 250 米嘅位置,周圍無遮無擋,視野遼闊暢通,啱哂你幫人稱「日版埃菲爾鐵塔」嘅東京鐵塔影相!

    東京 City View 喺週末開放至 01:00,可以俾你喺六本木「夜蒲」之際歇一歇腳,而且仲設有戶外露台,提供同落地玻璃房截然不同嘅體驗。呢度嘅入場費係 1500 円,學生同小朋友享有折扣優惠。不妨提前買飛,嚟到大廈就唔使再排隊啦!

    地點: 106-0032 日本東京都港區六本木 6-10-1 六本木之丘森大廈 52 樓

    開放時間: 每日 10:00 至 23:00。週末營業至 01:00。

    電話: +81 (0)3-6406-6652

    地圖
    • 伴侶
    • 家庭
    • 拍照
    • 晚間娛樂
    15

    SuperDeluxe 音樂廳

    為咗改變六本木俗套嘅節奏,SuperDeluxe 先鋒派酒廊有時都會舉辦一啲妙趣活動,節目包括夜間黑電影、前衛藝術表演同 DJ Jam 歌,好受設計師、作家同攝影師等等嘅創意達人歡迎。

    地點: 東京都港區西麻布 3-1-25 B1 樓

    地圖
    • 拍照
    • 晚間娛樂

    相片由 Biennale of Sydney 提供 (CC BY 2.0) 經修改

    16

    Muse 俱樂部

    六本木嘅 Muse 俱樂部設有好多間主題房室,氣氛各有不同,全部都自帶梳化,環繞大型主吧檯;另外仲有卡拉 OK 房、飛鏢室同 2 個大型舞池,有 DJ 駐場,播放大熱鐵克諾音樂同狂舞歌曲。Muse 俱樂部氣氛友善,雖然營業時間比較夜,但都吸引唔少人玩足一晚。店家入場費通常由 3,500 円起,包埋免費飲品券。

    地點: 日本東京都港區西麻布 4−1−1 B1 樓

    開放時間: 星期四至六 22:00 至 05:00。星期二至三 21:00 至 02:00

    地圖
    • 晚間娛樂

    相片由 kobakou 提供 (CC BY 2.0) 經修改

    17

    Bunkamura 文化村

    呢條文化村曾經請到當地以至國際炙手可熱嘅好多位音樂家嚟舉辦 Live Concert,另外仲設有戲院,俾你欣賞附帶英文字幕嘅日本大熱好戲。

    地點: 東京澀谷區道玄坂 2 丁目 24-1

    地圖
    • 伴侶
    • 晚間娛樂

    相片由 ITA-ATU 提供 (CC BY-SA 4.0) 經修改

    18

    Womb 夜店

    Womb 夜店係澀谷極受歡迎嘅 Dance Club,由紐約知名 Twilo 俱樂部嘅創立人設計,成日都迫滿哂東京潮爆嘅後生仔!呢間夜店總共 3 層樓高,裡面設有酒吧、舞池同貴賓室,經常請到世界級 DJ 同日本最有料嘅新晉藝人同場展示實力。如果你想搵倫敦或者柏林最正 Techno 音樂俱樂部獨有嘅重低音節拍同型格客群,咁 Womb 睇嚟都係你嘅首選喇!

    地點: 150-0044 日本東京都澀谷區円山町 2-16

    開放時間: 星期二至日 22:00 至 04:30

    地圖
    • 晚間娛樂

    相片由 Connie 提供 (CC BY 2.0) 經修改

    19

    藍塔東急飯店 Bellovisto 酒吧

    Bellovisto 酒吧位於澀谷藍塔東急酒店 40 樓,係一間浪漫嘅雞尾酒廊,可以俾你飲下嘢,放鬆身心,欣賞日本夜景。大多數嘅夜晚,呢度都有 Live 鋼琴表演,增添別緻氣氛。酒吧訂有 Smart Casual 穿著規定,男士唔可以著短褲或者無袖衫入場。

    地點: 150-8512 日本東京都澀谷區櫻丘町 26-1 東急飯店 40 樓

    地圖
    • 伴侶
    • 拍照
    • 晚間娛樂

    相片由 江戸村のとくぞう 提供 (CC BY-SA 4.0) 經修改

    20

    東京 Opera City

    東京 Opera City 嘅大型音樂廳同美術館有定期舉辦活動,以國內外頂尖表演人才吸引訪客湧至,歌劇演奏、芭蕾舞同管弦樂團古典音樂不斷上演,絕對啱哂你品味!東京 Opera City 距離京王新線的初台站只有幾步之隔,交通方便。

    地點: 160-0023 日本東京都新宿區西新宿 3-20-2

    電話: +81 (0)3-5353-0700

    地圖
    • 伴侶
    • 晚間娛樂

    相片由 Ville Miettinen 提供 (CC BY 2.0) 經修改

    21

    東京都廳展望室

    東京都廳大廈總共有 48 層,樓高 200 幾米,係新宿區內令人印象深刻嘅地標。而都廳展望台分為上、下兩層,可以 360 度俯瞰東京市景—遇啱天氣晴朗,你仲可以望到富士山咁遠架!到咗夜晚,呢度就成為「夜蒲」之旅嘅最佳起點。講你都唔信—東京都廳大廈展望室竟然免費入場,遊客可以由大江戶線嘅都廳前站直接過嚟。

    地點: 163-8001 日本東京新宿區西新宿 2-8-1

    開放時間: 每日 09:30 至 23:00

    地圖
    • 拍照
    • 晚間娛樂
    • 經濟實惠

    相片由 kobakou 提供 (CC BY 2.0) 經修改

    22

    新宿 Pit Inn 爵士樂俱樂部

    Pit Inn 爵士樂俱樂部堪稱 Live Music 殿堂,成日請到城中最出色嘅音樂新星登台,亦都有國際資深專業音樂人,奏出熱門 Jazz tune。貴為全日本最古老嘅 Jazz House 之一,Pit Inn 嘅宗旨係提供高質音樂表演場地。

    現場音樂會每晚 20:00 開始;星期六、日加設日間表演場次,由 14:00 就響起悅耳旋律。店家入場費 3,000 円,包 1 杯飲品。Pit Inn 爵士樂俱樂部同新宿三丁目站只係相隔幾步之遙。

    地點: 160-0022 日本東京新宿區西新宿 2-12-4 新宿 Accord 大廈 B1 樓

    電話: +81 (0)3-3354-2024

    地圖
    • 晚間娛樂

    相片由 Ville Hyvönen 提供 (CC BY 2.0) 經修改

    23

    Vagabond (バガボンド) 居酒屋

    Vagabond (バガボンド) 居酒屋堪稱傳奇現場音樂樞紐,深受東京嘅國際文化影響,仲曾經喺《紐約時報》大獲好評添!呢間型格時尚嘅居酒屋底層設有休閒酒廊,二樓就演奏 Live Jazz;館內牆身採用美術館形式嘅藝術裝飾,不拘一格,而且飲品價格實惠,相當驚喜!

    地點: 160-0023 日本東京都新宿區西新宿 1-4-20

    開放時間: 每日 17:00 至 23:30

    電話: +81 (0)3-3348-9109

    地圖
    • 晚間娛樂

    相片由 shuets udono 提供 (CC BY-SA 2.0) 經修改

    24

    Kirin City (キリンシティ) 啤酒館

    貴為日本規模最大嘅啤酒品牌,麒麟啤酒公司而家就喺上野 Kirin City (キリンシティ) 啤酒館為啤酒擁躉送上嶄新嘅「隊啤」體驗!顧名思義,呢間酒吧主打啤酒,店員都經過專業培訓,熟習「斟酒三部曲」,肯定會為你奉上一杯完美啤酒—呢項技術需時都幾耐下,每杯要斟成 3 至 5 分鐘!不過,既然係生活中嘅小確幸,都值得用少少時間等待吖!順帶一提:餐單上面仲有專門配搭麒麟啤酒嘅菜餚,不妨一試。

    Kirin City (キリンシティ) 係一大班人 Gathering 嘅好地方,館內餐單融合咗西式同日式美食,休閒氣氛令人人都覺得賓至如歸。

    地點: 110-0005 日本東京台東區上野 6-8-8 上野 KS 大廈 1 樓

    開放時間: 每日 11:30 至 23:00。星期日 22:00 休館。

    電話: +81 (0)50-3476-4777

    地圖
    • 伴侶
    • 晚間娛樂
    • 經濟實惠
    • 單人旅客
    • 團體

    相片由 Keng Susumpow 提供 (CC BY 2.0) 經修改

    25

    朝日 Super Dry 音樂廳

    朝日 Super Dry 音樂廳外觀別樹一幟,出自著名設計師菲利普斯塔克 (Philippe Starck) 嘅手筆,樓頂綴有大型金色裝飾,令人不禁為斯塔克嘅創作構思而驚訝,思索再三。橫跨建築物嘅內部,相同型體都係成日出現喺意想不到嘅時刻,但就從來都唔解釋自己嘅存在意義。

    行入呢棟摩天大樓,第一層同第二層係 Flamme d'Or 酒吧,供應只此一家嘅朝日新鮮啤酒;你亦都可以搭乘電梯去到 22 樓嘅朝日天空之房,喺美妙景致下,飲返啖冰爽啤酒。

    地點: 130-8602 日本東京都墨田區吾妻橋 1-23-1

    地圖
    • 拍照
    • 晚間娛樂
    26

    Golf & Bar Grip 酒吧

    「安坐酒吧、享用飲品」聽落太過平凡?咁喺 Golf&Bar Grip 體驗日本人對 Golf 嘅熱情又啱唔啱你?呢間酒吧設有像真度極高嘅高爾夫球模擬器,配備 150 英吋嘅大螢幕,會令你感覺置身球道之上,仲可以喺一個鐘內打完全局添!場內攤位有手套同球桿借俾你,而呢啲當然全部由酒吧提供啦!對於想喺市中心打 Golf 嘅旅客嚟講,呢間酒吧絕對係不二之選,而且消費價格已經包埋高爾夫球桿嘅使用費。

    地點: 107-0052 日本東京都港區赤坂 3-12-1 赤坂 Tomoe 大廈 B1 樓

    地圖
    • 晚間娛樂
    • 遊歷
    27

    金魚歌舞俱樂部

    嚟到金魚歌舞俱樂部,梗係唔少得奢華閃爍嘅服飾,仲有由「女扮男裝」同「男扮女裝」表演帶嚟嘅歡聲笑語啦!活力四射嘅舞蹈,加上大量諷刺喜劇元素,令呢度嘅舞台表演喺六本木大受歡迎。

    節目每晚 2 場,時間分別係 19:30 及 22:00,內容歷時 60 分鐘,滿載「大 Show」等級嘅曲目、色彩繽紛嘅服裝同埋有趣短劇。金魚歌舞俱樂部位於大捷大廈裡面,距離六本木站只係幾步之遙。

    地點: 日本東京都港區六本木 3-14-17 大捷大廈

    電話: +81 (0)3-3478-3000

    地圖
    • 晚間娛樂
    28

    香和晚宴劇場

    六本木香和劇場主打晚宴歌舞表演,喺變裝幽默鬧劇之中,融入激動人心嘅戲劇性元素,為訪客奉上美食同現場娛樂,難怪深受日本當地人以至遊客推崇。

    這裡的舞台表演結合明治時代主題和空中雜技等現代驚喜,場次分別係 19:30 同 22:30,星期五 01:30 加開一場深夜演出。

    地點: 106-0032 日本東京都港區六本木 3-8-15

    開放時間: 演出時間係 19:30 同 22:30

    電話: +81 (0)3-6434-5455

    地圖
    • 品嚐美食
    • 晚間娛樂
    29

    New Salsa Sudada 酒吧

    Salsa Sudada 係間 Dance Club,成日都迫滿日本人、拉丁美洲人同好奇嘅遊客。無論你係唔識跳 Salsa 吖,定係有興趣學跳 Rumba,都可以喺每晚 Party 開始之前,率先嚟到呢間大受歡迎嘅俱樂部,參與古巴 Salsa 舞蹈課程,學返幾招基本功,然後先喺舞動不休嘅人群之中,一試身手。New Salsa Sudada 酒吧絕對係六本木氣氛最親切友善嘅場地之一!

    地點: 106-0032 日本東京都港區六本木 5-16-5 Forum 2 樓

    地圖
    • 伴侶
    • 晚間娛樂
    30

    La Mama 現場音樂廳

    La Mama 現場音樂廳係澀谷市內「僅限企位」嘅現場音樂廳,格局就好似美式懷舊現場音樂廳一樣,有出色樂隊演奏,主打搖滾樂,惟有時也會奏起的士高和鐵克諾音樂。音樂廳場地狹長,正好讓你以絕佳角度看盡舞台每一處!不過,由於場內桌子有限,所以請做好「站一整晚」的準備了!日本人對「重新創作」有一份迷戀—即使如此,La Mama 自從 1982 年開業以嚟貫徹始終,依然走勢強勁,實在出乎意料。

    地點: 150-0043 日本東京都澀谷區道玄坂 1-15-3 B1 樓

    電話: +81 (0)3-3464-0801

    地圖
    • 晚間娛樂
    31

    東京 Atom 夜店

    東京 Atom 夜店喺澀谷享負盛名,主要客路係打扮亮麗嘅日本年輕人。佢唔似澀谷嘅其他俱樂部咁樣受到外國遊客嘅歡迎,但係喺舞池入面仲有好多有趣、無憂無慮嘅氛圍。

    Atom Tokyo 酒店擁有 3 個樓層和 3 個獨立舞池,提供豪華嘅混合房屋、Hip-Hop、狂歡和恍惚音樂。頂樓係酒廊,你可以喺樓下跳舞之後,嚟飲番一杯,放鬆身心。如果喺午夜之前抵達,入場費較相宜。

    地點: 150-0044 日本東京都澀谷區円山町 2-4 Dr. Jeekahn's 大廈 4 樓 / 6 樓

    電話: +81 (0)3-3464-0703

    地圖
    • 晚間娛樂
    32

    Arty Farty 俱樂部

    Arty Farty 係喺新宿營業已久嘅同志熱舞俱樂部,好玩有趣,主要客路都係同性戀社群,但亦歡迎各種性取向嘅客人光臨。店內小舞台上有支脫衣舞桿,彷彿向外向好動、甚或爛醉如泥的人招手,每到深夜總是人頭湧湧!溫馨提示:呢間夜店建議女性客人由男同性戀者朋友陪同前來。

    地點: 160-0022 東京都新宿區 2-11-7 第 33 宮庭大廈 2 樓

    開放時間: 星期日至四 20:00 至 04:00。星期五至六 20:00 至 05:00

    地圖
    • 晚間娛樂
    33

    Hard Rock Cafe 上野店

    Hard Rock Cafe 上野店位於舊上野火車站建築內,係一間經典酒吧兼餐廳,既有搖滾樂演奏,亦供應全美式佳餚,滿載 Hard Rock 品牌主打的美國懷舊風情。呢間酒吧活力四射,放滿搖滾樂歷史紀念品,喺節拍感十足嘅曲調之間,為你送上豐富多彩嘅靈感與幻想。

    地點: 110-0005 日本東京台東區上野 7-1-1 アトレ上野 1 樓

    開放時間: 每日 07:00 至 23:00。

    電話: +81 (0)3-5826-5821

    地圖
    • 品嚐美食
    • 晚間娛樂
    34

    ROSE & CROWN 上野店

    ROSE & CROWN 上野店洋溢英國正宗酒吧風情,供應各款啤酒,俾你喺東京都可以獲享「半英式」體驗!這間酒吧位於與上野站相連的 Atre 購物中心內,每天 17:00 至 19:00 為歡樂時光,奉上多種多樣的英國啤酒美食,令人垂涎!店內氣氛友善,當地人都非常願意同你打招呼,同時你亦可以練習一下酒吧式對話。呢間經典英式酒吧距離上野站僅數步之遙。

    地點: 日本東京台東區上野 7-1-1 Atre 上野 2 樓

    開放時間: 每日 11:00 至 23:30

    地圖
    • 伴侶
    • 晚間娛樂
    • 單人旅客
    • 團體
    Stephan Audiger | 旅遊常客

    開始計劃行程

    Maps