名古屋糅合新舊風格。第二次世界大戰期間,呢度曾遭受大轟炸,後來就廣泛重建,仔細重劃分區;時至今日,名古屋對遊客來說充滿了有趣景點。呢座日本中心城市擁有超現代化嘅高速公路、美麗嘅現代建築、名古屋城堡、熱田神宮、豐田博物館以及德川美術館等文化標誌。

    佢位於東京以及京都之間,係一個深受歡迎嘅旅客中心,好多人都好鐘意欣賞名古屋嘅綜合地鐵系統,就因為呢個系統,令呢度成為日本最容易到達嘅城市之一。遊客可以用名古屋做基地,去附近嘅地方隨意一日遊亦十分文便。

    1

    名古屋城

    名古屋城原樓早在江戶時代初建造,卻於 1945 年嘅炮彈襲擊中被摧毀,的確可惜。現時所見的城堡於 1959 年終重建完成,除了保留原有外觀,更加上現代化室內設計,配有空調和升降機,而家已經化身博物館,遊客仍然可以喺城堡場地搵到原始嘅大門同結構。

    城堡內珍藏住好多江戶時代嘅復古展品,當中包括趟門、精美屏風、劍同頭盔。只要乘搭升降機到 5 樓,名古屋市的美景即盡收眼底。要數城堡裡面最著名嘅人工製品,絕對係屋頂上嘅一對「金鯱」,即係金色虎頭海豚,各重 88 公斤,並且鍍上 18K 金。3 月下旬至 4 月初,好多人會嚟呢度欣賞城堡外圍名城公園嘅絢麗櫻花。

    地點: 460-0031 日本愛知縣名古屋市中區本丸 1-1

    開放時間: 每日 09:00 至 16:30

    地圖
    • 伴侶
    • 家庭
    • 歷史文化`
    • 拍照
    2

    熱田神宮

    熱田神宮被視為日本最重要嘅神社之一,已經有超過 1,900 年歷史,喺國內享負盛名,相傳珍藏住「天叢雲劍」—呢把劍既屬於皇室三大神聖寶藏,亦係日本極其重要嘅象徵 (註:呢件展品不設公眾參觀)。

    館內仲展出咗數以千計嘅傳統同關鍵文化藝術品,包括神聖服裝、傢俱、鏡子、古代面具同文件等,全部由日本人捐贈。熱田神宮位於一座大型綜合建築物內,館址另有幾座小型樓房,可供舉辦婚禮和茶道慶典。要去熱田神宮,請乘搭地鐵到名城線嘅神宮西站,或者名鐵線嘅神宮前站。

    地點: 456-8585 日本愛知縣名古屋市熱田區神宮 1 丁目 1-1

    開放時間: 每日 09:00 至 16:30 (每月最後一個星期三及四休息)

    地圖
    • 伴侶
    • 歷史文化`
    • 拍照
    • 經濟實惠
    3

    大須觀音寺

    大須觀音寺將為你送上參觀神聖重地、同時盡情購物的獨特體驗!這座寺廟建於 1612 年,在 17 世紀遷至現址;而目前所見嘅寺廟於 1970 年代落成,綴有日式寶塔、幾十尊佛像、巨型紅色紙燈籠等眾多妙趣裝飾。

    每個月嘅 18 日同 28 日,呢度都會架設起跳蚤市場;而寺廟旁邊嘅大須戶外購物中心就日日營業,活力滿載,有好多攤檔同商店,出售紀念品、家居用品、傳統工藝品、食品同古董。

    地點: 460-0011 日本愛知縣名古屋市中區大須 2 丁目 21-47

    電話: +81 (0)52-231-6525

    地圖
    • 拍照
    • 經濟實惠

    相片由 Alan & Flora Botting 提供 (CC BY-SA 2.0) 經修改

    4

    德川美術館

    德川美術館於 1935 年初度開幕,展出第一代將軍德川家康嘅工藝製品,亦有 12 世紀《>源氏物語》(世上首部小說) 幾個部分嘅插圖手捲,仲可俾遊客選購複製本添!其他令人印象深刻嘅展品仲包括武士刀、長劍、箭同盔甲、幕府將軍嘅個人物品、家用器具同教育工具。

    你亦都可以睇下大名 (領土地主) 嘅住所、劇場同傳統茶館嘅局部仿製品。博物館空地佈置得好靚,設有幽麗禪園,全年都舉辦好多特別展覽。

    地點: 461-0023 日本愛知縣名古屋市東區德川町 1017

    開放時間: 星期二至星期日 10:00 至 17:00 (星期一休館)

    電話: +81 (0)52 935 6262

    地圖

    相片由 Bariston 提供 (CC BY-SA 4.0) 經修改

    5

    朝日啤酒名古屋工場

    朝日啤酒是日本主要飲品公司之一,在名古屋附近設有工廠,佔地廣闊,如有時間,遊客可以參加歷時一整天的「我的啤酒工作坊」,親自學習生產啤酒—不過,你必須在一個月後重遊此地,「自家製」啤酒方釀製完成,可供品嚐。如果你沒有這麼多時間,也可以參加 90 分鐘的工廠導賞團,了解朝日啤酒生產流程—導賞團從最原初的生產程序起步,帶你找出最佳成分選擇,並以包裝環節結束。之後,遊客仲可以品嚐各款啤酒,又或者係朝日出品嘅非酒精飲料。

    地點: 463-0089 日本愛知縣名古屋市守山區西川原町 318

    開放時間: 星期一至星期五 09:30 至 15:00 免費導賞團

    地圖

    相片由 円周率3パーセント 提供 (CC BY-SA 4.0) 經修改

    6

    豐田産業技術紀念館

    講到名古屋,好多人都會聯想到日本領先汽車製造商豐田。事實上,豐田的總部正是位於名古屋以東一小時的豐田鎮。如果你對日本的發展感興趣,何不到豐田産業技術紀念館看一看?館內有多達 4,000 件展品,包括原始設備動態展示、操作員示範和指導短片等等,旨在將紡織機械 (豐田以前是紡織織造公司),以及工業和技術的重要轉型盡現訪客眼前。豐田創始人豐田佐吉為日本的現代化發展及工業革命作出巨大貢獻;而大名鼎鼎嘅豐田「陪伴型機器人」亦經常喺南大廳表演。

    博物館手冊備有以下 16 種唔同語言嘅版本:日文、英文、法文、德文、西班牙文、意大利文、俄文、阿拉伯文、葡萄牙文、中文 (簡體)、中文 (繁體)、韓文、馬來文、泰文、印尼文和越南文。建議提前兩星期預約參觀。

    地點: 451-0051 日本愛知縣名古屋市西區則武新町 4 丁目 1-35

    開放時間: 星期二至星期日 09:30 至 17:00 (星期一休館)

    電話: +81 (0)52 551 6115

    地圖
    • 歷史文化`
    • 拍照

    相片由 Joyofmuseums 提供 (CC BY-SA 4.0) 經修改

    7

    豐田汽車博物館

    豐田産業技術紀念館比較著眼於豐田整體歷史,而汽車博物館就主力介紹有關日本、美國同歐洲汽車嘅點滴。豐田網站寫道:「汽車不僅大大影響了我們的生活方式,更影響了社會結構」。在 1989 年開放的博物館主大樓內,約擺放了 120 架汽車,時期橫跨建造首架汽油動力汽車的 19 世紀末,一直到現今世代;附屬大樓就係為了紀念豐田汽車博物館 10 週年而於 1999 年 4 月開幕,展出日本汽車歷史,詳細闡述汽車對我哋生活同文化嘅影響。建議提前預約參觀。

    地點: 480-1118 日本愛知縣長久手市横道 41-100

    開放時間: 星期二至星期日 09:30 至 17:00 (星期一休館)

    電話: +81 (0)56 163 5151

    地圖
    • 歷史文化`
    • 拍照

    相片由 Moto "Club4AG" Miwa 提供 (CC BY 2.0) 經修改

    8

    東山動植物園

    有小朋友的家庭會很享受在名古屋東山動物園的時光—此園成立於 1937 年,規模屬亞洲數一數二,住著北極熊、獅子、老虎、大象、長頸鹿、樹熊、鳥類、魚類等等各種動物。園內嘅東山天空塔設有觀景台同 100 米高嘅空中餐廳,可以飽覽區內靚景。

    植物園就種植了 3,000 棵於春天盛開嘅美麗櫻花樹,同傳統日式庭園、英式花園、溫室、昆蟲館相映成趣。許多當地人會來這裡野餐,或在寧靜祥和的氣氛中放鬆身心。公園佔地廣闊,另還設有室外遊樂場,需要幾個鐘頭先可以行完,建議帶備驅蚊劑前來。

    地點: 日本愛知縣名古屋市千種區東山元町 3-70

    開放時間: 星期二至星期日 09:00 至 16:50 (星期一休園)

    地圖
    • 伴侶
    • 家庭
    • 拍照
    9

    鶴舞公園

    3 月下旬到 4 月的櫻花季節,可能是鶴舞公園最繁忙、卻又最有趣的日子。鶴舞公園坐落名古屋市中心,市內居民會在樹下舖開藍色塑料布,並放置名片預留位置。身處園內,周圍都見到親朋好友野餐嘅溫馨景象,亦都有公司上班族做咗成日嘢之後,嚟呢度暢飲清酒、啤酒。遊客只須乘搭地鐵到鶴舞站,即可嚟到公園。

    地點: 466-0064 日本愛知縣名古屋市昭和區鶴舞 1 丁目

    地圖
    • 伴侶
    • 家庭
    • 拍照
    • 經濟實惠

    相片由 Yazan Badran 提供 (CC BY 2.0) 經修改

    10

    名古屋港水族館

    但凡參觀過名古屋港水族館的人,無不樂而忘返!這座水族館既是名古屋主要地標之一,規模亦屬全日本數一數二,其位於大名鼎鼎的名古屋港區內,展出多姿多彩的海洋生物—從企鵝、海龜、白鯨到鯊魚、黃貂魚都有!館中的海豚表演區可以容納 3,000 名觀眾,不容錯過,且更被眾多遊人評為「旅程亮點」!水族館絕對係帶小朋友去玩返半日嘅好地方。此外,港口仲有許多景點,例如大型摩天輪、浮船博物館、商舖同餐廳,統統值得一遊,致令呢區週末可能人頭湧湧。

    地點: 455-0033 日本愛知縣名古屋市港區港町 1-3

    開放時間: 星期二至星期日 09:30 至 17:30 (按季節變動)

    地圖
    • 家庭
    • 拍照
    11

    名古屋電視塔

    日本每個大城市似乎都擁有一座電視塔,但係名古屋電視塔就好特別—因為,它正正係日本建造嘅第一座電視塔!名古屋電視塔建於 1954 年,以巴黎艾菲爾鐵塔為藍本,位於榮區嘅久屋大通公園內,以 100 米高嘅觀景陽台而聞名。電視塔本身高 180 米,自從建成以來,一直都係名古屋嘅主要地標之一。夜幕低垂,華燈初上,電視塔望落特別璀璨。

    地點: 460-0003 日本愛知縣名古屋市中區錦 3 丁目 6-15

    開放時間: 每日 10:00 至 22:00

    地圖
    • 拍照
    • 經濟實惠
    12

    名古屋大相撲錦標賽

    7 月份到名古屋嘅旅客,絕對唔可以錯過日本最受歡迎嘅運動─相撲!這項運動歷史悠久,可追溯到 1,500 年前,與神道教有密切關係,至今仍在日本文化中發揮著重要作用。只要看場相撲錦標賽,你即有機會見識到真正的相撲儀式—如果在最後一場比賽結束後立即起身離開,會被視為不敬;反之,你應該多留步幾分鐘,靜待儀式結束,而這種禮儀對參與運動的每一分子都至關重要。日本每年會舉辦 6 場錦標賽,每場賽事歷時 15 天,而名古屋大相撲錦標賽會在愛知縣立體育館舉行。

    地點: 460-0032 日本愛知縣名古屋市中區二之丸 1-1

    開放時間: 每年 7 月的第二個星期日到第四個星期日。

    地圖
    • 拍照
    • 非一般行程

    相片由 Cesar I. Martins 提供 (CC BY 2.0) 經修改

    13

    桃巌寺

    桃巌寺規模唔大,一向都以名為「大佛」嘅 15 米高深綠色佛像而聞名,唔少當地人仲專誠前來,觸摸寺內據聞具有治療同除淨能力嘅一塊大木頭添!每年 5 月初舉辦辯才天女節期間,寺廟會變得非常擁擠,因為音樂家和演員等藝術家紛紛湧至,崇敬印度教女神辯才天女。

    雖然桃巌寺位於名古屋嘅中心,但係寺內花園就寧靜幽麗,同外面嘅喧囂街道形成鮮明對比。末森城主織田信行喺天文時代 (1532-1535) 建造桃巖寺,紀念爸爸織田信秀 (1510-1551),而寺廟就以織田信秀嘅佛教法名而命名,並於 1714 年搬到現址。

    地點: 名古屋市中心

    開放時間: 每日 09:00 至 18:00

    地圖
    • 歷史文化`
    • 拍照
    Stephan Audiger | 旅遊常客

    開始計劃行程

    Maps