京都 25 大最佳玩樂活動

京都景點

    京都是感受「正宗」日本傳統的不二之處—沿著狹窄的街道漫步,你會看到許多古老木建商店、商舖和茶館,至今依然營業,與歷史悠久的私人住宅相映成趣,準備好帶你重回日本古早味濃厚的往昔年代。

    當地餐廳的拉門和氣味,還有沿途的舊式廣告和商店陳列品,統統僅為京都日常魅力的一部分。這個遠古首都還有一連串「必到景點」,當中包括京都御所、幕府城堡、寺廟、神社、禪園、櫻花盛開的公園和佛教寺廟。下面列出了京都多項最佳玩樂活動,讓你參考。

    1

    京都最佳寺廟

    嚟到京都,又點可以唔探索下市內最出色嘅寺廟神社?呢個城市坐擁數以千計嘅寺廟同神社,有啲信奉佛教,有啲就係神道教神殿 (呢個係日本嘅古老宗教,認為一切都有靈魂,應該受到尊重)。雖然京都最優秀嘅寺廟神社都位於市中心便利位置、又或者圍繞市中心地帶,但係都盡顯地道風情,幽靜到你唔信!閱讀更多…

    • 歷史文化`
    2

    祗園藝伎區

    講到日本,「藝伎」可能係你率先諗到嘅特色之一;而京都曾經係藝伎嘅活動樞紐,可惜時移世易,呢個古都而家只係剩返唔夠 500 位藝伎嚕…京都市的藝伎和舞子 (學徒藝伎) 經常亮相鴨川以東的祗園傳統街區,不妨找個晚上早點來到,靜看這些年輕優雅的女士趕去精緻高檔的茶館工作—佢哋著住典雅貴價嘅傳統絲綢和服,盤好頭髮,面上拍滿粉白色嘅化妝品,腳踏「下馱」傳統木屐同白襪,風情萬種;而且,呢班女仔有時仲會特登放慢腳步,面向遊客嘅相機,露出友善可愛嘅微笑架!藝伎嘅工作係唱歌、跳舞、演奏傳統樂器,娛樂賓客;不過,想有藝伎相伴,絕對耗價不菲!

    地點: 605-0074 日本京都市東山區祇園町南側

    • 家庭
    • 購物
    • 拍照
    3

    京都的博物館

    京都有數之不盡嘅博物館,任你探索,一覽日本眾多備受推崇嘅歷史文物。不妨用少少時間參觀下博物館,令你喺市內嘅行程更具深層意義?京都坐落於日本文化中心已經 1,000 幾年,擁有悠久嘅歷史同傳統,你可以喺呢度了解古老嘅武士文化,接觸日本傳統茶道等藝術,甚至一探京都生產清酒嘅往昔故事。閱讀更多…

    • 家庭
    • 歷史文化`
    4

    二條城

    二條城是遊覽京都的必去之地,曾經係德川幕府喺京都嘅居所,建於 1603 年,至今從來都未重建過,喺日本文化遺產裡面,算係獨一無二。城堡內嘅一切都係原始真品,包括內部裝修都不例外!要數遊客最愛,就一定非二之丸御殿嘅「黃鶯走廊」莫屬—呢個名來自會發出「吱吱」聲嘅地板,作用係令入侵者難以潛入。二条城內部設計豐富,飾有精美木雕同出自幕府時期頂級藝術家手筆嘅畫作。另一方面,日本好多重大歷史事件亦係喺呢度上演—其中,最後一任德川幕府將軍於 1867 年喺二条城將權力移交俾天皇,正式結束咗德川幕府 250 年嘅統治歷程。二条城已經被列為聯合國教科文組織世界文化遺產。

    地點: 604-8301 日本京都市中京區二条城町 541

    開放時間: 每日 08:45 至 17:00 (1 月、7 月、8 月和 12 月逢星期二休息)

    電話: +81 (0)75 841 0096

    • 家庭
    • 歷史文化`
    • 拍照
    5

    東映太秦映畫村

    東映太秦映畫村係京都最引人入勝嘅景點之一,做過好多部武士同古裝電影嘅拍攝場景,設有趣味盎然嘅露天同室內設施,包括舊屋、穀倉同廳房等等。事實上,你可以當呢個公園係活生生嘅博物館,盡情探索,細賞忍者表演,又或者試下著傳統服飾,一嘗做公主、軍閥、武士、忍者或藝伎嘅滋味—記得要影相「打卡」啊!映畫村各處都修葺良好,散發住屬於日本舊時代嘅懷舊氣息;而園內嘅鬼屋亦都不容錯過—屋裡面嘅「鬼」全部都係演藝學生,會出盡全力嚇到你「咿嘩鬼叫」!

    地點: 616-8161 日本京都市右京區太秦東蜂岡町 10

    開放時間: 3 月至 11 月 09:00 至 17:00。12 月至 2 月 09:30 至 16:00

    • 家庭

    相片由 663highland 提供 (CC BY-SA 4.0) 經修改

    6

    嵐山竹林

    呢片秀麗竹林位於嵐山市中心天龍寺後面。幾個世紀以嚟,清風吹過嫩綠色竹葉、竹幹輕柔碰撞嘅聲音,都曾經為日本無數藝術家、詩人同作家送上創作靈感。事實上,呢片茂密竹林、以及竹林裡面嘅寺廟神殿,同樣具有文化意義,林地從天龍寺一路通往大河內山莊,林中小徑指示清晰。

    地點: 日本京都市右京區嵯峨天龍寺芒ノ馬場町 68

    • 伴侶
    • 家庭
    • 拍照
    • 經濟實惠
    7

    日本傳統劇院

    京都係參觀日本傳統劇院嘅好地方,熱門嘅舞台劇包括「歌舞伎」同「能樂」等等。歌舞伎一開始係由女性創辦,歷史可以追溯到 17 世紀,而家就完全由男性出演—見到男演員扮演女角都咁優雅,的確令人著迷!京都南座劇場是城中最出色的歌舞伎劇院,鄰近鴨川東岸嘅祗園四条站。

    嚟到京都,另一種值得推介嘅經典舞台表演,正正係同樣全男班演出嘅「能樂」,以緩慢動作同面具作為表演內容嘅一部分,相當有趣!如果你有時間,仲可以參觀「祇園角」獨特劇院—呢度會演出京都七種專業表演藝術,包括「狂言」經典喜劇、京舞、「雅樂」朝廷音樂、箏、「文樂」木偶戲、茶道同花道。

    • 團體

    相片由 Nullumayulife 提供 (CC BY 2.0) 經修改

    8

    哲學之道

    哲學之道係一條風景優美嘅小徑,命名自京都大學知名學者西田幾多郎—以前,佢成日步行來往區內各處,又可以保持健康,又可以冥想沉思。呢條步道沿住綠樹成蔭嘅運河延伸,起點喺銀閣寺,經由東山山脈嘅山腳通往南方嘅南禪寺,兩旁林立古色古香嘅 Cafe、工藝品商舖同餐廳。每年 4 月同 5 月,正值櫻花盛開,哲學之道旋即人頭湧湧,而全國各地都會有情侶嚟遊覽。呢條 2 公里長嘅小徑步程唔使 30 分鐘,不過沿路得意景物數之不盡,肯定會吸引你停步細賞。

    • 伴侶
    • 家庭
    • 拍照
    • 團體
    9

    京都塔

    京都塔於 1964 年啟用,高聳 131 米,俯瞰本市全景—適逢天清氣朗,由觀景台望出去,遠至大阪灣嘅景色都可以一覽無遺!京都塔裡面有一間 4 星級酒店、一個購物商場、一間雞尾酒吧同幾間餐廳,佢嘅現代化建築同古都其他地方好似唔多襯,但就因為貴為京都市內最高嘅建築物,所以自建成以來一直都係重要地標。京都塔鄰近京都站,由好遠嘅地方都可以望到佢。

    地點: 600-8216 日本京都市下京區東塩小路町下ル鳥丸通

    開放時間: 每日 09:00 至 20:40

    電話: +81 (0)75 361 3215

    • 家庭
    • 拍照
    10

    京都隱世寺廟

    京都有好多隱世寺廟,雖然仲未晉身遊客必到嘅觀光景點,但係依然不失壯麗。如果你已經去過最大、最著名嘅景點,咁就試下尋探呢啲比較低調嘅宗教聖地啦!要數參觀京都隱世寺廟嘅最美妙體驗之一,絕對係任你獨享嘅神秘氣息同樸素環境。由於京都公共交通系統發達,就算要去市郊,亦都好輕鬆。閱讀更多…

    • 歷史文化`
    • 遊歷
    • 非一般行程
    11

    桂離宮

    桂離宮係日本最重要嘅大型寶藏之一,亦係純正日式建築同庭園嘅傑出典範。桂離宮原本為賞月而興建,設有由陽台延伸出去嘅寬敞平台;而宮外的散心庭園堪稱藝術品,將桂川河水引入中央池塘,池畔林立古色古香的茶室和佛教大廳。桂離宮由宮內廳管理,淨係接受遊客預約參觀,每日有舉辦幾節免費導賞團,但係星期日或者公眾假期就暫停導賞服務。想參加導賞團,記得要提前去宮內廳辦事處出示護照預訂!遊客可以乘搭阪急線到桂站,直達桂離宮。

    地點: 615-8014 日本京都市西京區桂御園

    開放時間: 宮內廳辦事處辦公時間係星期一至五 08:45 至 12:00 及 13:00 至 17:00

    電話: +81 (0)75 211 1215

    • 伴侶
    • 家庭
    • 品嚐美食
    12

    三十三間堂

    呢座廳堂氣勢宏偉,以 12 至 13 世紀製作嘅 1,001 尊一比一佛教慈悲女神觀音像而聞名,而且所有雕像都係採用日本檜木精製而成,用金箔包覆,華麗不凡。寺內其他有趣雕像還包括佛教 28 神靈像,以及兩尊寺廟守護神像。三十三間堂長 100 米,被視為日本最長的木結構建築。每年 1 月,日本人都會聚集喺寺廟後面,觀賞至今已經有幾百年歷史嘅馳名射箭比賽。

    地點: 605-0941 日本京都府京都市東山區三十三間堂廻り 657

    開放時間: 4 月至 11 月 08:00 至 17:00,11 月至 3 月 09:00 至 16:00

    • 歷史文化`

    相片由 Nesnad 提供 (CC BY 3.0) 經修改

    13

    神泉苑

    神泉苑曾經係佔地廣闊嘅中式花園,而家只係剩返一小部分嘅原有造景,以同樣叫做「神泉苑」嘅池塘最引人注目—呢面池塘幾個世紀以來一直係重要嘅儀式場所,池水據聞具有療癒同保護功效添!神泉苑鄰近二条城,好易搵到。

    地點: 604-8306 日本京都市中京區御池通神泉苑町東入る門前町 167

    開放時間: 每日 09:00 至 17:00

    電話: +81 (0)75 821 1466

    • 家庭
    • 拍照

    相片由 663highland 提供 (CC BY-SA 3.0) 經修改

    14

    二年坂及三年坂古街

    呢啲石板街道屬於京都四大保護區之一,留存咗往昔魅力。喺日文裡面,「二年坂」同「三年坂」可以解做「兩年斜坡」同「三年斜坡」—當地的民間傳說認為:如果你在樓梯上跌倒,便會遭受兩至三年的厄運,所以記得小心看路!漫步在懷舊的街道上,欣賞精緻木造建築、小花園和舒適茶室,不失寫意。呢兩條大街都係位於京都東部通往清水寺嘅路上。

    • 家庭
    • 購物
    15

    二條陣屋

    二条陣屋本來係商人嘅居所,後來變成大名領主拜訪天皇嗰陣落腳嘅旅舍。陣屋嘅結構具有好多驚人功能,好似活板門、假牆、秘密隧道同隔音設施咁,喺間諜盛行、爾虞我詐嘅年代非常重要。二条陣屋建於 17 世紀,保留住原有格局,但就曾經喺 2013 年徹底翻新。屋內導賞團服務只係以日文提供。

    地點: 604-8316 日本京都市中京區三坊大宮町 137

    開放時間: 每日 10:00 至 15:00

    電話: +81 (0)75 841 0972

    • 歷史文化`
    • 非一般行程
    • 團體
    16

    嵐山和渡月橋

    嵐山係京都郊區綠茵如畫嘅河畔地帶,遊客可以喺呢度細賞春日嘅櫻粉、夏日嘅翠綠、秋日嘅火紅同冬日嘅雪白。山坡上面,到處都有遠足小徑、觀景台同野餐區,俾你喺京都嘅人造奇觀之間抖返啖氣,享受自然美景。

    渡月橋輕輕橫跨大井川,同周圍嘅大自然景致一樣咁迷人,令日本典型鄉村嘅形象更顯圓滿。每年 4 月 13 日,年滿 13 歲嘅小朋友都會被帶到渡月橋,進行重要嘅過橋儀式—據聞:小朋友喺附近嘅法輪寺祈褔之後,要一路行到尾咁過橋,一秒都唔可以望返轉頭,否則呢世人都會厄運連連!

    • 伴侶
    • 家庭
    17

    城南宮花園

    鴨川肥沃嘅東岸孕育咗五個絢麗花園,成就出「城南宮之美」。這些花園由屢獲殊榮的園景設計師中根金作於七十年代末設計,呈現日本豐富植物品種和優雅園林設計的特色,飾有池塘、岩石、橋樑和水景。外國遊客都冇乜嚟呢個花園遊覽—就係因為咁,呢度即刻成為熱愛大自然人士暫避京都市中心人潮嘅好地方!

    地點: 日本京都市伏見區中島鳥羽離宮町 7

    開放時間: 每日 09:00 至 16:30

    電話: +81 (0)75 623 0846

    • 伴侶
    • 家庭
    • 經濟實惠

    相片由 663highland 提供 (CC BY-SA 3.0) 經修改

    18

    修學院離宮

    這片輝煌璀璨的避暑勝地於 1659 年為皇室建造,宮外花園分為上、中、下三層,背景是雄偉的比叡山,令人嘆為觀止。離宮嘅建築群入面仲設有好多茶室,同埋以前淨係俾京都上流人士使用嘅避暑小屋。修學院離宮嘅免費導賞團歷時大約 1 個鐘,雖然用日文講解,但係就有提供好多種語言版本嘅語音導賞機。如果想 Book 導賞團,記住要提前上網或者去京都御苑申請啊!

    地點: 日本京都市左京區修學院藪添

    電話: +81 (0)75 211 1215

    • 伴侶
    • 家庭
    • 拍照
    • 團體

    相片由 np&djjewell 提供 (CC BY 2.0) 經修改

    19

    先斗町歌舞練場的鴨川大通活動

    呢項活動一年兩度,分別喺 5 月同 10 月舉行,正好俾你見證藝伎嘅溫柔優雅—到時,藝伎 (經驗豐富嘅藝伎) 同舞子 (藝伎學徒) 都會表演精彩嘅古典舞蹈同音樂,每日 3 節,時間分別係 12:30、14:20 同 16:10。呢啲節目雖然係公開表演,但係場上嘅藝伎都好專業,統統配備精美服裝、化妝同道具,所以大受歡迎,吸引來自世界各地嘅觀眾觀賞。節目係「100% 日文」上演—之不過,就算睇唔明,淨係欣賞歌舞伎嘅精湛演出,都已經夠悅心賞目啦!

    地點: 604-8003 日本京都市中京區橋下町 130

    開放時間: 5 月及 10 月各為期 2 週。節目時間:12:30、14:20 及 16:10

    電話: +81 (0)75 221 2025

    • 團體

    相片由 Herry Lawford 提供 (CC BY 2.0) 經修改

    20

    WAK JAPAN

    WAK JAPAN 中心係了解日本傳統藝術嘅好地方,遊客可以參與學習課程,又或者觀賞京都出色工匠展示精湛工藝。WAK JAPAN 創辦人小川美知嘅目標係促進國際基層文化交流,同埋為才華洋溢嘅日本家庭主婦提供大顯身手嘅舞台。你可以親身嘗試茶道、花道、書法、摺紙、打太鼓、日式料理、日式舞蹈、和服試著、清酒品嚐等等嘅傳統藝術,建議提前訂位,先可以穩奪每日課程嘅名額架!乘搭烏丸地鐵線到丸太町站,就可以直接嚟到。

    地點: 604-0812 日本京都市中京區天守町 761

    開放時間: 每日 09:00 至 17:00

    電話: +81 (0)75 212 9993

    • 伴侶
    • 家庭
    • 歷史文化`
    • 團體
    21

    京都府立植物園

    京都府立植物園位於京都北部鴨川旁邊,喺 1924 年落成,1946 年曾經荒廢,到咗 1961 年再次啟用,成為設有溫室嘅大型植物園。而家,園內種有超過 12 萬棵植物,橫跨竹、櫻桃樹、繡球花、盆景、山茶花、日本鳶尾花同原生植物、蓮花等 12,000 個物種,劃分成園林專區,同絢麗無暇嘅歐陸花園相映成趣。公園裡面嘅溫室採用鑄鐵框架同平板玻璃建造,望落有啲似金閣寺,珍藏住來自 4,500 個物種嘅 25,000 多款植物。

    地點: 606-0823 京都府京都市左京區下鴨半木町

    開放時間: 每日 09:00 至 16:00

    電話: +81 (0)75 701 0141

    • 伴侶
    • 家庭
    • 拍照
    • 經濟實惠
    • 團體

    相片由 Kimon Berlin 提供 (CC BY-SA 2.0) 經修改

    22

    京都車站

    京都站是現代京都的光輝典範,樓高 15 層,呈現未來主義風格,宏偉建築令人一見難忘。車站內部面積總共 238,000 平方米,以鋼框架同不規則立方平板玻璃覆蓋,唔單止涵括普通列車同新幹線子彈列車嘅車站,仲設有購物中心、酒店、戲院同百貨公司。車站主廳樓高 70 米,由東至西全長 470 米,出自建築師原廣司的設計,於 1997 年啟用,紀念京都建都 1,200 週年。

    地點: 日本京都市下京區東塩小路釜殿町

    電話: +81 (0)75 361 4410

    23

    三千院的秋葉景色

    如果你有幸喺秋天嚟到京都,就千祈唔好錯過市郊三千院楓樹迸發出嚟嘅紅、橙、黃絢爛色彩!三千院嘅歷史可以追溯到 784 年,係一座天台宗寺廟,以充滿大自然氣息嘅苔蘚花園而聞名,尤其以鮮艷嘅藍繡球花同櫻花特別醉人。

    地點: 601-1242 日本京都市左京區大原來迎院町 540

    開放時間: 3 月至 11 月 08:30 至 17:00,12 月至 2 月 08:30 至 16:30

    電話: +81 (0)75 744 2531

    • 家庭
    • 拍照
    • 經濟實惠
    24

    風俗博物館

    風俗博物館雖然唔算矚目,但係就展示咗日本歷代嘅各種服飾,除咗皇室禮服同武士盔甲外,仲有精美嘅藝伎和服添!呢座博物館嘅宗旨係帶你了解日本平安時代 (794 年至 1185 年) 嘅貴族世界,而鍾意全球第一部小說《源氏物語》嘅遊客,更加可以細賞館內展出嘅春宮 ¼ 比例模型,以 3D 角度睇哂段段故事!風俗博物館位於京都站附近一座辦公大樓的 5 樓。

    地點: 600-8468 日本京都市下京區堀川通新花屋町下る井筒左女牛ビル大廈 5 樓

    開放時間: 星期一至六 09:00 至 17:00

    電話: +81 (0)75 342 5345

    • 家庭
    • 拍照

    相片由 At by At 提供 (CC BY-SA 3.0) 經修改

    25

    白山湯

    白山湯係日本地道嘅「錢湯」公共浴池,可以俾遊客體驗最「和風」嘅休閒活動,一探日本家庭生活鮮為外人所見嘅另一面。白山湯設有獨立「男湯」同「女湯」室內浴池,仲有恆溫瀑布,為你帶嚟強力背部按摩享受,同電動浴缸、以至「靚爆鏡」嘅園景戶外浴池相輔相成。入去浴室之前,記得要徹底洗乾淨身體啊!

    地點: 600-8304 日本京都市下京區新町通艮町六条 893

    開放時間: 星期四至星期二 15:00 至 00:00 (週末和假日於 07:00 開放)

    電話: +81 (0)75 351 2733

    Stephan Audiger | 旅遊常客

    開始計劃行程

    Maps