京都周圍有數以千計大大小小嘅寺廟和神社,好多寺廟設計獨特,莊嚴宏偉,仲好出名添。有啲係佛教寺廟,有啲就係日本神道教嘅神社,古老神道教相信所有嘢都有靈魂,所以都應該受到尊重。

    京都實在有好多神社同寺廟,喺市內求其行一圈,都肯定有一間係你左右。儘管京都最佳寺廟神社都位於市中心,卻盡顯地道風情,寧靜得令人難以置信。呢張清單囊括左我地心目中最靚必去嘅京都寺廟神社。

    1

    伏見稻荷大社

    • 伴侶
    • 家庭
    • 拍照
    • 單人旅客
    • 團體

    伏見稻荷大社係一間神道神社,裝飾咗幾千個鮮橙色鳥居,通往神聖嘅稻荷山。鳥居嘅維修由當地企業贊助,據聞可以保佑呢啲公司業務繁榮。呢間神社建於 711 年,崇敬狐狸—相傳,狐狸既係稻荷神嘅使者,亦都會保護每年收成。徒步行上山頂,大約需要 2 個鐘,你亦都可以乘搭京阪線到伏見稻荷站,直達神社。

    位置: 伏見區深草藪ノ內町 68

    電話: +81 (0)75 641 7331

    地圖
    • 家庭
    • 歷史文化`
    • 團體

    只要踏足京都東部密林山麓上嘅清水寺,你就會有「回到過去」嘅感覺!清水寺獲列入聯合國教科文組織世界文化遺產,亦係全國最出名嘅寺廟之一,以 13 米高嘅木製平台而聞名,而嗰座平台係由主廳向外延伸嘅。

    立足平台上,遊客可以飽覽楓樹同櫻花靚景,細賞春秋兩季色彩繽紛嘅一片樹海。事實上,呢度仲可以遠眺京都市中心嘅全景,風光遼遠!主殿冇採用一口釘建造,仲安放咗寺廟嘅主要祭祀對象—十一面千手觀音小雕像添!

    閱讀更多資訊

    位置: 605-0862 日本京都府京都市東山區清水 1 丁目 294

    開放時間: 每日 06:00 至 18:00 (夏季開放時間延長)

    地圖
    3

    東福寺

    • 家庭
    • 經濟實惠

    東福寺係一座禪廟,設有大型開放式寺廟群,同絢麗花園相映成趣。每年秋天,寺廟都迫滿遊客,大家聚集喺傳統寺院建築群裡面,欣賞由日本楓樹譜成嘅完美秋色—立足通天橋賞楓,都算得上係傳統習俗!寺廟裡面 22 米高嘅主大門規模冠絕日本所有禪寺,而東福寺範圍內大部分建築都可以免費入場,只有花園同通天橋另外收費。乘搭地鐵由 JR 奈良線或京阪線到東福寺站,好容易就可以直達寺廟。

    位置: 605-0981 日本京都府京都市東山區本町 15-778

    開放時間: 每日 09:00 至 16:00

    電話: +81 (0)75 561 0087

    地圖
    4

    八坂神社

    • 家庭
    • 團體

    呢座華麗嘅五重塔位於京都東部,原址曾經聳立住宏偉寺廟,但係現存嘅唯一建築物就只係剩返呢座五重塔喇…五重塔亦被稱為祗園神社,係一年一度祗園節嘅核心地帶。神社建於公元 7 世紀,崇敬神道教的素戔嗚尊,象徵繁榮,防止瘟疫。參觀八坂神社嘅時候,其實有個儀式—信眾可以喺紙仔上面寫低一個祈求、願望或者諗法,然後將張紙綁喺已經綁滿紙蝴蝶結嘅樹上。

    位置: 605-0073 日本京都府京都市東山區祇園町北側 625

    地圖
    5

    知恩院

    知恩院嘅宗旨係宣傳佛教淨土宗嘅偉大,以宏偉嘅三門為特色,氣勢冠絕日本各大宗教場所。這座寺廟位於淨土宗開祖法然開始講佛的地方,而法然後來於 1212 年絕食至死。知恩院嘅命運同京都好多寺廟一樣,屢次遭到火災同地震嘅破壞,現存最古老嘅建築物係本堂,於 1633 年重建;而「大方丈」(即係法師起居室) 就於 1639 年重建。

    本堂裡面有一座大鐘,喺新年慶祝活動期間佔據重要地位,會喺除夕當晚先鳴響 107 次,然後再響多一次,象徵擺脫過去一年嘅奢靡貪念。寺廟位於圓山公園以北,鄰近京都祗園區。

    位置: 日本京都市東山區林下町 400

    開放時間: 3 月至 10 月 09:00 至 16:30,11 月至 2 月 9:00 至 16:00;部分建築物唔對外開放

    地圖

    相片由 663highland 提供 (CC BY-SA 4.0) 經修改

    6

    北野天滿宮

    • 家庭
    • 拍照

    北野天滿宮建於 947 年,宗旨係祭奠知名學者、詩人兼官員菅原道真。神社景色醉人,種滿菅原道真最喜愛的梅樹,花朵紅白相間,份外絢麗;每年 2 月 25 日,寺內更會舉行梅花節,既記念菅原的忌辰,二來亦可以俾遊客一覽藝伎舞子舉行露天茶道會嘅難得景象。

    位置: 602-8386 日本京都府京都市上京區馬喰町

    開放時間: 每日 09:00 至 17:00

    電話: +81 (0)75 461 0005

    地圖
    7

    晴明神社

    • 家庭
    • 經濟實惠

    晴明神社已經有 1,000 幾年歷史,受一条皇帝委託建造,記念曾經為皇室同平安政府擔當宗教顧問嘅安倍晴明。呢座神社建於 1007 年,原址係安倍晴明嘅舊居,喺佢去世之後就改建成神社;而寺內有一口名井,相傳儲滿神奇井水!望勻神社各處,度度都有五角符號,象徵五行元素;寺廟後面仲有一座橋,據說係通往靈界之門。

    位置: 602-8222 日本京都府京都市上京區一条上ル晴明町堀川通 806

    開放時間: 每日 09:00 到 18:00

    電話: +81 (0)75 441 6460

    地圖

    相片由 Yoko Nekonomania 提供 (CC BY 2.0) 經修改

    8

    金閣寺 (金閣)

    • 伴侶
    • 家庭
    • 拍照
    • 經濟實惠

    金閣寺係京都最受歡迎嘅景點之一,字面意思係「金閣嘅寺廟」,信奉佛教禪宗,獲列入聯合國教科文組織世界文化遺產名單。這座寺廟莊嚴宏偉,四周繞有日式庭園,又有人叫佢做「鹿苑寺」。金閣寺建於 1397 年,作為幕府將軍足利義滿 (1358-1409) 退休之後出家禪修嘅場所。

    金閣寺樓高 3 層,高達 12.8 米,二樓同三樓都喺日式漆面上鍍咗金箔,外觀獨一無二。寺廟裡面嘅傳統茶室亦係萬勿錯過!金閣寺位於京都北部,可以由京都站搭乘京都市巴士 101 號或 205 號嚟到,車程大約 40 分鐘。

    位置: 603-8361 日本京都北區金閣寺町 1

    開放時間: 每日 09:00 至 17:00

    電話: +81 (0)75 461 0133

    地圖
    9

    大仙院書院庭園 (大德寺)

    • 家庭
    • 拍照

    大仙院書院庭園位於大德寺嘅龐大建築群裡面,係體現日本藝術同哲學嘅獨特典範。正如好多人所講,園內嘅沙石堆砌成大海、山脈同船隻,你又認唔認得出?岩石外牆上仲有動物嘅面孔同瀑布添!呢個花園早於 1513 年室町時代興建,採取枯山水式造景設計。趁住旅遊巴仲未到站,不如入去行下參觀下啦?入場費約為 400 円。

    位置: 603-8231 日本京都市北區紫野大德寺町

    開放時間: 3 月至 11 月 09:00 至 17:0012 月至 2 月 09:00 至 16:30

    電話: +81 (0)75 491 8346

    地圖

    相片由 Ivanoff~commonswiki 提供 (CC BY-SA 3.0) 經修改

    10

    正伝寺

    • 家庭
    • 歷史文化`
    • 經濟實惠

    正伝寺蘊藏住一場悲劇,隱身喺山腳之下。當年,一班士兵因為接受唔到軍隊於「關原之戰」節節敗退,就喺伏見城集體自殺,而沾滿鮮血嘅城堡地板用咗嚟建造呢座寺廟嘅天花。只係,寺廟建築群幽麗寧靜,你絕對估唔到佢背後曾經發生咁嘅歷史悲劇。每年,正伝寺都有參與「五山送火」—喺呢場節慶裡面,京都有五座山嘅山腰會燃起烈火,拼砌出「大妙法」同其他符號。

    位置: 603-8847 日本京都市北區西賀茂北鎮守菴町 72

    開放時間: 每日 09:00 至 17:00

    電話: +81 (0)75 371 5649

    地圖

    相片由 Nullumayulife 提供 (CC BY 2.0) 經修改

    11

    本能寺

    呢座日蓮正宗寺廟建於 1415 年,曾經喺 1587 年遭到火災蹂躪,及後重建,卻又因為「自殺」同「背叛」而更加顯得獨特—聲名狼藉嘅軍閥織田信長被麾下將軍明智光秀背叛,於是喺呢度自殺,而寺內正正豎立咗一座紀念碑,祭奠織田之死。本能寺雖然唔及京都其他寺廟咁壯觀,但就勝在地理位置便利,鄰近主要購物區同京都市役所前站。

    位置: 604-8091 日本京都市中京區御池下ル下本能寺前町 522

    開放時間: 每日 09:00 至 17:30

    電話: +81 (0)75 231 5335

    地圖

    相片由 そらみみ 提供 (CC BY-SA 3.0) 經修改

    12

    壬生寺

    • 家庭
    • 歷史文化`
    • 拍照
    • 經濟實惠

    壬生寺是備受推崇的佛教律宗遺址,建於 991 年,敬奉守護細路仔嘅地藏菩薩。「雛祭」同「男兒節」係日本兩個以兒童為焦點嘅重要節日,而壬生寺就屬於神聖境地,相傳能夠抵禦邪靈,保佑未來繁榮。每年 2 月,呢度都會舉辦名為「節分厄除大法會」嘅散豆節。壬生寺距離阪急線嘅大宮站只係幾步之遙。

    位置: 604-8821 日本京都府京都市中京區壬生梛之宮町 31

    開放時間: 每日 08:30 至 17:30

    電話: +81 (0)75 841 3381

    地圖

    相片由 663highland 提供 (CC BY-SA 3.0) 經修改

    13

    東寺

    • 家庭
    • 歷史文化`
    • 拍照

    東寺的五重塔高 57 米,是日本最高的寶塔之一,也是京都的象徵。東寺最初建於公元 794 年,最近一次重建係喺 1643 年火災摧毀寺廟之後進行。東寺同創立真言宗嘅弘法大師關係密切,而寺廟大廳裡面亦都有好多密宗佛教文物。

    寺廟每個月 21 日都會架設起大型跳蚤市場,場內售賣的古董物超所值;另外,每個月嘅第一個星期日仲有比較小型嘅古董博覽會喺寺內舉辦,不妨過嚟行下!東寺位於京都南部,距離京都車站約 15 分鐘步程。

    位置: 601-8473 日本京都市南區九条町 1

    開放時間: 每日 09:00 至 16:30

    電話: +81 (0)75 691 3325

    地圖
    14

    銀閣寺 (銀閣)

    • 拍照
    • 經濟實惠

    銀閣寺 (銀閣) 的建造原意是為 1849 年撤退的幕府將軍足利義政提供避難所,本來以金碧輝煌嘅金閣寺為藍本,採用銀質塗層,只係幕府將軍嘅大計最終被「應仁之亂」打亂咗。事實上,同金閣寺相比,銀閣寺的確顯得有啲暗淡,不過仍然係融合咗大自然同人造靚景嘅好地方。喺寺廟裡面,能樂劇院、花道同茶道呢啲傳統藝術都達到咗頂峰;而銀閣寺嘅枯山水庭園設計經常變換,更加係參觀亮點之一。

    位置: 606-8402 日本京都市左京區銀閣寺町 2

    開放時間: 每日 08:00 至 17:00

    電話: +81 (0)75 711 5725

    地圖
    15

    南禪寺

    • 歷史文化`
    • 拍照

    南禪寺建於 13 世紀中葉,是世界上最重要的佛教寺廟之一。最初,龜山天皇下令用南禪寺做佢嘅退休別墅,後來才將別墅改建成禪宗寺廟,而嗰座寺廟就喺長達 200 年嘅內戰期間被毀壞。南禪寺坐落喺東山山腳下,歷年重建咗好多同樣咁靚嘅副廟,雖然規模龐大,但就係典型嘅寧靜禪廟。您可以乘搭地鐵到蹴上站,直達南禪寺。

    位置: 606-8435 日本京都市左京區南禪寺福地町 86

    開放時間: 每日 08:40 至 17:00 (12 月至 2 月期間至 16:30)

    地圖

    相片由 663highland 提供 (CC BY-SA 3.0) 經修改

    16

    上賀茂神社

    • 拍照
    • 團體

    上賀茂神社由兩座位於鴨川對岸的重要神社組成—京都北區嘅金村別雷神社同左京區嘅賀茂御祖神社 (下鴨神社) 都係為咗防止惡魔進入城市而興建,獲聯合國教科文組織列為世界文化遺產,係古京都歷史古蹟之一。每年五月,京都三大出名節慶裡面歷史最悠久嘅「葵祭」,正正就係喺呢度舉行。

    位置: 日本京都市左京區下鴨泉川町 59

    開放時間: 每日 06:00 至 17:00

    電話: +81 (0)75 781 0010

    地圖
    17

    平安神宮

    • 家庭
    • 拍照
    • 團體

    全日本最大型嘅鳥居昂然聳立,迎接你嚟到仿照京都御所 ¾ 比例興建嘅平安神宮!平安神宮建於 1895 年,目的係慶賀而家名為京都嘅「平安京」建市 1,100 週年;嚟到現代,呢度每年都會舉辦城中最重要嘅文化活動之一—「時代祭」。

    位置: 606-8341 日本京都市左京區岡崎西天王町

    開放時間: 每日 06:00 至 17:00 (3 月至 9 月開放至 17:30)

    電話: +81 (0)75 761 0221

    地圖
    18

    龍安寺和石庭

    • 伴侶
    • 家庭
    • 拍照

    龍安寺嘅枯山水庭園石庭遠近馳名,名氣仲大過寺廟本身!龍安寺信奉佛教教條嚴格嘅臨濟宗,而傾斜嘅石頭同石庭正正就係「禪」嘅縮影。花園由 15 塊岩石組成,分為 3、5 同 7 塊 3 組,遊客任何時候都淨係會見到 14 塊岩石—每當你轉一次位,就會有一塊石頭現身、另一塊石頭隱藏。如果想避開龍安寺嘅遊客人潮,就要晨咁早嚟到喇!你可以乘坐京福北野線到龍安寺站,直達寺院。

    位置: 616-8001 日本京都市右京區龍安寺御陵ノ下町 13

    開放時間: 3 月至 11 月每天 08:00 至 17:00。12 月至 2 月每日 08:30 至 16:30

    電話: +81 (0)75 463 2216

    地圖
    19

    天龍寺

    • 伴侶
    • 家庭
    • 拍照

    天龍寺是佛教臨濟宗的重要寺廟,獲聯合國教科文組織列為世界文化遺產。當地人稱為這座寺廟為「天龍寺」,相傳有以下典故:開基方丈夢到手下敗將後醍醐天皇化身金龍,從附近的大井川騰空冒起。足利尊氏將軍擔心會遭逢不幸,所以就喺後醍醐天皇最鍾意嘅度假別墅原址興建咗呢座寺廟。

    天龍寺嘅歷史可以追溯到 1339 年,其間曾經被火燒毀咗不下 8 次,而目前的建築物於 1900 年重建。全賴寺廟鄰近幾座山麓,寺外花園就成為咗第一批採用「借景」技術嚟重建中國蓬萊山嘅地方。要嚟呢座寺廟,你可以由京都站乘搭 JR 山陰主幹線到嵯峨站。

    位置: 616-8385 日本京都市右京區嵯峨天龍寺芒ノ馬場町 68

    開放時間: 4 月至 10 月每日 08:30 至 17:30。11 月至 3 月每日 08:30 至 17:00。

    電話: +81 (0)75 881 1235

    地圖
    20

    松尾大社

    • 家庭
    • 拍照

    松尾大社是京都其中一間最古老的神社,歷史可以追溯到 701 年左右,更相傳是流淌幸運之水的天然泉源,因而吸引當地清酒製造商同味噌生產商湧至參拜,祈求產品獲神靈祝福,成功大賣。新年期間,神社仲會供應經過特別加持嘅金泊神酒添!遊客只須由阪急嵐山線嘅松尾站行一陣,就會嚟到呢座寺廟。

    位置: 616-0024 日本京都市西京區嵐山宮町 3

    電話: +81 (0)75 871 5016

    地圖

    相片由 663highland 提供 (CC BY-SA 3.0) 經修改

    21

    大德寺

    • 伴侶
    • 家庭
    • 拍照

    大德寺係一座宏偉偌大嘅典型佛教禪廟,寺內嘅 4 個日式花園經過精心修整,枯山水庭園引發靜思冥想,就連全日本最古老、最宏偉嘅幾座廟堂都位處寺內!高牆之下,大德寺坐擁歷史可以追溯到 14 世紀嘅好多座大型寺廟同副廟。如果要去大德寺,遊客可以乘搭地鐵烏丸線到北大路站。

    位置: 603-8231 日本京都市北區紫野大德寺町 53

    開放時間: 每日 09:00 至 17:00

    電話: +81 (0)75 491 0019

    地圖

    相片由 Markus Leupold-Löwenthal 提供 (CC BY-SA 2.0) 經修改

    22

    高桐院 (大德寺)

    • 家庭
    • 拍照
    • 團體

    高桐院隱藏喺大德寺西面,係一座細小而隱蔽嘅副廟,因為珍藏咗來自日本以至中國嘅無價國寶,而值得一遊。秋季時份,環繞寺廟的青苔花園綻放鮮豔色彩,陽光穿透楓葉照射斑駁光線,景色令人驚嘆,確是沉思、休息或野餐的好地方。呢座寺廟屬地距離京都北部嘅地鐵北大路站好近,行一陣就到。

    位置: 603-8231 日本京都市北區紫野大德寺町 73-1

    開放時間: 每日 09:00 至 16:00

    電話: +81 (0)75 492 0068

    地圖

    相片由 ttshr1970 提供 (CC BY 3.0) 經修改

    23

    東本願寺

    • 家庭
    • 拍照
    • 經濟實惠

    東本願寺 (本願寺東廟) 位於京都車站附近,佔地廣闊,寺內結構繁複的多孔建築展示了德川幕府的勢力—不過,就算幕府權傾朝野,話唔定都會為咗中央庭院嘅一大班野鴿而煩惱!這座寺廟四處都是華麗的建築,穿過 28 米高嘅御影堂門,莊嚴氣氛油然而生。要數寺廟最特別之處,莫過於 19 世紀用嚟重建聖殿嘅黑色長繩—因為,呢條繩索完全由女奉獻者嘅頭髮織成!

    開放時間: 3 月至 10 月 05:50 至 17:30。12 月至 2 月 06:20 至 15:30

    電話: +81 (0)75 371 9181

    地圖

    相片由 663highland 提供 (CC BY-SA 4.0) 經修改

    24

    西本願寺

    • 家庭
    • 拍照

    喺兩座本願寺之中,呢片大型寺廟群歷史比較悠久,而家成為咗佛教淨土真宗嘅總堂,香火鼎盛。寺內部分廟堂唔對外開放,但係你都可以行入 2 個大廳參觀,細賞紙屏風同埋牆上由日本狩野派藝術家創作嘅精美雕刻畫作。西本願寺距離京都站以北約 10 分鐘步程。

    位置: 600-8501 日本京都市下京區門前町堀川通花屋町下ル

    開放時間: 每日 05:30 至 17:00 (5 月至 8 月開放至 18:00)

    電話: +81 (0)75 371 5181

    地圖

    相片由 663highland 提供 (CC BY-SA 3.0) 經修改

    Paul Smith | 旅遊常客

    開始計劃行程

    透過 Hotels.com 預訂的好處

    旅遊提示

    新型肺炎提示:旅遊限制急速變化,目的地或設行前檢測及到埗檢疫等安排。

    請查閱行程的相關規定。
    返回頁首

    Maps