京都 24 大最佳購物體驗

京都購物熱點

    京都歷史悠久,民眾別具魅力,且購物選擇又多,絕對值得遊覽!如果你的京都購物清單列明了傳統手工藝品和古董,你定當不會失望—京都最受歡迎的手信包括漂亮摺扇、傳統人偶、和服、陶瓷、綠茶和清酒。只要前往市中心河原町地鐵站附近,便會找到最出色的購物商場和現代精品店。

    1

    木村櫻士堂

    木村櫻士堂係一間專門生產傳統日本人偶嘅商店,主打京都玩偶,另外亦都有賣各種配飾。只要去到宏偉嘅清水寺,就會搵到呢間舖頭,喺正寺廟隔籬。日式娃娃各有含意—例如,雛人形人偶係放喺間屋裡面嘅,祈求女仔快樂成長;BB 人偶就祝願收禮人孕育出更多健康嘅細路;幸運貓公仔經常被視為日本傳統象徵,每個細微差別都意味住唔同嘅事物。仲唔嚟呢間店舖行下,進一步了解日式人偶?

    地點: 605-0862 日本京都市東山區清水 1-263

    開放時間: 每日 09:00 至 17:00

    電話: +81 (0)75 541 7326

    • 購物
    2

    一澤信三郎帆布 (手工棉布袋)

    一澤信三郎帆布係京都當地品牌,主打手工棉袋,款式同顏色都多不勝數;其他受歡迎嘅商品包括圍裙、帽、書寫用具、袋同文件架,而店內亦設維修部門。一澤信三郎帆布專門出產實用的日常用品,深受當地人推崇—事實上,京都好幾間酒店都有採用佢哋嘅商品!這家精品店位於東山地鐵站南面。

    地點: 605-0017 日本京都市東山區高畑町 602

    開放時間: 星期三至星期一 09:00 至 18:00 (星期二休息)

    電話: +81 (0)75-541-0436

    • 購物

    相片由 choo chin nian 提供 (CC BY-SA 2.0) 經修改

    3

    かさ源油紙傘專門店

    かさ源嘅油紙傘款式精美,令人讚嘆,正正係你選購京都正宗紀念品嘅好地方。環顧市內著名嘅祗園區,舉止端莊嘅藝伎就係用呢啲油紙傘保護無價和服,遮擋刺眼陽光。かさ源經營超過 140 年,因為紙傘耐用而屹立不搖,保證你嘅產品可以用好多年。而且,呢間舖頭仲代表日本宮內廳製作雨遮,實在係非常難得嘅榮譽!

    地點: 日本京都市祇園町北側 284

    開放時間: 星期四至星期二 10:00 至 19:00 (逢星期三休息)

    電話: +81 (0)75-561-2832

    • 購物
    4

    西陣織會館

    呢間知名嘅紡織品會館係京都嘅驕傲,歷史悠久,捱過戰爭等多重挫折,依然屹立不倒,所有素有「硬漢」嘅美譽,喺全國各地享負盛名。遊覽西陣嘅時候,遊客有機會試著和服,體驗傳統編織方法;館內每日仲會舉辦幾次和服 Fashion Show 添!由於部分活動需要提前預訂,所以請事先致電會館,查詢更多資料。離開會館之前,記得要行下手信店,選購多種多樣嘅華麗商品,諸如和服、和服腰布、領帶、金錦緞、布料、編織小物同家居用品等。

    地點: 602-8216 日本京都上京區堀川通今出川南入る竪門前町

    開放時間: 每日 09:00 至 17:00

    電話: +81 (0)75 451 9231

    • 購物

    相片由 hslo 提供 (CC BY-SA 2.0) 經修改

    5

    愛染工房

    行到入去愛染工房,就好似參觀住家一樣—宇津家族幾代人一直經營編織業務,佢哋嘅手工編織同手染靛藍紡織品質素冠絕全京都、甚至全日本。店主宇津先生被視為工藝大師,由佢主理嘅染色紡織品保證永遠都唔甩色!而宇津先生亦好樂意向你展示染色同編織品嘅多款樣版,當中包括由佢太太木壽子設計嘅衫。

    地點: 602-8449 日本京都市上京區中筋通大宮西入る

    開放時間: 每日 10:00 至 16:00。平日營業至 17:30。

    電話: +81 (0)75 441 0355

    • 購物
    6

    塩芳軒

    只需要塩芳軒一盒色彩繽紛嘅日式糖果,就足以為親朋送上驚喜!塩芳軒從事和菓子業務超過一個世紀,出品優質和菓子,同傳統茶道相輔相成。店內供應嘅產品按季節而變化,但係口味依然正宗,有麻糬、甜豆同糖等等。購物之前,店員通常會為你奉上試食盤,俾你品嚐和菓子口味。你可以乘搭烏丸線到今出川站,前往呢間迷人嘅和菓子店。

    地點: 602-8235 日本京都市上京黑門通中立売上ル飛騨殿町 180

    開放時間: 每日 09:00 到 18:00

    電話: +81 (0)75 441 0803

    • 購物
    • 品嚐美食
    7

    一保堂茶舖

    一保堂茶店植根京都,已經有近 300 年歷史,以頂級茶品而聞名,唔單止專注買賣營商,仲會親身採購同混搭精心挑選嘅茶葉。

    除咗買高檔抹茶玉露煎茶番茶等等嘅日本綠茶之外,遊客亦都可以選購好多有趣嘅飲茶器具,例如竹拂 (茶筅)、竹茶羹同傳統茶壺。記得要參觀下令人印象深刻嘅「嘉木」喫茶室,你嘅一保堂之旅先算得上完整—嚟到喫茶室,客人可以學沖茶。呢間備受尊崇嘅店舖已經由京都寺町通本店擴充規模,而家喺東京同紐約都有分店。

    地點: 604-0915 日本京都市中京區寺町通二条

    開放時間: 每日 09:00 到 18:00

    電話: +81 (0)75-211-3421

    • 購物
    • 歷史文化`
    • 品嚐美食

    相片由 Espen Ore 提供 (CC BY 2.0) 經修改

    8

    京都錦市場

    錦市場係外地遊客必遊之地,可以令你對當地人嘅日常生活大開眼界!好多當地人都叫呢度做「京都嘅廚房」,市場內設有好多地道食品店,售賣清酒、豆腐、魚、日式漬物、蔬菜、紫菜、傳統菓子、熟食、廚具、刀具等,

    大約有 100 幾個售貨攤位,大多數商舖都係由同一家族代代經營嘅老店。據聞,呢度售賣嘅產品質素比城內普通超市仲好,所以價格亦都略貴。

    地點: 604-8054 日本京都市中京區錦市場

    開放時間: 每日 09:00 到 18:00

    • 購物
    • 晚間娛樂

    相片由 Luca Mascaro 提供 (CC BY-SA 2.0) 經修改

    9

    藏屋橋木 (藏屋はしもと) 刀劍店

    橋本家族經營新劍、古劍同裝飾用劍生意已經 50 幾年,這裡出售的武士劍仿照武士揮舞過的真劍複製,精工巧造。店內展示的收藏品每每包含各式古董真品,亦有價格相宜的複製精品。要帶住武士刀搭飛機返屋企,都冇乜可能…不過,店主藏屋先生好樂意幫客人安全運送商品到大多數國家,服務貼心!

    地點: 日本京都市中京區池元町 408-29

    開放時間: 星期一、星期四及星期六至日 10:00 至 17:30星期二、星期三和星期五休息。

    電話: +81 (0)75 821 2791

    • 購物
    • 歷史文化`

    相片由 Marie-Lan Nguyen 提供 (CC BY-SA 2.5) 經修改

    10

    宮脇賣扇庵

    宮脇賣扇庵坐落喺歷史可以追溯至 1823 年嘅古老建築物裡面,專售各種各樣嘅紙扇,仲可能係京都最出名嘅紙扇店添!呢啲裝飾紙扇既係實用工具,亦係文化象徵,被塗漆、繪畫、折疊或者抹香,塑成多不勝數嘅形狀、設計同尺寸。歡迎參觀這間位於富小路通的精品店,一覽可愛配飾,選購京都獨一無二的紀念品。

    地點: 604-8073 日本京都市中京區大黒町六角通富小路東入ル 80-3

    開放時間: 每日 09:00 – 18:00

    電話: +81 (0)75-221-0181

    • 購物
    11

    京都橋吉

    無論你係咪決定要買橋吉出品嘅精美陶瓷,都可以參觀國際同日本陶瓷藝術家嘅定期展覽,又或者單純感受一下呢座 5 層高大樓裡面嘅現代同古董陶瓷藏品規模之廣。橋吉嘅亮點包括晚餐餐具套裝同清酒杯,風格由傳統到現代設計都有,其中嘅動漫系列正正係最佳體現!自 1752 年以來,呢間舖頭一直領先京都陶瓷業,專業知識毋庸置疑。

    地點: 日本京都市中京區富小路四条通

    開放時間: 星期四至星期二 10:30 至 19:00 (星期三休息)

    電話: +81 (0)75 211 3143

    • 購物
    • 歷史文化`
    12

    邦京都

    邦京都保存咗往日最好嘅一點一滴,將舊和服和服腰布轉化成當代和服風格作品。大多數和服都係用絲綢手工製作,可以追溯到日本歷史上嘅大正同埋昭和年代;而店內嘅創意設計師仲製作咗一啲出色嘅一次性新奇作品同紀念品,當中包括由古董和服製成嘅睡房裝飾用品同袋仔。

    地點: 606-8277 日本京都市左京區北白川堂ノ前町 1-38

    開放時間: 星期三至星期一 10:00 至 18:00 (星期二休息)

    電話: +81 (0)75-711-7095

    • 購物
    13

    辻しば漬本舗漬物店

    如果你計劃帶一啲日本特色小食返屋企,就一定要買日式漬物喇!辻しば漬本舗淨係會採用自家種植蔬菜、純鹽同傳統醃漬工藝嚟製作超卓漬物,名聲冠絕全京都。漬物選擇因季節而異,最常見嘅有醃茄子、生薑、青瓜同紅辣椒等等,好和味架!

    地點: 601-1244 日本京都府京都市左京區大原上野町 483

    開放時間: 每日 08:30 至 17:00

    電話: +81 (0)75-744-2839

    • 購物
    • 品嚐美食

    相片由 Janet Hudson 提供 (CC BY 2.0) 經修改

    14

    京都市中心的和服店

    外地遊客如果想喺市中心物色傳統商品,可以沿四条通同河原町通大街行下—呢度有好多店舖專售和服同服裝配飾,仲有紅燈籠、茶具同漆器等獨特產品,一定可以俾你滿載而歸。另一方面,呢啲地區亦以熱鬧酒吧、夜店同 Coffee Shop 而聞名。

    • 拍照

    相片由 Mira Kim 提供 (CC BY 2.0) 經修改

    15

    薫玉堂

    嚟到薫玉堂,你可以選購馥郁香枝,將京都氣息帶返屋企。喺日本,「香道」被視為嚴謹嘅藝術形式;據講:香火裡面冒出嚟嘅煙霧,會指引通往天堂之路。薫玉堂由亞洲各地入口材料,製作京都精美芳香嘅香薫。這家精品店在西本願寺旁邊,自 1594 年成立以來,一直在同一地點營業。

    地點: 600-8349 日本京都市下京區西本願寺前堀川通

    開放時間: 每日 09:00 至 17:30 (每月第一個及第三個星期日休息)

    電話: +81 (0)75-371-0162

    • 購物
    16

    十三や

    藝伎嘅整體衣裝無可挑剔,其中一個重要組成部分就係稱為「」嘅木製髮梳。使用髮飾嘅象徵意義深厚,亦都為藝伎添上少少個人風格。60 幾年來,十三や一直為京都嘅藝伎同舞子製作精美嘅黃楊木梳同髮飾。就算你未必會著和服嚟配襯完美造型,呢啲精巧嘅裝飾品對於每個女仔嚟講,依然係一份好禮。

    地點: 日本京都市下京區四条通寺町東入る新京極

    開放時間: 每日 10:00 至 18:00

    電話: +81 (0)75 221 2008

    • 購物
    17

    森田和紙

    紙張在日本非常重要,是製作傳統門、窗、扇、燈和傘的必備元素。森田和紙嘅優質手工紙喺世界各地備受追捧,商品選擇眾多,行幾個鐘都唔會悶!工匠、書法家、藝術家、甚至拼貼達人都會為各式紙張嘅顏色、紋理、穀粒數量等等驚嘆,尤其係華麗嘅千代紙 (裝飾紙) 更加令人驚艷。

    地點: 600-8095 京都市下京區東洞院通仏光寺上ル扇酒屋町 298

    開放時間: 星期一至六 09:30 至 17:30

    電話: +81 (0)75 341 0123

    • 購物
    18

    伊勢丹百貨公司

    如果你想喺離開京都之前「血拚」到最後一分鐘,可以去 JR 京都站內嘅伊勢丹大型百貨公司行下。伊勢丹嘅商品涵蓋至潮進口同本地時裝、手袋、化妝品等等。

    頂層專售數之不盡的華麗和服,還有很多圖案和款式任君選擇;地庫嘅美食樓層就有賣各種美味日式料理,菜式多到你唔信!如果你有小朋友,仲可以去兒童專區,搜羅又靚又好玩嘅玩具同公仔—日本一向以 Hello Kitty 等等嘅可愛卡通而聞名,呢度就有一系列嘅卡通商品,花多眼亂!

    地點: 京都市下京區烏丸塩小路東塩小路町 JR 京都站

    開放時間: 每日 10:00 至 20:00

    電話: +81 (0)75-352-1111

    • 購物

    相片由 J o 提供 (CC BY-SA 3.0) 經修改

    19

    大丸百貨公司

    大丸係一間大型連鎖店,喺日本以至海外都有好多分店—不過,第一間分店正正就喺京都!目前,京都總共有 3 間大丸,最大嘅一間位於高倉以西嘅四条通,有 9 層樓高,出售各種各樣嘅產品,例如男裝、女裝、床上用品、地道紀念品、電子產品同日式廚具等家居用品。

    地點: 600-8511 日本京都市下京區四条高倉立売西町 79

    開放時間: 每日 10:00 至 20:00

    電話: +81 (0)75-211-8111

    • 購物

    相片由 三菱善次郎 提供 (CC BY-SA 4.0) 經修改

    20

    高島屋百貨公司

    高島屋憑藉多年零售經驗,晉身日本主要百貨公司品牌之一,擁有 20 間門市,遍佈紐約、新加坡、台灣同曼谷。事實上,高島屋於 1831 年喺京都成立,起初經營和服店,後來發展成規模更大嘅商舖,貨色選擇更多。高島屋總店其後搬到大阪,營業到而家。你會喺呢度搵到各式各樣嘅服裝,當中包括日本最 In 嘅時裝同品牌。京都高島屋定期舉辦文化同藝術展覽,位於阪急河原町站上方,好易搵到。

    開放時間: 每日 10:00 至 20:00

    電話: +81 (0)75-221-8811

    • 購物

    相片由 J o 提供 (CC BY-SA 3.0) 經修改

    21

    藤井大丸百貨公司

    藤井大丸係京都市內比較小型嘅百貨公司,不過依然開滿有趣時尚嘅商舖,售賣獨特時裝俾後生仔女。藤井裡面冇一排一排嘅餐廳,望落反而全部都係熱鬧嘅 Cafe 同小酒館,另外亦都設有美食廣場,供應各種各樣嘅菜餚。如果你搵緊男裝,可以去一樓極受歡迎嘅 Beams 速銷店,搜購只此一家嘅限量版 T 恤。由阪急線嘅河原町站行幾分鐘,就會輕鬆嚟到藤井大丸。

    地點: 600-8031 日本京都市下京區四條下ル貞安前之町寺町通 605

    開放時間: 每日 10:30 至 20:00

    電話: +81 (0)75-221-8181

    • 購物

    相片由 Kirakirameister 提供 (CC BY-SA 3.0) 經修改

    22

    福乃家

    參觀完供奉商業神明嘅伏見稻荷神社之後,仲唔去福乃家禮品店揀返啲象徵生意興隆嘅手信?福乃家有賣各種各樣嘅日式祭壇飾品同護身符,正正係送俾同事親朋嘅最佳好禮;而最受外國遊客歡迎嘅商品,就一定係鑰匙扣同埋超得意嘅「招財貓」!

    地點: 612-0882 日本京都市伏見區深草藪ノ内町 58

    開放時間: 星期六至星期四 08:30 至 16:30。

    電話: +81 (0)75-641-1253

    • 購物
    23

    總合見本市會館的古董大展

    呢度有日本最大型嘅古董博覽會,每年舉辦 3 次,屬於業界盛事,吸引咗世界各地 300 幾間經銷商親臨,推銷店內精緻獨特嘅古董。

    由於呢場博覽會免費入場,所以幾乎就同參觀博物館一樣,可以俾你睇盡別具歷史價值嘅豐富文物。就算你冇預算去買嘢,亦都值得到此一遊,體驗同場內眾多珍貴古董共處一室嘅感覺。總合見本市會館位於竹田,距離京都車站以南約 10 分鐘車程,從烏丸線的竹田站有免費穿梭巴士到達。

    地點: 612-8450 日本京都市伏見區竹田鳥羽殿町 5

    開放時間: 每年舉辦 3 次,為期 3 天

    電話: +81 (0)77 522 2307

    • 家庭
    • 購物
    • 歷史文化`

    相片由 Jerry 提供 (CC BY-SA 2.0) 經修改

    24

    東寺跳蚤市場

    每個月嘅 21 號,東寺都會架設起日本最古老、最大型嘅跳蚤市場,稱為「弘法市」,吸引嚟自全國各地嘅講價達人同收藏家湧至—因為,呢度正正係買正宗日本古董傢俱、紡織品、珠寶、藝術品、和服同獨特家居裝飾品嘅好地方!好物火速售罄,建議早啲嚟到市集,先至買到心頭好架!市場裡面嘅環境輕鬆親切,你只要用大量身體語言,就應該可以同當地商販溝通到 (笑)。

    地點: 601-8473 日本京都市南區九条町 1

    開放時間: 每月 21 日 07:00 至 16:00

    • 家庭
    • 購物

    相片由 np&djjewell 提供 (CC BY 2.0) 經修改

    Stephan Audiger | 旅遊常客

    開始計劃行程

    Maps