京都市唔單止又靚又古典,守護歷史傳統一樣咁出名;市內有唔少老牌餐廳的菜式都令人讚不絕口,包你食到停唔到口。不過,這些獨家體驗索價不菲;如果你預算有限,可以諗下去商場或者新派特許經營餐廳搵食,呢度嘅食物唔止精心炮製,仲好物超所值。

    京都好多日式餐廳都有天婦羅、壽司、烏冬面等特色菜式。如果你吃得太多地道菜餚,想轉轉口味,京都也有歐洲以至泛亞美食提供,款式多樣。溫馨小貼士,好多小餐館只收現金,部分地區仲好難搵到提款機,出街食野之前記得帶夠現金!

    1

    やげんぼり 日式餐廳

    • 拍照

    やげんぼり餐廳位於白川支流附近鵝卵石小徑上嘅一間古老茶館裡面,供應京都傳統美食同懷石料理,正正係京都市內最浪漫嘅用餐場所!日式佳餚以精美手工陶瓷餐具奉上,諸如朴葉味噌配搭橡木葉烤茸菇香蔥、鱉菜式,以至採用時令蔬菜入饌嘅涮涮鍋,統統任你品嚐。

    地點: 605-0084 日本京都市東山區清本町 371-1

    開放時間: 星期一至六 11:30 至 14:00 及 17:00 至 23:00

    電話: +81 (0)75-551-3331

    地圖
    2

    未在日式餐廳

    • 拍照
    • 豪華住宿

    未在餐廳規模細小,每日淨係得一節用餐時段,招待 10 位客人,但係就舉世聞名—說到底,既有米芝蓮 3 星佳餚為你奉上,還有甚麼好抱怨?廚師兼老闆石原仁司係京都名廚,烹飪水準卓越,供應京都正宗懷石料理。如果食客喺 18:00 上餐時間之後到達,就唔可以入座架喇!所以,記住準時嚟到,以免失望尷尬;而且仲一定要預約訂位,並且只能夠用現金付款。對於想品嚐精緻日式料理嘅美食達人嚟講,呢度嘅用餐體驗先至算係真正享受!

    地點: 605-0071 日本京都市東山區八坂鳥居前東入る円山町 613

    開放時間: 星期四至二 18:00

    電話: +81 (0)75-551-3310

    地圖
    3

    明日香

    • 家庭
    • 品嚐美食

    好多人慕名前往明日香餐廳,目的只為享受休閒氛圍,同埋享用精選定食—呢種定食套餐由主菜、一碗飯、一碗味噌湯加一碗日式漬物組成,一般比單點餐單食物更加抵食。講係咁講,明日香嘅餐單選擇當然唔止呢啲—你仲可品嚐京都風味麵食等菜式。想搵菜品眾多嘅家常餐廳?明日香近乎冇對手,絕對係你不二之選!

    地點: 東山區三条通神宮道西入る西町 144

    開放時間: 星期二至星期日 11:00 至 22:00 (星期一休息)

    電話: +81 (0)75 751 9809

    地圖
    4

    尾張屋四条店蕎麥麵店

    • 家庭
    • 品嚐美食

    尾張屋四条店可以算係京都最古老嘅蕎麥麵店,當然來頭不小—呢間餐廳已經有 500 幾年嘅源遠歷史,一向精心炮製美味麵食,仲有更加引人注目嘅和菓子,呈奉俾皇帝、幕府將軍同京都寺廟備受尊敬嘅僧人。雖然尾張屋餐廳歷史悠久,但係店內出品嘅優質蕎麥麵依然價格合理,相當抵食。

    地點: 600-8031 日本京都市下京區貞安前之町 624

    開放時間: 11:00 至 22:00

    電話: +81 (0)75-221-6080

    地圖
    5

    京都佛沙羅館

    • 品嚐美食

    佛沙羅館係一間環境非凡嘅泰國餐廳,坐落喺經過翻新嘅京都風格聯排別墅裡面,而呢座別墅已經有 85 年歷史,面向鴨川。店內裝修華美,配有天然板栗木製嘅櫃枱同煙燻竹隔板,仲有一張壁爐餐桌,由有 250 年歷史嘅房屋棟樑製成。一場嚟到,點可以唔試由經驗豐富嘅泰國廚師主理嘅有趣套餐?呢度嘅冬蔭功同泰式炒麵等泰式經典菜式統統令人期待!你可以預訂河畔開放式露台座位,喺鴨川流水映襯下,食物定當更添美味。

    地點: 下京區

    開放時間: 午市時間為 11:30 至 16:00。晚市時間為 17:00 到 22:00 (星期三休息)

    電話: +81 (0)75 361 4535

    地圖
    6

    京都百貨公司美食樓層

    • 家庭
    • 品嚐美食

    京都市內各處的百貨公司都設美食樓層,出售日式、西式和亞洲外賣食品,還有各款美味佳餚、糕點和朱古力,吸引唔少人嚟買便當或者其他外賣餸菜,而你仲可以買到清酒同葡萄酒添!百貨公司嘅食品款式層出不窮,店內有蓋購物空間唔會受到惡劣天氣影響,難怪成為京都小食好去處。

    相片由 dany13 提供 (CC BY 2.0) 經修改

    7

    萬龜樓

    • 伴侶
    • 品嚐美食
    • 豪華住宿

    如果你嘅預算充足,又想品嚐真正頂尖嘅米芝蓮星級膳食,萬龜樓就係一個好選擇。呢度係京都市內唯一一間供應正式有職料理 (宮廷菜) 嘅餐廳,廚師統統經過特殊訓練,一定要穿著禮儀用和服,精心準備各式食品。

    要數最具戲劇性嘅菜餚之一,就一定非「式庖丁 (解體魚)」莫屬,廚師會將魚嘅每一部分精心排列喺底層嘅菜餚上,賞心悅目。全套有職料理索價高達每位 30,000 円;不過,呢度亦都有比較經濟嘅午市便當選擇。餐廳設有穿著規定,而且必須訂位。

    地點: 602-8118 日本京都市上京区出水上ル蛭子町猪熊通

    開放時間: 星期四至星期二 12:00 至 15:00 及 17:30 至 21:30

    電話: +81 (0)75 441 5020

    地圖
    8

    大市

    • 家庭
    • 品嚐美食

    鱉係日本美食,而大市餐廳自 17 世紀以來一直主打鱉火鍋,專業得獨賣一味,淨係提供鱉嚐味餐單,用燉鱉肉做前菜,緊接經典嘅鱉火鍋,喺熱騰騰嘅古董陶罐裡面奉上。

    地點: 602-8351 日本京都府京都市上京區六番町 364

    開放時間: 星期三至星期一 12:00 至 14:00 及 17:00 至 21:00

    電話: +81 (0)75 461 1775

    地圖

    相片由 Michael Stout 提供 (CC BY 2.0) 經修改

    9

    百足屋

    • 品嚐美食

    百足屋係一間精緻嘅餐廳,位於經過精美翻新嘅別墅裡面,採用開放式設計,飾有令人驚艷嘅深色石頭門廳同庭院花園,營造出寧靜氛圍,俾食客享受「只此一家」嘅京都家常料理。餐單多種多樣,以時令食材入饌,有趣菜餚值得期待,諸如南瓜鰹魚魚生和生薑雞肉等,統統風味獨特。午餐便當價格實惠,而晚餐索價都唔係貴好多。晚市食客要著西裝外套用餐,並且提前訂位。

    地點: 604-8214 日本京都市中京區百足屋町新町通錦小路上ル

    開放時間: 星期四至星期二 10:00 至 23:00

    電話: +81 (0)75 256 9393

    地圖
    10

    三嶋亭

    • 家庭
    • 品嚐美食
    • 團體

    三嶋亭供應令人垂涎的牛肉、蔬菜和麵條,主打肉食,採用壽喜燒或涮涮鍋風味火鍋奉上。事實上,正因為店內肉類大受歡迎,餐廳迫不得已要喺底層自設肉檔,就連京都最精明嘅「師奶仔」都成日嚟幫襯!餐廳內部嘅木框架結構同拋光木地板營造出濃厚嘅懷舊氣氛,再加上身穿和服嘅女侍應捧住壽喜燒拼盤奉客,就更加古意盎然。部分榻榻米私人房仲可以飽覽庭院花園嘅澄美風光添!用餐必須訂位。

    地點: 604-8035 日本京都市中京區寺町通 405

    開放時間: 每日 11:00 至 22:00

    電話: +81 (0)75 221 0003

    地圖
    11

    味がさね日式餐廳

    • 品嚐美食

    味がさね餐廳坐落於 150 年歷史嘅舊式房屋裡面,俯瞰住鴨川河,定當為你奉上難忘嘅用餐經歷。餐廳設有開放式座位同幾間私人用餐室,以拉麵為招牌菜之一,有各種肉湯俾你揀;事實上,味がさね嘅餐單極多樣化,仲有兒童套餐提供。由京都市中心嘅河原町站步行 5 分鐘,就可以直達。

    地點: 604-8205 日本京都府京都市中京區若松町 141−4

    開放時間: 星期二至星期日 17:00 至 23:00

    電話: +81 (0)75 256 1777

    地圖
    12

    La Jolla 墨西哥餐廳

    • 品嚐美食

    參觀完二条城之後,鍾情美國同墨西哥美食嘅你可以到城樓稍北嘅 La Jolla 餐廳用餐,大啖北美美食,品嚐素食菜餚。呢間餐廳供應嘅南加州美食地道正宗,而 Margarita 雞尾酒嘅風味更加冠絕京都!

    地點: 604-8201 日本京都市中京區長浜町 154-2

    開放時間: 星期二至星期日 12:00 至 14:00 及 18:00 至 22:30

    電話: +81 (0)75 821 4745

    地圖
    13

    Kerala 印度餐廳

    • 品嚐美食

    Kerala 印度餐廳提供多達 70 種印度傳統美食,當中包括 20 款咖哩同好多素食菜餚,又以印度烤肉特別好味。店內裝飾豐富,幾有印度風情,仲裝飾咗一啲華麗古董。午市超值套餐價格由 850 円起,備有英文餐單,而且職員都識講英文,遊客落單絕對唔成問題。

    地點: 604-0827 日本京都市中京區河原町三条ル KUS 大樓 2 樓

    開放時間: 每日 11:30 至 14:00 及 17:00 至 21:00

    電話: +81(0)75 251 0141

    地圖
    14

    泉仙

    • 品嚐美食

    泉仙餐廳位於大德寺大院嘅質樸花園裡面,遠近馳名,供應精進鉄鉢料理,亦即係「豪華版」佛教禪宗素食菜餚。每道菜式都以層層縮細嘅碗具奉上,一個疊一個,就好似俄羅斯套娃咁。食客可以喺榻榻米房裡面享用小麥麵筋同豆皮等特色食品;好天嗰陣,你仲可以喺花園嘅矮餐枱用餐。泉仙喺春季同秋季期間大受歡迎,建議提早訂位。溫馨提示:呢間餐廳淨係供應午膳。

    地點: 京都府京都市北區紫野大德寺町 4

    開放時間: 每日 11:00 至 16:00

    電話: +81 (0)75 491 6665

    地圖

    相片由 Braveheart 提供 (CC BY-SA 4.0) 經修改

    15

    大德寺一久

    • 品嚐美食

    呢間小店位於大德寺東門外,自 15 世紀中期以來一直供應素食,主打精進料理,亦即係佛教素菜,正好俾你體驗由食物傳達嘅禪宗哲學。有別於好多其他嘅精進餐廳,大德寺一久於午市同早場晚市都有營業。

    地點: 603-8215 日本京都市北區紫野大德寺前 20

    開放時間: 每日 12:00 至 18:00

    電話: +81 (0)75-493-0019

    地圖
    16

    下鴨 いち満壽司餐廳

    • 品嚐美食

    下鴨 いち満位於京都市北部,雖然位置偏遠,但就依然係市內最優秀嘅壽司餐廳之一,主打京都魚生同壽司,尤其以茶巾壽司最為馳名—呢啲壽司唔揀常規紫菜製作,而係以薄烤餅或者薄餅捲成,獨樹一幟。事實上,店內壽司屢獲殊榮,用於製作壽司嘅所有魚類同海鮮每日都由明石魚市場新鮮送到。下鴨 いち満以便當盒最抵食,但係如果想全方位品嚐店內壽司,可以選擇「おまかせ (廚師發辦)」餐單。呢間餐廳已經有 70 幾年歷史,距離大德寺只係 5 分鐘路程。

    地點: 606-0827 日本京都市左京區下鴨西半木町 93

    開放時間: 星期二至星期日 11:00 至 14:00 及 17:00 至 21:00

    電話: +81 (0)75 491 4993

    地圖
    17

    瓢亭

    • 品嚐美食

    瓢亭餐廳已經有 300 年歷史,好似凝止咗時光咁樣,帶你體驗正宗京都懷石料理嘅繁複細節。呢間餐廳本來係茶館,170 年前由簡樸嘅茶道裡面昇華而出,轉營菜式眾多嘅精緻餐膳,食物經過巧手炮製,精緻上碟,再由舉止優雅嘅和服女侍奉上,服務冇得彈,就算價格高昂,卻可以俾到你畢生難忘嘅用餐享受。瓢亭獲頒授米芝蓮三星級殊榮,需要提前訂位,而且設有穿著規定。

    地點: 606-8437 日本京都市左京區南禪寺草川町 35

    開放時間: 每日 11:00 至 21:00 (每月第 2 及第 4 個星期二休息)

    電話: +81 (0)75 771 4116

    地圖

    相片由 City Foodsters 提供 (CC BY 2.0) 經修改

    18

    山ばな 平八茶屋

    • 伴侶
    • 品嚐美食

    呢間旅館已經有 400 年歷史,以釜風呂粘土蒸汽浴而聞名—大多數顧客都會選擇一試呢種極致輕鬆嘅活動,然後先著上棉質和服,去餐廳用膳。平八茶館主打平安時代傳統美食,以冬季限定的鴨火鍋而聞名;夏季時份,這裡則轉售山藥麥飯 (麦とろ) 便當飯盒,食材包括山地薯仔沙律配小麥飯。而餐廳全年都有供應細節繁複、優質精緻的懷石料理晚餐。山ばな 平八茶屋距離修學院站只係 5 分鐘步程,位於京都市美術館附近。記住一定要提前訂枱!

    地點: 606-8005 日本京都市左京區山端川岸町 8-1

    開放時間: 每日 11:30 到 21:30

    電話: +81 (0)75-781-5008

    地圖
    19

    篩月

    • 拍照

    身處篩月,你可以沉醉於天龍寺周圍嘅寧靜環境入面,由經過特殊訓練嘅典座法師為你炮製正宗禪宗佛教餐膳。餐點由多道菜式組成,融合咗甜、酸、苦、鹹、清淡同溫熱 6 種基本口味,配搭細膩和諧。

    菜餚包括芝麻豆腐配醬油、新鮮蔬菜、味噌湯同白飯。餐廳提供 3 款套餐,價格亦有分別,但係全部都包埋花園入場費。用餐必須訂位。

    地點: 616-8385 日本京都市右京區嵯峨天龍寺芒ノ馬場町 68

    開放時間: 4 月至 10 月每日 08:30 至 17:30 營業。11 月至 3 月每日 08:30 至 17:00 營業。

    電話: +81 (0)75 882 9725

    地圖

    相片由 [cipher] 提供 (CC BY 2.0) 經修改

    20

    西山艸堂

    • 家庭
    • 品嚐美食

    西山艸堂素食餐廳以湯豆腐聞名,先用海帶湯煮熟豆腐,然後伴醬油和蔥碎享用。呢度使用嘅豆腐來自嵐山著名豆腐店「森嘉」,而呢間舖頭自 1860 年代以來一直專注製作豆腐,經驗豐富。置身西山艸堂,遊客可以盡享傳統用餐體驗,坐喺榻榻米上面,飽覽花園美景。餐廳位於天龍寺範圍內。

    地點: 616-8385 日本京都市右京區嵯峨天龍寺芒ノ馬場町 63

    開放時間: 星期四至星期二 11:30 至 16:30。夏季時份較遲營業 (星期三休息)。

    電話: +81 (0)75 882 9725

    地圖
    21

    嵯峨野

    • 拍照

    身處嵯峨野餐廳鬱鬱蔥蔥的竹林綠蔭下,你可以享用到傳統的日式豆腐和蔬菜。餐廳以肉湯煮豆腐聞名,而店內嘅油炸豆腐配黑芝麻同天婦羅亦都好好味,另外仲有多款時令菜餚,任君選擇。著住和服嘅女侍應會喺矮身餐枱、私人榻榻米房或者竹園之間,為你送上細緻周到嘅服務。由嵐山站行一陣,就會嚟到餐廳。

    地點: 616-8385 京都市右京區嵯峨天龍寺芒ノ馬場町 45

    開放時間: 每日 11:00 至 19:00

    電話: +81 (0)75-871-6946

    地圖
    22

    吉兆嵐山店

    • 家庭
    • 品嚐美食

    吉兆嵐山店係一間著名嘅餐廳,由第三代廚師德岡邦夫經營,並且獲得米芝蓮三星殊榮。呢間餐廳位於一棟百年歷史建築裡面,淨係設有 7 間私人用餐室,每間都向住美輪美奐嘅日式花園。吉兆嘅懷石料理被譽為「畢生難得」嘅體驗,廣受推崇—所以,用餐記得要訂位!

    地點: 616-8385 日本京都市右京區嵯峨天龍寺芒ノ馬場町 58

    開放時間: 11:30 至 15:00 及 16:30 至 22:00

    電話: +81 (0)75-881-1101

    地圖
    Stephan Audiger | 旅遊常客

    開始計劃行程

    Maps