京都 18 大最佳夜生活體驗

京都夜間好去處以及玩樂活動

    京都趣味紛呈,好玩活動晝夜無間,市內夜生活繁華璀璨。儘管這個城市嘅外表古老,但旅遊體驗卻不只限於歷史方面。想要狂歡一、兩晚的遊客,總會找到三數個夜生活熱點,必遊景點包括祗園區,Pontocho Alley 以及 Kiyamachi Street,要決定由邊度開始狂歡都係一大難題。

    周圍遍布酒吧、餐館以及俱樂部,係欣賞人生百態嘅好地方。溫馨提示:京都夜生活並不只會喺地面上演。事實上,有唔少玩樂場所都設於大廈較高樓層,因此請留意霓虹燈標誌,睇清楚各處嘅實際位置。

    1

    祇園角

    祇園角嘅導演同製作人員充分發揮日本各式古典藝術精萃,俾你一次過欣賞茶道、花道、木偶劇以至京舞等各種表演。呢個節目主打遊客市場,價錢有少少貴,卻係日本傳統表演藝術嘅代表作,分段表演歷時 50 分鐘,節目每日兩節,時間分別係 18:00 及 19:00。6 歲以下小童免費入場。

    地點: 605-0074 日本京都府京都市東山區祇園町南側 570-2

    開放時間: 4 月至 11 月期間每日表演時間為 18:00 及 19:00。12 月至 3 月期間只會於星期五至星期日及國定假日表演。

    電話: +81 (0)75-561-1119

    地圖
    • 家庭
    • 晚間娛樂

    相片由 sodai gomi 提供 (CC BY 2.0) 經修改

    2

    世界

    World 係京都規模最大嘅夜總會,齊集各個範疇嘅著名藝人,內容由 EDM、浩室音樂到 hip hop、R'n'B 同 Party 流行音樂都有,以前仲邀請過 Skrillex 同 2manydjs 等藝人登台演出!呢間 2 層樓高嘅夜總會設有寬敞嘅舞池,有好多款啤酒、雞尾酒任君選擇,仲有儲物櫃提供,俾你喺「夜蒲」狂舞嗰陣,保障個人物品安全無恙。要去 World 夜總會,可以乘搭地鐵到河原町站,行一陣到先斗町通娛樂大街,就會嚟到。

    地點: 600-8001 日本京都府京都市下京區真町 97

    開放時間: 每晚 21:00 到深夜

    電話: +81 (0)75 213 4119

    地圖
    • 晚間娛樂
    3

    南座劇場

    如果你對日本古典藝術好有興趣,就一定要去參觀南座劇場喇!呢度係日本最古老嘅歌舞伎劇場,歌舞伎表演全年無間。咁啱喺 12 月去京都?你仲可以去南座劇場欣賞一年一度嘅吉例顔見世興行節—到時,全國最優秀嘅歌舞伎演員都會露面,俾賓客一窺「蘆山真面目」。

    地點: 605-0075 日本京都東山區大和大路西入る四條通中之町 198

    開放時間: 票房每日 10:00 至 18:00 營業

    電話: +81 (0)75-561-1155

    地圖
    • 家庭
    • 晚間娛樂
    • 團體

    相片由 Zairon 提供 (CC BY-SA 4.0) 經修改

    4

    Metro 夜店

    Metro 係一間 dance club,店內舉辦嘅浩室音樂同鐵克諾音樂之夜冠絕京都!呢間不拘一格嘅夜店仲有多姿多彩嘅活動上演,例如小型音樂會、的士高同藝術展覽等—「拉丁之夜」每每吸引大批人群;而「Metro 非異性戀之夜」則是京都同性戀界的主要盛事。簡而言之,夜總會每晚都會訂出唔同嘅音樂主題,有創意達人慕名而至,聯誼氣氛好玩有趣。Metro 夜店喺京阪線嘅丸太町站附近,好容易搵到。

    地點: 606-8396 日本京都左京區川端丸太町下ル下堤町 82 惠美須ビル B1 樓

    電話: +81 (0)75 752 4765

    • 晚間娛樂

    相片由 Ippei Suzuki 提供 (CC BY 2.0) 經修改

    5

    京都音樂廳

    京都音樂廳是京都北部的現代主義傑作,建築風格令人驚嘆,由世界知名建築師磯崎新設計,仲會定期舉辦古典音樂同舞蹈表演,涵蓋歷史和現代主題。要去京都音樂廳,可以乘搭地鐵到北山站。有關節目詳情,請向京都綜合觀光案內所查詢。

    地點: 606-0823 日本京都左京區下鴨半木町 1-26

    電話: +81 (0)75-711-2980

    地圖
    • 晚間娛樂

    相片由 663highland 提供 (CC BY-SA 3.0) 經修改

    6

    Pig & Whistle 英式酒吧

    Pig & Whistle 係京都一家幾受歡迎嘅正宗英式酒吧,極受外籍人士、遊客以至精通英文嘅日本人推崇,氣氛溫馨友善,每個週末都有現場音樂表演,每個月仲會請嚟各類藝人登台,節目內容包括爵士樂到 Country 音樂等等。酒吧歡樂時光從 17:00 到 19:00。Pig & Whistle 會供應酒吧常備食品,諸如水牛城雞翼、漢堡包、Pizza、肉餡餅以及炸魚薯條,而且店內生啤種類至少達到 10 款,職員都識講英文。

    地點: 605-0009 日本京都府京都市東山區三条通 115 尚美大廈 2 樓

    開放時間: 每日 17:00 至 01:00週末營業至 02:00

    地圖
    • 品嚐美食
    • 晚間娛樂
    7

    京都觀世會館能劇場

    呢度為你送上喺京都市內浸淫日本傳統文化嘅好機會—觀世會館能劇場舞台定期演出傳統劇,而能劇是一種音樂舞台劇,歷史可以追溯到 14 世紀,藝人蒙面表演,場面奇妙壯觀,即使你唔係咁了解劇情,都會覺得嘆為觀止。劇院有時會有免費節目,其他時間嘅門票索價可以高達 8,000 円!

    地點: 606-8344 日本京都市左京區岡崎円勝寺町 44

    電話: +81 (0) 75-771-6114

    地圖
    • 家庭
    • 晚間娛樂
    8

    Le Club Jazz

    Le Club Jazz 現場音樂夜店極受歡迎,每個星期二晚都有藍調、爵士同騷靈樂隊演出,仲請到來自日本以至海外嘅藝人做嘉賓。由星期四到星期一,呢間 Club 會舉辦現場「Jam 歌」音樂會,吸引音樂人聚首一堂,即興合奏。入場費包括兩杯飲品。

    地點: 604-8082 日本京都市中京區三條御幸町角三条ありもと 2 樓

    開放時間: 星期二至星期日 19:00 至 01:00 (星期一休息)

    電話: +81 (0)75-211-5800

    地圖
    • 晚間娛樂
    9

    拾得音樂廳

    拾得音樂廳坐落於古老的清酒倉庫裡,氣氛良好,會舉辦各種音樂表演,吸引年輕潮人慕名而來,而你就可以喺輕鬆氛圍下,欣賞嶄露頭角嘅音樂新星落力演出。現場表演嘅入場費大約 1,000 円,但喺「アコースティック飛入 Live day」人人開咪夜就可以免費入場。拾得音樂廳位於主要旅遊中心北面嘅二条城附近。

    地點: 602-8125 日本京都市上京區下立売下る菱屋町大宮通 815

    開放時間: 每日 17:30 至 00:00

    電話: +81 (0)75 841 1691

    地圖
    • 晚間娛樂
    10

    京都電影院

    京都電影院位於市中心地帶,嶄新落成,放映國內同國際電影、最新上畫大片、同埋趣味盎然嘅藝術電影。院內只有 3 個銀幕,上映嘅電影都經過精心挑選,你可能仲會搵到日本動漫同記錄片,以至日本同國外獨立製作電影。

    地點: 京都下京區水銀屋町 620 烏丸通四條下ル Cocon Karasuma 3 樓

    開放時間: 放映時間視乎情況而定,通常係 10:00 至 21:00

    電話: +81 (0)75-353-4723

    地圖
    • 伴侶
    • 家庭
    • 晚間娛樂

    相片由 Yasu 提供 (CC BY-SA 3.0) 經修改

    11

    Blue Note 藍調俱樂部

    Blue Note 係京都最古老嘅現場 Music Club 之一,以優質藍調同爵士樂現場表演而聞名,客路廣泛,人頭湧湧,各個年齡層嘅粉絲包括銀髮族、白領同大學生。呢間酒吧環境舒適,絕對係品酒暢談嘅好地方,配上美妙音樂,你絕對可以度過美好一晚。現場音樂會通常喺星期五、六、日舉行,不過閒日亦會有啲表演。

    地點: 604-8021 日本京都府京都市中京區北車屋町 266-1

    開放時間: 每天 19:00 至 02:00

    地圖
    • 伴侶
    • 晚間娛樂
    12

    Gnome 愛爾蘭酒吧

    Gnome 係一間愛爾蘭酒吧,供應好多傳統愛爾蘭美食,包括椰菜薯茸 (Colcannon) 同新鮮出爐嘅梳打麵包,還有健力士和 Kilkenny 桶裝啤酒,價格合理,而廚房淨係用有機蔬菜入饌,份外健康!Gnome 嘅定期現場音樂表演同每日 17:00 到 20:00 嘅 Happy Hour 大受歡迎。酒吧老闆才華橫溢,更加喺樓上開設咗工藝品商店,記住要去行下!Gnome 位於 SSS 大樓的地下室,靠近京都御所。

    地點: 604-0924 日本京都中京區 SSS 大樓 B1 樓

    開放時間: 每日 17:00 至 01:00 (週末稍遲關店)

    地圖
    • 品嚐美食
    • 晚間娛樂
    13

    Live Spot Rag 酒吧

    Live Spot Rag 是京都最有趣的夜生活熱點之一,你可以欣賞到搖滾樂、爵士樂以至原聲民謠等現場音樂。細枱仔散落喺酒吧各處,而吧檯旁邊亦都有唔少企位,可以清楚望到舞台。酒吧廚房有供應日式、泛亞和西餐等各種菜餚,焦點美食包括煙燻三文魚 Pizza、馬拉咖哩雞、中式春捲、海鮮配海藻沙律同豆腐沙律,聽見都流口水!

    地點: 京都市文京區木屋町三条上ル 京都 The Empire 大廈 5 樓

    開放時間: 每日 18:00 至 02:00 (週末稍遲關店)

    電話: +81 (0)75-241-0446

    地圖
    • 晚間娛樂
    14

    Café Rumbita

    京都市嘅 Salsa 同拉丁舞擁躉人數之多,肯定會嚇你一跳!Café Rumbita 是市內最受歡迎的拉丁音樂熱點之一,每晚 21:00 就有 Salsa 課程開班,由初級到高級程度都一應俱全。落堂之後,大家都會參加 Party 舞會。Café Rumbita 供應墨西哥同古巴菜餚,仲設有貨存充足嘅酒吧,並且坐落喺先斗町通熱門夜生活街區,鄰近三条地鐵站,好容易搵到。

    地點: 604-8032 日本京都市中京區河原町通三条下る山崎町 2-258-19

    開放時間: 每天 21:00 至 02:00星期六營業至 05:00

    地圖
    • 晚間娛樂
    15

    Back Gammon 酒吧

    Back Gammon 是一間清吧,在深夜極受歡迎,吸引從夜店離開而意猶未盡的一眾「夜蒲客」。酒吧環境舒適,燈光幽暗;如果你爬到上樓梯,仲可以坐喺「烏鴉巢」裡面,享用由特製升降機送上嚟嘅飲品。Back Gammon 位於木屋町通,周圍都是酒吧和餐廳。只要乘搭地鐵到三条站,行過天橋就會嚟到。

    地點: 604-8005 日本京都市中京區木屋町通三条上る恵比須町 446 葵大樓 2 樓

    開放時間: 每日 20:00 至 05:00

    電話: +81 (0)75 223 0416

    • 晚間娛樂
    16

    Zac Baran

    Zac Baran 以優質嘅爵士音樂、不定時嘅現場表演、氣氛親切嘅燈光同現代風格,吸引年輕時尚達人湧至。呢間時尚夜店同時亦都係餐廳,最啱你同朋友共進晚餐、狂歡熱舞;而店內的飲品餐單非常全面,供應各款葡萄酒、雞尾酒、當地啤酒和進口啤酒。Zac Baran 位於京都東部,靠近平安神宮,乘搭地鐵到神宮丸太町站就可以到達。

    地點: 606-8392 日本京都市左京區聖護院山王町 18

    開放時間: 每天 18:00 至 02:00

    電話: +81 (0)75-751-9748

    地圖
    • 晚間娛樂
    • 團體
    17

    Man in the Moon 愛爾蘭酒吧

    Man in the Moon 愛爾蘭酒吧靠近城市南部的京都站,係 Pig & Whistle 嘅姊妹酒吧,內裡嘅美食、多款啤酒、國際化熱情氣氛都同 Pig & Whistle 相近。店內備有 7 款生啤和 60 款單一麥芽威士忌;而如果你鍾意睇體育比賽,仲可以喺 3 部大螢幕電視上直擊賽事實況添!酒吧主打英式餐單,職員識講英文,正正係遊客消除旅遊疲勞嘅熱門場所。Man in the Moon 嘅 Happy Hour 早喺 11:00 就開始,直到 17:00。只要向京都車站八条口出口西側行,就可以直達酒吧。

    地點: 600-8215 日本京都市南區東塩小路釜殿町 31-1

    開放時間: 每日 11:00 至 02:00。星期五和星期六營業至 04:00

    電話: +81 (0)75-672-2522

    地圖
    • 晚間娛樂
    • 團體
    18

    磔磔現瑒音樂吧

    自 1974 年以來,磔磔音樂吧一直主辦日本規模數一數二嘅搖滾樂同藍調樂隊表演,偶然仲會請到國際巨星演出。呢間音樂吧雄據成座龐大嘅木製倉庫,有足夠空間容納週末湧至嘅京都本地人。磔磔現瑒音樂吧通常都會收取入場費—不過,如果你想親身觀賞日本著名演奏家奏出嘅高質現場音樂,呢度就係不二選擇!呢處現場音樂表演場所有啲難搵,但係只要搵到一塊寫住黑色漢字「磔磔」嘅木牌,你就嚟到目的地喇!

    地點: 600-8061 日本京都市下京區筋屋町 139-4

    開放時間: 星期二至星期日 (星期一休息)

    電話: +81 (0)75 351 1321

    地圖
    • 家庭
    • 團體
    Stephan Audiger | 旅遊常客

    開始計劃行程

    Maps