屋企人真心想要的 7 大日本手信

日本購物指南

    喜歡 shopping 買野嘅人,都會喜歡去日本旅行,這裡有許多獨一無二、超乎尋常、怪異到極致的商品可供選擇,在本土商店內一定看不到!潮流教主可以去銀座和周邊嘅時裝店,搜羅最潮時裝品牌。budget 有限咁點算?100 円店就啱哂你喇,幾十蚊就可以買到一大堆紀念品了,真係超抵無得彈!

    其實日本仲有好多其他地方搵唔到嘅新奇有趣產品,無論係最新電子產品,抑或日本人摰愛嘅 cutie 毛毛公仔,絕對令人愛不惜手。打算去日本 shopping 嘅朋友,可以參考下我地挑選嘅部分心水手信。

    1

    日式扇子

    日式扇子美麗精緻,亦具有實用價值,因而聞名於世。京都乃扇子的發源地,當地巧製的折扇品質優越,功能與品味並重,可謂手信首選—如果你想減省行李重量,扇子正是必買名物!扇子種類繁多,專為不同用途、不同場合而設,請務必向店主了解更多詳情;多款扇子亦連同禮儀用扇架一同發售,全套買回家,裝飾廳房效果一流!


    • 購物
    2

    日本書法

    日本書法又名「書道」,幾個世紀以來由貴族、法師和武士發揚光大,如今廣納為多間學校的必修課程。無論你正在物色獨一無二的婚禮、週年紀念或新居入伙禮品,還是想為家居及辦公室添上藝術風情,日本書法都非常適合,其設計款式成千上萬,亦可讓你度身訂製。書道作品並不便宜,卻是令家居洋溢簡潔和風的不二之選! 書法套裝是另一人氣名物,精美包裝中備齊毛筆、墨水、硯台、水壺和精選和紙,用品一應俱全;而工藝品店、百貨公司、市集以至專門店都有出售各式和紙同書法用具。

    • 購物
    3

    化妝品

    日本嘅化妝品同埋美容產品幾乎可以喺日本嘅任何地方搵到,由時髦嘅購物商場同埋獨立商店,到藥店甚至自動售貨機。

    你可以用更平嘅價錢買眾所周知嘅品牌,例如 SK-II,CANMAKE,Kose 同埋 Shiseido,以及其他國家/地區未有售賣嘅化妝品。日本國內最受歡迎嘅化妝品同埋美容產品專門店包括 Cosme Kitchen、松本清同埋 Ainz&Tulpe,點可以唔嚟行吓?

    • 購物
    • 豪華住宿
    4

    電子產品

    時至現今,買電子產品已經成為人所共知嘅「遊日必備行程」,而秋葉原無疑係東京嘅「電器城」,齊集同科技相關嘅各式產物。縱然電子產品店遍及日本各地,卻仍以秋葉原的貨色最集中,逛一整天都不嫌悶,最新產品任你選購,惟價格未必為全城至抵。話雖如此,如果你熱愛新出手機、電腦、音響系統、加熱座廁,以至前所未聞的小玩意兒,那麼日本正是你必到之處,尤以秋葉原更是不容錯過;如果你喺關西嘅話,仲可以去大阪電電城,獲享同類體驗。

    • 購物
    5

    玩具

    玩具喺日本係一項大生意。你好少會喺其他地方睇到咁多嘢,甚至想像唔到咁樣都可以存在。普通嘅玩具店值得一遊,而通常呢啲店係多層次嘅,仲包含各種各樣嘅精美小工具同埋適合所有年齡層嘅有趣物品。

    講到貓,唔淨止得 Hello Kitty,其實仲有眾多以貓科動物為主題嘅玩具種類,但係,如何用假嗎啡注射嘅 Hello Kitty 醫生套件呢?適唔適合你?放眼四周,還有哥斯拉、阿童木等傳統經典,以及變形金剛等動感玩具,永不過時;而來自《龍珠 Z》、《高達》同埋《寵物小精靈》等卡通系列嘅漫畫同埋動漫公仔,亦一直大受歡迎。

    • 家庭
    • 購物
    6

    陶瓷

    幾個世紀以嚟,陶瓷一直係日本文化與生活嘅一部分,其起源於新石器時代,悠久歷史冠絕其他各種藝術形式。時至今天,日本陶瓷晉身世界上最為人追捧的藝術品之列,尤以京都出品份外華麗。陶瓷豐儉由人,風格多樣,絕對是熱門手信禮品—當中,茶碗既是傳統茶道用品,亦是最受歡迎的紀念品之選,款式多得令人難以置信;其他人氣商品包括陶瓷清酒瓶、精美餐具、釉面花瓶同埋裝飾品。

    • 購物
    7

    清酒

    清酒由發酵米飯混合清泉水釀製而成,現於各間餐館都有供應,既適合特別場合祝酒,亦係送俾朋友同埋同事嘅最佳贈禮。許多人都誤將清酒與葡萄酒相提並論;事實上,釀造清酒的米飯屬穀物,所以清酒在本質上與啤酒更近似,只是並無氣泡,故口味才會與葡萄酒相近。無論如何,清酒口感溫和自然,配以美食絕對一流。

    除咗個別稀有品種之外,清酒唔會隨時日而變得陳厚,所以要喺購買後 6 個月之內飲完。清酒一般分為 5 個基本品類,價格可存在天淵之別;各類清酒嘅釀造方法同埋磨米比例都有唔同。

    • 購物
    • 品嚐美食
    Stephan Audiger | 旅遊常客

    開始計劃行程

    Maps