羅馬最佳購物區

羅馬購物熱點

    羅馬唔係淨得古代古蹟睇嘅!市內舊城區係戶外市場同手工皮製品店嘅集散地;普拉蒂 (Prati) 住宅區竟然「名牌如芸」;而科爾索大道 (Via del Corso) 同西班牙階梯 (Spanish Steps) 中間嗰幾條街,就係意大利奢侈品牌基地喇!

    1

    羅馬舊城中心

    身處羅馬舊城中心,你可以寫意遊覽蜿蜒曲折嘅街道,行勻一間接一間商舖!嚟到科羅納里大街 (Via dei Coronari),羅馬風嘅手工藝品、古董同翻新傢俱琳瑯滿目;戈韋諾維奇歐大街 (Via del Governo Vecchio) 嘅精品店主打型格古著、特色茶飲同手工珠寶;而擁有幾百年歷史嘅鮮花廣場 (Campo de' Fiori) 就專賣新鮮農產品,任你體驗當地人嘅生活日常—其中,Forno 麵包店散發陣陣誘人香氣,絕對會令你忍唔住停低腳步,一試新鮮出爐嘅 Pizza!

    • 購物
    • 歷史文化`
    • 拍照
    2

    西班牙階梯至豪 Shopping 體驗

    科爾索大道 (Via del Corso) 由威尼斯廣場 (Piazza Venezia) 一路延伸至人民廣場 (Piazza del Popolo),雲集 H&MGapSwarovski 等知名連鎖品牌門店;而喺科爾索大道同西班牙廣場 (Piazza di Spagna) 之間,仲有唔少型格街巷,開滿設計師名店、高檔時裝店同餐廳。西班牙階梯 (Spanish Steps) 最底層嘅康多提大街 (Via Condotti) 可謂奢侈品朝聖地;波爾哥尼奧納大街 (Via Borgognona) 就透現優雅高貴氣息,街上深受法國人推崇嘅 LaduréeFratelli Rossetti 豪華鞋店都吸引唔少遊人駐足參觀架!

    地點: Piazza di Spagna, 00187 Roma RM, Italy

    • 購物
    • 豪華住宿
    3

    普拉蒂主要購物街

    科拉迪里恩佐大街 (Via Cola di Rienzo) 係普拉蒂 (Prati) 嘅「血拚」殿堂,更加係 ZaraUnited Colors of BenettonGeox 等多個知名品牌嘅發源地。行到餓餓哋?Castroni 主打自家製特色意大利 espresso,仲配備木砌吧枱,為顧客奉上世界各地嘅美食、飲品同調味料。飲飽食醉,繼續 Shopping—羅馬最大型、經營歷史最悠久嘅 Trionfale 市場攤檔林立,有販賣新鮮農產品、進口商品等,貨色豐富!

    • 購物
    4

    波特賽門跳蚤市場

    每逢星期日,波特賽門 (Porta Portese) 嘅街道都會結集成羅馬最大型嘅戶外市場,有古著新衫、亞麻布料、家居用品等各款商品,任你親身發掘!如果你鍾情古董,仲可以喺特拉斯提弗列 (Trastevere) 入口附近行下,話唔定會物色到水晶吊燈、木椅同裱框畫等心頭好。波特賽門跳蚤市場人氣爆燈,有興趣「搜掠」一番嘅話,不妨早啲嚟到。溫馨提示:市場地方,難免混雜不法之徒,要小心睇實個人財物啊!

    地點: Piazza di Porta Portese, 00153 Roma RM, Italy

    開放時間: 星期日 07:00 至 14:30

    • 伴侶
    • 家庭
    • 購物
    • 經濟實惠

    相片由 RonAlmog 提供 (CC BY 2.0) 經修改

    5

    羅馬 Shopping 重點話你知

    想選購價廉物美嘅心頭好?羅馬每年兩度舉行嘅購物節一定會令你熱血沸騰!第一波購物節由 1 月上旬延續至 2 月下旬;而第二浪就喺 7 月至 8 月中旬上演。屆時,各大店舖都會促銷劈價,奢侈鞋類、衫褲同家居用品折扣驚人;而科拉迪里恩佐大街 (Via Cola di Rienzo) 同科爾索大道 (Via del Corso) 都係購物節嘅熱門「血拚」戰場!一般嚟講,商店日常營業時間為 13:00 至 17:00,但係主要旅遊區有唔少店舖都會開足 24 個鐘,全日無休。

    • 購物

    開始計劃行程

    Maps