羅馬到處都係歷史建築瑰寶,好玩活動不勝枚舉!縱觀全球,都冇乜邊個城市可以好似羅馬咁成功,圍繞古代遺址同醉人宮殿而建。無論你身處咩位置,市內嘅悠久歷史都活現眼前,一日又點睇得晒?唔緊要—我哋為你精選咗羅馬一啲頂級景點,

    不妨先喺納沃納廣場 (Piazza Navona) 感受呢座歷史名城燦爛喧囂嘅生活,然後沿住連接市集同古老地標嘅鵝卵石街道漫步;途中千祈唔好錯過古老角斗競技場—羅馬鬥獸場 (Colosseum) 喎!另一方面,不妨順道去埋台伯河 (Tiber) 對岸,欣賞梵蒂岡嘅建築奇觀,計有聖彼得大教堂 (St. Peter's Basilica) 同西斯汀教堂 (Sistine Chapel),而後者正正就係米高安哲羅 (Michelangelo) 著名濕壁畫傑作所在之處。

    羅馬最好玩嘅活動係乜嘢?

    1

    喺納沃納廣場展開一日行程

    由羅馬最靚嘅廣場起步,探索羅馬

    • 伴侶
    • 家庭
    • 歷史文化`

    納沃納廣場 (Piazza Navona) 係羅馬市中心最迷人嘅廣場,採用咗宏偉嘅巴洛克風格而建,日夜都有街頭藝人表演同攤販擺檔,氣氛相當熱鬧。其中,四河噴泉 (Fontana dei Quattro Fiumi) 係納沃納廣場上嘅矚目地標之一,由吉安·洛倫佐·貝尼尼 (Gian Lorenzo Bernini) 喺 1651 年雕刻而成;而廣場亦背靠聖阿涅塞教堂 (Chiesa di Sant'Agnese in Agone),構成與別不同嘅如畫景致。

    雖然呢度嘅餐點偏貴,但係食客可以置身地標靚景之中,亦不失為難忘嘅用餐體驗吖!由萬神殿 (Pantheon) 向西行大約 200 米,就會嚟到納沃納廣場。如果你想喺位置優越嘅酒店落腳,不妨預訂納沃納廣場附近住宿

    地點: Piazza Navona, Rome, Italy

    開放時間: 24 小時

    地圖
    2

    探索特雷維噴泉附近街道

    奎里納萊區嘅心臟地帶,坐擁數之不盡嘅繽紛地標

    • 伴侶
    • 家庭
    • 歷史文化`

    特雷維噴泉 (Trevi Fountain) 嘅闊度大約有 50 米,可謂世界上最華麗嘅噴泉之一,糅合好多座羅馬眾神、人魚海神同馬匹嘅雕像,設計極為壯觀。唔少人都會向許願池掟銀仔祈求好運,又或者同後面豪華嘅波利宮 (Palazzo Poli) 自拍一番。不過,嚟呢度朝聖之前,都仲可以漫步周圍嘅狹窄街道,探索羅馬數一數二嘅古樸街巷;

    其中有啲街道仲遍佈唔少出色食肆同 Gelato 雪糕店添!沿住 Via di San Vincenzo 同 Via della Dataria 大街向前行,就會到達奎里納爾宮 (Quirinal Palace) 同奎里納萊廣場 (Piazza del Quirinale),而後者擺放咗方尖碑同埋「卡斯托耳與波魯克斯 (Castor and Pollux)」噴泉,都好值得一遊架!

    地點: Piazza di Trevi, Rome, Italy

    地圖
    3

    喺鮮花廣場盡情購物

    充滿活力嘅羅馬市集

    • 家庭
    • 歷史文化`

    鮮花廣場 (Campo de' Fiori Market) 喺羅馬 (Rome) 名氣極大,由納沃納廣場 (Piazza Novana) 沿住 Via de'Baullari 大街行 5 分鐘就到。街道周圍非常熱鬧,開滿各式各樣嘅商舖、Cafe 同麵包店;行入廣場,你就會被無數新古典主義建築物所環繞,

    場內度度都有賣家搭起帳篷,而正中間就擺放咗意大利哲學家 Giordano Bruno 嘅雕像。呢度賣嘅手信固然種類繁多,價格吸引,但其實大部分檔主都主打新鮮農產品;水果檔仲會賣啲即切生果添,絕對係最經典嘅觀光小食!

    地點: Piazza Campo de' Fiori, Rome, Italy

    開放時間: 星期一至六 07:00 至 14:00

    地圖

    相片由 Myrabella 提供 (CC BY-SA 3.0) 經修改

    4

    必睇景點:萬神殿

    爬上柱廊,一覽城市至靚風光

    • 伴侶
    • 家庭
    • 歷史文化`

    萬神殿 (The Pantheon) 係古羅馬 (Ancient Rome) 最出名嘅地標之一,至今仍然發揮住教堂嘅功能,外型似圓頂寺廟,以花崗岩建成,坐擁意大利最重要偉人嘅墳墓,當中包括文藝復興時期嘅畫家拉斐爾 (Raphael)。羅通達廣場 (Piazza della Rotonda) 正面有一座高達六米嘅方尖碑;爬到碑頂,萬神殿噴泉 (Fontana del Pantheon) 旋即一眼睇哂!

    廣場仲定期有街頭音樂表演,啱哂散步閒逛,不過就記得要小心扒手。由鮮花廣場 (Campo de'Fiori) 經由 Corso Vittorio Emanuele II 行大約 10 分鐘,就嚟到萬神殿架喇!

    地點: Piazza della Rotonda, Rome, Italy

    開放時間: 每日 09:00 至 18:00

    電話: +39 06 6830 0230

    地圖
    5

    品嚐羅馬手工製 Gelato 雪糕

    清新甜美,消暑佳品!

    • 品嚐美食

    仲未試過手工製 Gelato 雪糕,又點可以離開羅馬 (Rome)?羅馬嘅 Gelato 雪糕界競爭激烈,所以雪糕店紛紛推陳出新,創新口味同配方層出不窮。炎炎夏日,Gelato 人氣爆燈,有啲款式會混合蜂蜜、異國熱帶水果、玫瑰花瓣,甚至意大利葡萄酒,創意爆棚!

    行勻羅馬市內每個角落、以至特雷維噴泉 (Trevi Fountain) 等知名地標,周圍都會搵到賣 Gelato 雪糕嘅地方,其中名氣最大嘅雪糕店包括 Il Dolce Sorriso、Fatamorgana、dell'Angeletto、San Lorenzo 同 Grom,分店遍佈全市。

    地點: Via Torcegno, 41, Rome, Italy

    開放時間: Il Dolce Sorriso 營業時間係每日 07:00 至 22:30

    電話: +39 03 2803 09229

    6

    必睇景點:古羅馬廣場同羅馬鬥獸場

    漫步古羅馬嘅宏偉遺跡之間

    • 家庭
    • 歷史文化`

    一場嚟到羅馬 (Roman),參觀市內地標、感受古蹟壯觀之勢,絕對係「指定動作」啦!羅馬廣場 (Roman Forum) 佔地 10 英畝,坐擁巨型柱廊林立嘅大教堂、優美嘅雕塑花園,同埋令人印象深刻嘅農神廟 (Temple of Saturn);而羅馬鬥獸場 (The Colosseum) 距離呢度大約係 10 分鐘嘅步程,用攝位車 (Segway) 觀光都係唔錯嘅選擇。

    你可以喺羅馬鬥獸場參加導賞團,由導遊帶你行入廣闊無邊嘅競技場,探索將道具同野獸運到致命戰場嘅活板門同通道。只要喺帕拉蒂尼山 (Palatine Hill) 買一張聯合套票 (大約 EUR12),就可以直接入場參觀羅馬廣場同羅馬鬥獸場喇,唔使大排長龍!如果你嘅主要目標係體驗羅馬嘅獨特城市氣氛,建議你揀返間羅馬廣場附近嘅酒店落腳。

    地點: Via della Salara Vecchia, Rome, Italy

    開放時間: 每日 09:00 至 19:00

    地圖
    7

    大嘆羅馬 Pizza

    羅馬嘅滋味名物

    • 伴侶
    • 家庭
    • 品嚐美食

    羅馬 (Rome) 嘅 Pizza 種類繁多,每間 Pizza 店嘅麵團配方都有啲唔同,唯一不變嘅特點,就係喺麵團度加入橄欖油,令佢變得更香脆,同時風味十足!

    想一試「羅馬風」Pizza,去 Campo de'Fiori 係唔錯嘅選擇,而大家一般都會叫呢間 Pizza 店做 Forno Campo de'Fiori 或者 Antico Forno Roscioli。講到羅馬嘅餐飲同夜生活熱點,梗係要數泰斯塔西奧 (Testaccio) 啦!嗰度有唔少高檔 Pizza「老字號」,而主打炭火製作餐點嘅 Da Remo 就係例子之一。

    地點: Rome, Italy

    相片由 Nala 提供 (CC BY-SA 2.0) 經修改

    8

    必睇景點:梵蒂岡博物館同聖彼得大教堂

    欣賞文藝復興時期嘅傑作,接受教宗嘅祝福

    • 家庭
    • 歷史文化`

    梵蒂岡博物館 (Vatican Museums) 設有 50 幾個畫廊,珍藏咗達文西 (Da Vinci)、拉斐爾 (Raphael)、貝里尼 (Bellini),提齊安諾維伽略 (Titian) 同卡拉瓦喬 (Caravaggio) 等藝術家嘅曠世傑作。行完博物館,不妨沿住皮奧克萊門蒂諾博物館 (Pio Clementino Museum) 內鼎鼎大名嘅 Bramante'double helix' 樓梯漫步,感受吓箇中嘅震憾氣勢。

    每個月最後一個星期日,西斯廷教堂 (Sistine Chapel) 等等好多景點通常都會免費開放,而米開蘭基羅 (Michelangelo) 喺 16 世紀繪畫嘅天花板壁畫代表作就係喺呢度,當中嘅《創造亞當 (The Creation of Adam)》梗係不容錯過啦!另一方面,聖彼得大教堂 (Basilica di San Pietro) 喺正隔離,佢嘅圓頂碩大魁宏,高聳入雲嘅柱身上刻咗耶穌同 12 門徒嘅雕像;遇啱星期三,你仲可以喺教宗公開接見信眾嗰陣,親耳聽到佢嘅祝福添 (呢項活動需要門票,但費用全免)!

    地點: Citta del Vaticano 1, Vatican City, Rome, Italy

    開放時間: 周一至周四10:00至20:00(最终入场18:00),周五和周六10:00至22:00(最终入场20:00)。 圣彼得大教堂:4月至9月,每天从07:00至19:00。十月至三月,每天从07:00至18:00。

    電話: +39 06 6988 4676

    地圖
    9

    化身角鬥士,激戰一小時

    喺羅馬嘅角鬥士學校接受訓練

    • 歷史文化`

    羅馬角鬥士學校 (The Gladiator School of Rome) 獨樹一幟,喺正羅馬鬥獸場 (Colosseum) 附近,可以俾你報名參加歷時兩個鐘嘅「角鬥士訓練營」,以學生身分「回到過去」,學習古老劍術。你仲會著埋腰帶、束腰外衣、劍等嘅傳統服飾,體驗古羅馬時代嘅生活風情添,

    不失為了解古代羅馬歷史嘅好玩活動。而且,大人細路都無任歡迎架!學校亦會安排格鬥表演,由辦學機構羅馬歷史小組 (Roman History Group) 嘅成員向大家示範招式。

    地點: Via Appia Antica, 18, Rome, Italy

    開放時間: 每日 09:30 至 19:00

    電話: +39 06 5160 7951

    地圖

    相片由 Viator 提供 (CC BY-SA 2.0) 經修改

    10

    喺 Les Etoiles 頂樓酒吧嘆杯雞尾酒

    喺羅馬頂樓酒吧一邊睇靚景,一邊淺酌苦艾開胃酒

    • 伴侶
    • 家庭
    • 品嚐美食

    Les Etoiles 位於亞特蘭特星級酒店 (Atlante Star Hotel) 裡面,係一間極盡雅緻嘅頂樓花園露台兼酒廊,距離聖彼得廣場 (St. Peter's Square) 大約 7 分鐘步程。你可以攤喺店內嘅梳化度,嘆杯苦艾開胃酒 (Aperitivo) 或者 Cocktail,全方位欣賞羅馬 (Rome) 遼闊市貌,搵吓聖彼得大教堂 (St. Peter’s Basilica) 嘅巨型圓頂,將隱約可見嘅絢麗花田盡收眼底。想順道食餐飯?不妨喺樓下嘅餐廳試吓三道菜晚餐,配埋葡萄酒都只需 EUR70 咋!

    地點: Via Giovanni Vitelleschi, 34, Rome, Italy

    開放時間: 每日 16:00 至 23:00

    電話: +39 06 687 3233

    地圖
    11

    最後一站:泰斯塔西奧

    全羅馬最出色嘅餐飲同夜生活旺區

    • 伴侶
    • 家庭
    • 品嚐美食

    泰斯塔西奧 (Testaccio) 喺意大利全國新鮮農產品貿易領域上,擁有豐富歷史,區內飲食文化出色,坐擁唔少「住家菜」美食,仲係傳統內臟菜餚嘅發源地添!嚟到 Checchino dal 1887,你就可以試勻哂泰斯塔西奧 19 世紀嘅美酒佳餚。

    另一方面,呢區嘅 Party 氣氛相當濃厚,現場音樂表演精彩,舞池成日爆滿,有機會不妨玩盡一間又一間 Disco—其中,Radio Londra 嘅駐場 DJ 會全晚為你熱播勁歌架!大部分舖頭都設有約 EUR10 嘅最低消費。

    地點: Testaccio, Rome, Italy

    地圖
    Ari Gunadi | 旅遊常客

    開始計劃行程

    Maps