希臘最出名嘅地方,就係當地迷人嘅古老文化,由民主嘅雅典人以至好戰嘅斯巴達人,都好有個性!呢個文明發源地嘅遺址最引人入勝,羅得島 (Rhodes)、克諾索斯 (Knossos)、塞薩洛尼基 (Thessaloniki) 同雅典衛城 (Acropolis in Athens) 等古蹟通通都係必遊景點。希臘滿載自然風光,國內多個島嶼同樣值得一遊,必睇靚景包括聖托里尼島 (Santorini) 嘅日落、扎金索斯島 (Zakynthos) 嘅沉船灣 (Shipwreck Beach),仲有卡蘭巴卡 (Kalambaka) 附近嘅邁泰奧拉 (Meteora)。

    不過,千祈唔好以為希臘淨係一個巨型博物館喎!事實上,其他熱門名勝仲有閒適恬靜嘅科孚島 (Corfu)、Party 天堂米克諾斯島 (Mykonos) 同伊奧斯島 (Ios)、遠離塵囂嘅帕克西島 (Paxos)、最啱一家大細嘅納克索斯島 (Naxos)、斯基亞索斯島 (Skiathos),應有盡有。希臘坐擁超過 200 個有人居住嘅島嶼 (當然仲有希臘大陸啦),旅遊名勝花多眼亂,就由我哋幫你縮窄範圍,物色最合你心水嘅目的地啦!

    希臘熱門目的地

    你接著會去哪兒?
    • 雅典

      雅典被譽為文明嘅發源地,悠久歷史可以追溯到新石器時代!無論係懷舊定係現代風情,雅典嘅景點同活動都數之不盡。如果你想善用每分每刻,行勻哂普拉卡 (Plaka)、迪西奧 (Thissio) 同蒙納斯提拉奇 (Monastiraki) 呢啲必遊街區,就一定要預先 Plan 定行程喇!漫步於呢個廣闊嘅大都市裡面,你會見到眾多古蹟、博物館、小酒館 (taverna) 同酒吧 (ouzeria),散發出大蒜同牛至嘅陣陣香氣。而別緻嘅精品店同市集攤檔並排列陣,當地商販大聲叫賣,力 Sell 形形色色嘅小擺設,好值得你帶備「銀彈」同好奇心、著對舒服好行嘅鞋,慢慢探索。

      閱讀
    • 聖托里尼

    • 米科諾斯

    開始計劃行程

    歐洲其他熱門去處

    繼續探索