米科諾斯
出發前須知
迷人海灘、古老城鎮同深藍大海，交織出希臘嘅米科諾斯島 (Mykonos)，吸引嚟自五湖四海嘅遊客湧到。你可以去首府荷拉 (Hora) 參觀城堡地標，喺海濱 Cafe 坐吓抖吓，亦都可以跟住重低音節拍，嚟到南部海岸嘅 Party 海灘，尤其係天堂海灘 (Paradise Beach) 人氣最旺！如果你想郁動吓，不妨去滑浪或者揸帆船，玩足一個下晝。
島上到處都有歷史遺跡，而遊客所需嘅現代設施亦都應有盡有。想感受懷舊氣氛？咁就要去米科諾斯島海岸附近嘅其他島嶼喇！據講：列為聯合國教科文組織世界文化遺產嘅提洛島 (Delos Island) 正正係阿波羅 (Apollo) 嘅出生地，島上遍佈古代遺跡，引人入勝。
米科諾斯玩樂推介
精選指南及趣聞米科諾斯島 10 大休閒活動
米科諾斯島 (Mykonos) 因為海灘酒吧同夏日 Party 氣氛而越嚟越受歡迎；另一方面，島上數之不盡嘅純白教堂、商舖同博物館都吸引咗歷史發燒友同追求靈修嘅旅客慕名而嚟。環顧米科諾斯島，好多建築物早於 16 世紀就落成：當時，呢度嘅山頂磨穀風車獨一無二，仲令海島成為繁華港口同農業經濟體添...