德國 - 出發前須知

德國同其他幾個國家一樣，集合咗歐洲嘅精粹，勝人一籌嘅現代文化同悠久豐富嘅歷史共冶一爐。柏林、慕尼黑等等大都會保留住德國大膽嘅文化同藝術遺產，去呢啲城市度假簡直冇得彈；除此之外，德國嘅夜生活喺歐洲都算係數一數二好玩。如果想轉換吓節奏，不妨去鄉間行吓，親身遊覽撒克森州 (Saxony) 仿似童話場景嘅城堡、黑森林 (Black Forest) 入面古樸嘅木架屋，或者喺阿爾卑斯山上面嘅溫馨農舍放鬆身心。典型嘅德國人做嘢有效率，加上國家嘅技術實力，當堂建立出四通八達嘅交通系統，去邊度都 Easy Job；

唔講唔知，其實德國人普遍都好貪玩，得閒鍾意開 party，一年四季都有季節性慶祝活動，例如仲夏音樂節、聖誕市集；當然唔少得巴伐利亞嘅慕尼黑啤酒節 (Oktoberfest) 啦！喺為期一個月嘅慶祝活動期間，各個啤酒帳篷都人山人海，大家一齊為德國嘅民俗文化歡聚慶賀。