法國係西歐最大嘅國家,所以呢度嘅度假勝地種類亦都多不勝數,有超過 3,000 公里嘅海岸線、3 個主要山脈,仲有 150,000 幾平方公里嘅森林,各式靚景任君選擇。法國歷史悠久而豐富,留低咗好多城堡同邊防城市,帶你時光倒流,返去騎士時代。

    法國唔單止歷史同地理出名,連法國菜都一樣聞名於世,每個地區都有自家地道特色,例如鮮味十足嘅馬賽魚湯 (bouillabaisse)、極盡惹味嘅勃艮第紅酒燉雞 (coq au vin);而法國芝士同葡萄酒更加被視為珍品。法國首都巴黎亦係藝術同高雅時尚嘅集中地!巴黎交通四通八達,感受完大都會嘅高級奢華、精緻魅力,眨下眼就可以去到鄉間,沉醉於質樸無華嘅氣息之中。你可以隨心任揀心水目的地,例如去巴黎過個浪漫週末;去里昂食餐好嘅唞唞氣;去蔚藍海岸 (French Riviera) 嘅海灘遠離繁囂;或者去伊澤爾谷 (Val d'Isère) 滑雪。

    法國熱門目的地

    你接著會去哪兒?
    • 巴黎

      遊客由全球每個角落湧向巴黎,都係為咗感受一下歐洲嘅輝煌過去,驚嘆於巴黎聖母院 (Notre-Dame Cathedral) 奇特宏偉嘅哥德式建築,又或者去傳奇十足嘅羅浮宮美術館望吓《夢娜麗莎》嘅神秘「真身」。

      不過,呢座法國首都喺無人不識嘅精緻表面背後,原來仲係一個文化多元嘅現代大都市,到處都係佔據領先地位嘅畫廊、古靈精怪嘅跳蚤市場,而大家都會「扮靚靚」去夜蒲!另一方面,巴黎嘅美食有令人無法抗拒嘅魔力,由鮮嫩多汁嘅牛扒薯條、到香氣四溢嘅蒜茸紅酒汁青口,各款法式主食任君品嚐,見到都流哂口水。

      閱讀
    • 尼斯

    • 史特拉斯堡

    開始計劃行程

    歐洲其他熱門去處

    繼續探索