英格蘭

出發前須知

    英格蘭歷史悠久,遠近馳名,科技、藝術樣樣皆精,出色成就隨處可見,特別喺曼徹斯特、布里斯托呢啲著名城市。而倫敦更加不在話下,嚟到英格蘭,又點可以錯過呢個神秘莫測嘅首都呢?大家嘅行程入面一定會有國會大廈、白金漢宮之類發人深思嘅標誌性景點,亦會參觀一啲世界頂級嘅博物館。不過,倫敦充滿國際氣質嘅街道同著名景點,都未必比得上英格蘭中部各郡嘅古樸村莊、連綿起伏嘅青翠丘陵;如果你繼續向北玩,仲可以欣賞奔寧山脈 (The Pennines) 同湖區 (Lake District) 嘅崎嶇山景添!

    當然,英格蘭唔係淨係得傳統遺產嘅。講到飲食文化同潮爆時裝,英格蘭向來緊貼時代脈搏。隨住交通系統不斷改善,遊走英格蘭真係輕鬆到不得了,想去南部海岸嘅海灘又得,去蘇格蘭邊境一帶嘅中世紀集鎮亦得。

    英格蘭熱門目的地

    你接著會去哪兒?
    • 倫敦

      講到經典地標,都冇乜邊個城市可以同倫敦匹敵!白金漢宮富麗堂皇嘅皇室風格,以至大笨鐘嘅哥德式輝煌設計,都係呢座英國首都令人印象深刻之處。倫敦市內對比處處—騎士橋 (Knightsbridge) 開滿頹廢風格嘅百貨商店,氣氛奢華而「作狀」;另一邊廂,潮區肖迪奇 (Shoreditch) 滿佈生氣勃勃嘅街頭藝術,潮爆嘅夜蒲熱點林立,同前者仿如隔世。

      冇體驗過倫敦西區 (West End) 劇院區嘅浮華同魅力,仲有蘇豪區 (Soho) 嘅國際咖啡文化,又點算嚟過倫敦?仲有喎,敬請放低「英國係美食沙漠」呢個陳腐嘅成見—其實,呢度有香噴噴嘅市集美食,亦都有講求簡約主義嘅米芝蓮餐廳;而無論你有幾錢 Budget,都可以食返餐皇室級數嘅盛宴!

      閱讀

    開始計劃行程

    歐洲其他熱門去處

    繼續探索