英格蘭
出發前須知
英格蘭歷史悠久,遠近馳名,科技、藝術樣樣皆精,出色成就隨處可見,特別喺曼徹斯特、布里斯托呢啲著名城市。而倫敦更加不在話下,嚟到英格蘭,又點可以錯過呢個神秘莫測嘅首都呢?大家嘅行程入面一定會有國會大廈、白金漢宮之類發人深思嘅標誌性景點,亦會參觀一啲世界頂級嘅博物館。不過,倫敦充滿國際氣質嘅街道同著名景點,都未必比得上英格蘭中部各郡嘅古樸村莊、連綿起伏嘅青翠丘陵;如果你繼續向北玩,仲可以欣賞奔寧山脈 (The Pennines) 同湖區 (Lake District) 嘅崎嶇山景添!
當然,英格蘭唔係淨係得傳統遺產嘅。講到飲食文化同潮爆時裝,英格蘭向來緊貼時代脈搏。隨住交通系統不斷改善,遊走英格蘭真係輕鬆到不得了,想去南部海岸嘅海灘又得,去蘇格蘭邊境一帶嘅中世紀集鎮亦得。
英格蘭熱門目的地
你接著會去哪兒?英格蘭流行資訊
精選指南及趣聞英格蘭 10 大海灘
英格蘭享有地利,海岸線長達幾千公里,海灘都有成幾百個,沙質海岸遍佈全國各個地區,交織於英格蘭最優越嘅沙灘,照顧唔同遊客嘅需求—無論你想遠離煩囂、享受家庭樂、定期去滑浪,定係純粹喺柔軟嘅金沙海灘上面 hea 吓,都會搵到專屬於你嘅好去處。 喺夏日旅遊旺季,英格蘭各地嘅出色海灘絕對有力同歐洲其他陽光明媚嘅旅遊勝地匹敵!而且,我哋介紹嘅海灘全部都有藍旗 (Blue Flag) 認證,清潔度同環境管理都符合標準,可以安心遊覽。倫敦 11 大最好玩活動
倫敦擁有偉大嘅歷史,絕非世界上任何一個城市所能匹敵;與此同時,倫敦亦都係勇於創新嘅先鋒。你可以去博物館探索世界,亦可以觀賞最優秀嘅表演藝術;想飲杯嘢就落 club 落 bar,或者簡簡單單散個步,遍覽歷史嘅盛衰印記亦得。如果你一心喺呢度 shopping 嘅話,倫敦嘅市集同商場種類繁多,各適其適;而河邊每一季都會有短期活動,樂趣無窮。 倫敦嘅宏偉之處實在毋庸置疑...倫敦 10 個 Instagram 打卡勝地
倫敦風景如畫,遊客嚟到都忍唔住「大影特影」!有見及此,我哋行勻倫敦各區,為你物色最獨特視點,帶你透過鏡頭定格英格蘭首都風姿, 將心水「打卡勝地」封存喺靚相作品裡面,肯定會贏得 Followers 力讚!喺倫敦學習新事物嘅 6 個好地方
倫敦被公認為世界主要文化之都,當地嘅宏偉歷史博物館、瑰麗美術館同埋前衛展覽都令人讚不絕口,更加唔使講倫敦塔 (Tower of London)、倫敦眼 (London Eye) 之類嘅地標啦!倫敦 16 大合家歡休閒活動
由扮騎士影相、到喺公園撐船等等,倫敦嘅合家歡玩樂節目多不勝數,大小朋友都可以投入其中!屋企細路仔見到動物就開心到紮紮跳?正值青春期嘅仔囡想參觀迷人城市地標?倫敦應有盡有。觀光咗成日,你仲可以任揀一流餐廳擦餐勁,包保連全家最「揀飲擇食」嗰位都食得開心!手執呢份「內幕指南」,你肯定會搵到全倫敦最正嘅合家歡景點,同一家大細玩得盡興,為呢座城市嘅一點一滴而心往神馳。倫敦 10 種獨特購物體驗
倫敦係極盡精彩嘅購物勝地,各式各樣嘅得意市集無疑係亮點之一,而倫敦好幾個地方亦都有賣精品時裝。 無論你想搵名牌定係復古收藏品,倫敦總有一度啱你心水!想瘋狂 Shopping?咁就要及早規劃喇!因為,通常週末先係最適合行市集嘅時機;而星期六嘅購物街會人頭湧湧,最好盡量喺閒日去,避開人潮。
透過 Hotels.com 預訂的好處
免費取消
適用於大部分酒店*價格保證承諾
了解更多賺取獎賞住宿
只需住滿 10 晚即可