你認為倫敦嘅除夕淨係得 Party、音樂同煙花匯演?咁你可能會大跌眼鏡喇!上述活動固然係慶祝新年嘅好節目,但係只要你對呢個城市「抽絲剝繭」,就仲會搵到唔少獨特而知名嘅倒數方式。

    無論你想喺最熱鬧嘅市中心夜店倒數,定係搭船去鼎鼎大名嘅泰晤士河 (River Thames) 地標過除夕,我哋都會幫你發掘至好玩嘅慶祝活動。快啲繼續睇落去,一覽我哋精選嘅倫敦最佳除夕節目啦!

    1

    喺堤岸睇煙花綻放

    每年除夕,倫敦市中心都會舉行矚目嘅煙花大匯演,迎接新年,仲未睇過呢個煙火盛會,又點稱得上係嚟過倫敦歡度除夕呢?沿住維多利亞堤岸 (Victoria Embankment) 一直到西敏橋 (Westminster Bridge) 嘅夜空,煙花連珠爆發,場面何其璀璨!

    如果你想感受最震撼嘅一刻,可以喺 RS Hispaniola Book 定張枱,一路望住對岸嘅倫敦眼 (London Eye),一路嘆住美酒佳釀,將煙花盛放嘅難忘一幕刻入腦海。倫敦市政府網站會派發除夕盛會嘅門票,而且仲會公佈有關當晚嘅資訊添,記得留意喇!

    • 拍照
    • 晚間娛樂

    相片由 Andrea Sartorati 提供 (CC BY 2.0) 經修改

    2

    自然史博物館嘅動物全接觸

    同身邊摯愛歡度新年固然開心;想搞搞新意思,仲可以喺自然史博物館 (Natural History Museum) 近距離接觸獨一無二嘅動物,一齊迎接 2020 添!喺特選展廳入面,你會見到叢林貓、恐龍等唔同動物;而場內仲會提供雞尾酒同香檳招待遊客,俾你喺心愛動物嘅陪伴下慶祝除夕。

    提早買飛有專享優惠添架,成人門票只需 GBP90,一張飛夠你玩盡所有精彩活動,當中包括除夕跨年 Party,你可以喺中庭大廳 (Hintze Hall)「放飛自我」,全晚盡情同嚟自南肯辛頓 (South Kensington) 至 Cute 嘅 Party Animal 狂歡熱舞。

    地點: Cromwell Rd, South Kensington, London SW7 5BD, UK

    開放時間: 每日 10:00 至 05:50

    電話: +44 (0)20 7942 5000

    • 家庭
    • 歷史文化`
    • 拍照
    3

    天台酒吧暢飲雞尾酒

    想睇住聖保羅大教堂 (St Paul's) 嘅靚景、兼任飲雞尾酒歡度新年?咁就要去到滑鐵盧 (Waterloo) 唯一嘅天台酒吧 Bar Elba 玩返轉。想一路聽最悠揚嘅音樂,一路嘆最出名嘅特色小食,不妨坐特快專用升降機去河岸街 (The Strand) 嘅 Radio Rooftop Bar,過返個最啱你心水嘅除夕夜吖!

    想喺都市中心搵綠州樂土?芬喬奇街 (Fenchurch Street) 高聳入雲嘅空中花園 (SkyGarden) 酒吧擺放咗好多青蔥嘅熱帶植物,仲睇到全市最靚嘅景色添,啱哂欣賞煙花盛放,留到 02:00 先盡興而歸!

    • 晚間娛樂

    相片由 Martin Pettitt 提供 (CC BY 2.0) 經修改

    4

    倫敦頂級酒吧歡度新年

    想令除夕夜與別不同?不妨悉心扮靚靚,以 90 年代造型出席 Bounce 嘅活力之夜,打返場乒乓波,再聽住經典音樂跳舞吖!如果你想盛裝登場,又鍾意型格嘅場地裝修,Mews of Mayfair Masquerade 就啱晒你,一於喺最 Grand 嘅造型同環境下,迎接新一年啦!

    仲決定唔到去邊間酒吧倒數?NYE Pub Crawl 會舉辦大型慶祝活動,夠你狂歡一晚。你仲可以參加埋 1 Big Night Out,同其他遊客組團一齊遊覽西區 (West End) 添!上述每個慶祝地點都有得免費影相,你嘅除夕夜一定又 High 又難忘。

    • 晚間娛樂
    5

    高尚好玩嘅船河

    想喺泰晤士河 (Thames) 度過精彩到爆嘅除夕?你可以登上遊船,泛舟河上,大嘆精美食物,睇住夜空綻放嘅煙花,享受零舍唔同嘅除夕夜!

    無論你揀邊種套餐,都唔少得喺平靜嘅水面欣賞城市風光,飲住香檳慶祝,同摯愛望住水波粼粼,無憂無慮咁歡度一晚。

    • 伴侶
    • 品嚐美食
    • 晚間娛樂
    Kiri Nowak | 特約撰稿人

    開始計劃行程

    Maps