我哋嘅倫敦旅遊懶人包羅列出你需要嘅基本資料,幫你 Plan 定英國行程,向各大人氣熱點進發!無論你去旅行去得幾密,都要留意以下問題:當地天氣係點?點樣由機場去酒店?需要邊種貨幣同插頭?我哋會為你提供所有答案,同場加映最佳旅遊時機、交通資訊、各類基本資料,同埋實用旅遊貼士,

    一切盡在呢份倫敦旅遊懶人包之中。睇完呢份簡短易明嘅指南之後,你嘅倫敦旅程應該就準備得七七八八架喇!

    1

    去倫敦嘅最佳時機 (天氣方面)

    倫敦嘅氣候全年溫度適中,夏季最高峰大約 30ºC,而冬季氣溫就會略高於 0ºC 冰點。

    • 1 月同 11 月算係雨季,不過全年都有雨落。
    • 春天同夏天係當地嘅旅遊旺季,酒店同機票價格都會相應上漲。
    • 9 月就係最佳遊覽月份,到時天氣依然溫和,唔少節慶活動仲進行得如火如荼添!
    2

    倫敦基本資訊

    • 主要語言:英文
    • 插頭類型: G 型
    • 電壓:220v
    • 貨幣:英鎊 (GBP)
    • 國際電話代碼:+44
    • 緊急電話:999
    3

    城市交通

    英國係個島仔,大部分遊客都會揀搭飛機去首都倫敦,市內有 3 個主要機場,分佈喺城郊。而歐洲之星 (Eurostar) 係另一個主要交通工具選擇,會由法國經過海峽隧道 (Channel Tunnel) 去到英國。

    希思羅機場

    希思羅機場 (Heathrow) 係位於倫敦西郊嘅國際交通樞紐,你好大機會喺呢度著陸架!機場所有客運大樓都會連接 Piccadilly Line 地鐵系統。

    • 前往倫敦市中心:去倫敦市中心大約需時一個鐘;如果搭希思羅特快列車 (Heathrow Express),只要 15 分鐘就可以去到帕丁頓 (Paddington) 火車站。搭標準黑色的士去市中心,車費預計要大約 GBP70。


    蓋特威克機場

    呢個係英國首都倫敦嘅第二大機場,喺正市外南部,係世界上最繁忙嘅單跑道機場,主要開辦歐洲內陸航班,長途航線數量有限。

    • 前往倫敦市中心:蓋特威克特快列車 (Gatwick Express) 只要 30 分鐘就可以去到維多利亞車站 (Victoria Station),每 15 分鐘一班;而其他慢線火車亦都會駛向倫敦其他地區。搭的士索價超過 GBP50,而黑色的士嘅車費仲貴啲添。


    斯坦斯特德機場

    如果你係搭歐洲廉航過嚟,好可能會用到倫敦東北部嘅斯坦斯特德機場 (Stansted)。

    • 前往倫敦市中心:到目前為止,火車都係去倫敦市中心嘅最佳方式。搭斯坦斯特德特快列車 (Stansted Express) 去倫敦市中心東部嘅利物浦街車站 (Liverpool Street Station),只需要 45 分鐘;其他平價火車嘅車程其實都只係 1 個鐘左右。的士係最貴價嘅選擇,去市區預計要超過 GBP50。


    聖潘克拉斯國際車站

    聖潘克拉斯 (St Pancras) 係歐洲之星 (Eurostar) 喺倫敦嘅終點站,火車會由歐洲大陸嘅巴黎同布魯塞爾出發;而站內有 6 條地鐵線,連接倫敦各處,仲有大量巴士路線同埋黑色的士,往來兩地。值得注意嘅係,倫敦嘅國家鐵路服務唔係集中喺單一主要火車站裡面,大部分總站都有提供行駛國內唔同地區嘅線路。

    4

    漫遊倫敦

    旅遊貼士

    Oyster 智能卡系統適用於倫敦所有公共交通網絡,只要喺地鐵站嘅自動售貨機買張卡增值,就可以即時起程!票價按照地鐵同地下火車分區計算,而巴士就會收取固定車費。各項服務都接受非接觸式信用卡同扣帳卡付款;用 Apple Pay 同 Android Pay 亦冇問題。

    5

    市內地鐵係點運作嘅呢?

    倫敦地鐵系統簡稱「地鐵」,開創全球先河,雖然已經有 150 年嘅歷史,但時至 21 世紀依然保留住經典魅力,運作正常。

    • Oyster 卡係搭公共交通工具嘅首選付款方式;你亦都可以喺所有車站嘅售票機同員工櫃枱買單程票同 1 日通行證。
    • 共 11 條線路,各有唔同嘅名稱同顏色
    • 火車由 05:30 運行至午夜之後;星期五六有部分線路會提供通宵服務
    • 地上線 (Overground Line;橙色) 亦都算係地鐵網絡嘅一部分。如果你想去倫敦東部嘅潮區,搭呢條線就啱哂
    6

    搭巴士出遊

    講到倫敦經典交通工具嘅另一個例子,點可以唔提到處都見到嘅鮮紅色巴士?坐上層遊覽城市體驗超正,特別係前排座位更加無懈可擊!

    • 乘客由前門上車,喺讀卡器上面拍一下 Oyster 卡或者非接觸式信用卡 (完全唔收現金),之後搵個位坐低,就可以開始旅程
    • 上巴士之前,記得買一張 Oyster 卡,因為車上面係冇 Oyster 卡賣架
    • 巴士站有地圖,可以幫你搵到適用路線
    7

    喺倫敦搭的士

    倫敦嘅黑色的士極具標誌性,非常顯眼,喺街上或者的士站都好容易截到車,著咗橙色燈嘅的士隨時 Ready 載客,

    • 全部採用咪錶收費,絕對會幫你搵到前往目的地嘅最佳路線
    • 咪錶由大約 GBP3 起跳
    8

    自駕遊倫敦

    如果你打算自駕遊倫敦,請再三考慮!單純留喺市內的話,自駕就冇乜意義喇;

    • 而且,喺倫敦市中心,你每日都要俾超過 GBP10 嘅交通擠塞費
    • 停車場亦索價不菲

    相片由 Mariordo 提供 (CC BY-SA 3.0) 經修改

    9

    單車

    倫敦嘅單車出租系統非常龐大,每分鐘都不停擴展緊!對於想喺公園短暫停留、悠閒漫步嘅旅客喺講,單車係好好嘅選擇,亦都極其實用,

    • 只要喺其中一個停車點用信用卡或者扣帳卡登記,就踩得架車走
    • 租單車頭 30 分鐘免費,之後每 30 分鐘起跳計錢

    相片由 Nick-D 提供 (CC BY-SA 4.0) 經修改

    開始計劃行程

    Maps