奧地利

奧地利風景宜人，體驗非凡。嚟奧地利旅行，感覺就好似置身於明信片之中。提洛阿爾卑斯山區嘅山峰白雪皚皚；多瑙河沿岸富麗堂皇嘅地標充分展現 17 世紀宏偉嘅哥德式建築同巴洛克式建築風格，眼前景色仲可以媲美童話故事入面高聳岩崖頂嘅城堡添！歷史上好多位最偉大嘅藝術家都係喺奧地利誕生，直到今時今日，莫扎特同史特勞斯嘅經典傑作仍然喺奧地利嘅主要城市同迷人村莊裡面迴盪。

深入了解奧地利豐富嘅歷史之後，一定要享受當地最熱情洋溢嘅產品：無論係飲杯咖啡，定係食一塊維也納國寶級沙哈朱古力蛋糕 (Sachertorte)，都會令你樂而忘返。一於好好體驗奧地利充滿動感嘅藝術同文化，發掘醉人景點、難忘天籟，準備好迎接久久不散嘅甜美餘韻啦！