首爾酒店

首爾五日遊–酒店推介

 

首爾係韓國首都，除了有豐富嘅歷史同景點外，仲不時會遇到韓國明星！想過一個精采嘅首爾五日四夜自由行？即刻出發啦！

 

首爾住邊好

 

明洞係首爾最熱鬧嘅地區，一踏出酒店就可以吃喝玩樂行街購物，係絕佳嘅住宿地點。想24小時瘋狂Shopping？可以考慮入住東大門嘅首爾酒店、而首爾市政府就聚集了數間五星級酒店。想去樂天世界嘅話，推介到附近酒店住一晚，咁就唔洗舟車勞頓啦！

 

首爾酒店優惠代碼下載

 

Hotels.com 酒店網爲你推介 2018 最新最熱門嘅首爾酒店。從1,443間首爾住宿推介選擇你嘅心水酒店。查看及下載所有 Hotels.com 優惠代碼，立即預訂!

 

第一天

 

玩：景福宮→北村韓屋村→三清洞

 

首爾必去嘅景點景福宮，係首爾歷史最悠久嘅宮殿，每日早上十點，下午兩點都會有守門員換崗，記得準時到場。北村韓屋村充滿了朝鮮時代瓦屋，有近600年歷史，到時換上一身韓服，好似穿越到古時嘅韓國人一樣！三清洞整條街都係咖啡店同有個性嘅時尚小店，黎嘆下咖啡鬆一鬆。

 

第二天

 

玩：明洞→南山→首爾塔

 

明洞就好似香港旺角一樣，好食，好玩，多野買！除左有多間化妝品店外，服飾、鞋、文具應有盡有。路中間仲有好多小販賣至潮小食，絕不可錯過！首爾塔位於南山公園，搭南山纜車上去就最方便，記得到觀景台看首爾全景。

 

第三天

 

玩：新沙洞→盤浦大橋音樂噴泉

 

首爾好去處仲有新沙洞，由設計師同藝術家共同組成嘅街道，有「首爾表參道」嘅稱號，賣嘅產品極有藝術氣息，文青一定要去行一行。行完街到盤浦大橋欣賞彩虹音樂噴泉盲啱啱好，佢嘅開放時間只有每年4月至10月，9點正開始，要早點去霸位。

 

第四天

 

玩： 樂天世界→東大門

 

樂天世界係首爾以冒險與神秘為主題嘅主題樂園，除左有刺激嘅機動遊戲，園內更有歷史展示館、模型村等。食完晚飯後，可以到東大門行下街，嗰度有全首爾最大嘅服裝批發市場，而且24小時開放，想行到幾夜都得！

 

第五天

玩：梨花女子大學→弘益大學

 

最後一日當然要行街洗哂啲錢買手信啦！梨花女子大學係韓國學生最愛嘅行街地點，有齊最新與嘅時裝同小食。而弘益大學就有限定周末市集，黎尋尋寶最開心，假日時仲會有街頭藝人唱歌表演添！

 

首爾必食推介

 

• 韓式烤肉：品質極高嘅韓牛
• 韓式炸雞：炸雞配上啤酒，地道嘅韓國風味
• 人蔘雞湯：以熱治熱，四季都啱食嘅補品

 

首爾必買推介

 

• 化妝品：化妝品牌應有盡有，而且價錢便宜
• 泡菜：除了購買外，更可到工場自製
• 韓式紫菜：不同口味嘅紫菜，最啱做手信

 

交通貼士

 

所有首爾景點都可以由首爾地鐵直達，記得到首爾要買番張當地八達通：T-Money 卡。而首爾有兩個機場，仁川國際機場與金浦國際機場，緊記先看清不同嘅機場出市區方法。