宮崎酒店

預訂宮崎酒店住宿

  • 大部分客房均可立即付款或入住酒店時付款
  • 大部分客房均免收取消費用
  • 價格保證

宮崎自由行及酒店住宿推介

宮崎三日遊-酒店推介

 

宮崎駿動畫就聽得多啦,宮崎自由行你又試過未?呢度有唔單止有神秘嘅海島,仲有各種充滿神話色彩嘅神宮。馬上開始你嘅宮崎3日2夜遊,探秘呢個豐富多彩嘅城市啦!

 

宮崎住邊好

 

宮崎自由行最啱就係租車自駕遊,行程嘅安排將會更輕鬆。想坐下當地交通嘅遊客,亦都可以選擇入住Aoshima 車站Minamikata 車站附近嘅酒店,有多班車次直達宮崎旅遊景點。最好就至 Top 人氣酒店推介:喜來登海洋大酒店度假村宮崎 ANA 假日酒店宮崎日航都市酒店

 

宮崎酒店優惠代碼下載

 

Hotels.com 酒店網爲你推介 2018 最新最熱門嘅宮崎酒店。從&HotelNumber間宮崎住宿推介選擇你嘅心水酒店。查看及下載所有Hotels.com優惠代碼,立即預訂!

 

第一天

  玩:天安省原→天岩戶神社→高千穗峽→高千穗神社

 

天安省神宮原傳說係一個聚集咗800萬神明嘅洞穴神宮,同附近供奉住太陽神嘅天岩戶神社都係宮崎必去景點。高千穗峽係由阿蘇山火山爆發而成嘅峽穀,河流兩邊嘅岩壁呈條形狀,非常特別。喺呢度撐皮艇沿河欣賞峽穀嘅景色,途中會經過真名井瀑布,佢係位居日本瀑布百選之一。最後,晚上記得要去高千穗神社,欣賞最傳統嘅「夜神樂」表演,體驗下宮崎嘅傳統藝術。

 

Tips: 高千穗神社嘅夜神樂表演,喺每年11月下旬至次年2月中旬先有得睇,撞唔啱時間去,都可以參觀下呢座神社。

 

第二天

 

玩:國見之丘→青島神社→青島亞熱帶植物園

 

國見之丘嘅雲海風景最出名,尤其係日出或日落嘅風景最靚,影番張相擺上網,瞬間仙氣十足啊!青島神社位於青島小島上,當海水漲潮嘅時候,從高處望落去,就好似一座漂浮喺水面上嘅神社,好有神秘感。附近嘅鬼之洗濯岩都好特別,佢係由水成岩經過長時間嘅海水侵蝕,形成一層層類似梯田嘅景觀,退潮嘅時候又可以喺上面玩,都幾過癮。青島亞熱帶植物園裡面種植咗500幾種,從世界各地進口嘅亞熱帶植物,親子遊就最適合不過啦!

 

第三天

 

玩:日南Sun Messe牧場→鵜戶神宮→AEON 商場

 

去宮崎嘅日南Sun Messe牧場,你唔使飛去南美洲嘅復活島,都可以睇到Moai 石像!鵜戶神宮藏身喺海邊一個洞穴裡面,係日本山幸海幸傳說故事嘅起源地。神社嘅海邊有一塊龜背石,據說只要將幸運石拋入龜背嘅凹槽,就可以願望成真。記得男仔要用左手拋,女仔就要用右手拋先靈驗嘅喔!許完願,回程可以返去宮崎市中心嘅AEON 商場買餐飽,呢次行程就完美啦!

 

宮崎必食推介

  • 宮崎牛:宮崎特級和牛美食;
  • 流水麺:係指一種通過高千穗峽嘅冰凍泉水,喺竹筒裡面流轉麵條嘅食麺方式,非常有趣;
  • 南蠻雞肉:係宮崎嘅特色美食,幾乎每間餐廳都會有呢道菜;

 

宮崎必買推介

  • 戶村燒肉醬汁:使用大量新鮮蘋果、香蕉等食材製作,濃鬱嘅水果味醬汁令人上癮!
  • 炭火燒雞:運用傳統燻烤所製作而成,炭火獨特嘅香氣慢慢喺口中散開,越食越滋味;
  • 青島仙貝:一種口味比較傳統嘅仙貝,有白奶油同花生味兩種;
  • 芒果餅乾:曾經得過金獎,宮崎特有限定嘅餅乾;

 

交通貼士

 

宮崎交通唔算方便,所以選擇租車自駕遊係最舒適嘅出行方式,而且喺機場就有租車服務,非常方便。