橫濱酒店預訂

搜尋酒店

  • 大部分客房均可立即付款或入住酒店時付款
  • 大部分客房均免收取消費用
  • 價格保證

橫濱自由行推介

橫濱簡介

橫濱係神奈川縣嘅首府,同時係日本著名嘅國際港口城市。面向東京灣嘅夜景相當怡人,因此橫濱嘅旅遊新發展主要都圍繞港灣一帶。喺橫濱港附近嘅新開發區「未來 21 港」,都有唔少嶄新嘅購物商場、遊樂場同埋博物館。市內著名嘅元町商業街、日本最大嘅中華街、異國風情嘅山手西洋館同埋日本名勝古跡,都為橫濱添上穿越古今、東西交匯嘅氣質。聽到呢度,仲唔快啲 Plan 下你嘅橫濱行程?

橫濱觀光景點

大棧橋國際客輪中心外觀激似大鯨魚,樓頂設有木甲板同綠草地,遊客可以一覽山下公園、紅磚倉庫等嘅黃昏靚景。遊樂園嘅摩天輪同橫濱灣大橋互相輝映,天氣晴朗時仲可以遠眺富士山。八景島海洋樂園擁有日本最大嘅水族館同埋設有遊樂設施嘅人工島。360 度嘅觀景台亦係一座空中花園﹐旅客可以將全市風光盡收眼底,將相片 Post 喺 Facebook 一定可以呃到唔少 Like。另外,建議你抽時間去一趟新橫濱拉麵博物館;館內裝潢重現昔日市井氣息,展示拉麵歷史嘅同時,亦匯聚九間日本嘅著名拉麵店。而伊勢佐木町通有好多自明治、大正時代創立嘅老字號商店,係當地嘅美食娛樂鬧區。想要感受日本文化氣息嘅話,就建議你去著名嘅三溪園;園内唔單止飼有錦鯉供遊人欣賞,你仲可以喺度體驗日本茶道,同時欣賞由京都和鎌倉移建嘅歴史建築。

橫濱酒店

橫濱酒店大部分都講究服務品質。價錢便宜嘅酒店房間同浴室空間較為小巧。為商務及觀光旅客 (家庭、朋友或情侶的組合) 而設嘅高級橫濱酒店設有餐廳酒吧、游泳池、健身俱樂部、美容 SPA、展會廳和宴會會議室,部份更設有茶屋,供應日本傳統耒抹茶嘅。國際知名酒店喺橫濱通常處於更高樓層,入住時可望住東京灣靚景﹐亦提供機場接送服務﹐惟房價相對較貴。

橫濱住宿選擇

如果要短暫停留橫濱一晚嘅旅客,可以考慮入住日本鄰近各大鐵路火車站嘅膠囊酒店。橫濱連鎖酒店大多數與百貨商店、地鐵出口同地下購物街相通。部分高級橫濱酒店可以直接徒步前往中華街、橫濱港灣嘅觀光景點。普遍酒店則會喺橫濱繁華嘅中西區;呢區周邊滿佈 24 小時營業嘅便利店、娛樂場所同餐飲店,想要搵美食、消遣同 Shopping 都相當方便。

如何前往橫濱

由羽田機場同成田機場轉乘 JR線、京成和京急電鐵,或者利用木津巴士直達橫濱市。橫濱車站係相鐵本線、東急東橫線、橫須賀線、JR 線等嘅樞紐站,前往各個觀光景點都非常方便。由東京至橫濱嘅直行列車叫做京濱東北線,班次頻密。由新橫濱車站可以坐東海道新幹線至日本各地。除咗 JR、地鐵、巴士、的士之外,坐水上巴士亦可以前往各大旅遊景點,仲可以順便飽覽港灣嘅浪漫風光。