橫濱酒店

橫濱兩日遊-酒店推介

 

橫濱係東京近郊嘅熱門旅遊城市，生活節奏比較悠閒放鬆，被一致認為最適合情侶約會嘅地方。你都快啲同拖友仔 plan 翻個橫濱2日1夜自由行，製造浪漫回憶啦！

 

橫濱住邊好

 

橫濱距離東京僅需30min車程，貪方便嘅遊客可以選擇橫濱站或新橫濱站附近嘅酒店，坐電車去其他景點比較快捷。入住港未來附近酒店，有靚景睇而且一踏出酒店門口，吃喝玩樂樣樣齊。橫濱至Top 人氣酒店推介：橫濱灣喜來登大酒店、橫濱格蘭洲際度假酒店、新橫濱王子大酒店。

 

橫濱酒店優惠代碼下載

 

Hotels.com 酒店網爲你推介 2017 最新最熱門嘅橫濱酒店。從&HotelNumber間橫濱住宿推介選擇你嘅心水酒店。查看及下載所有Hotels.com優惠代碼，立即預訂！

 

第一天

 

玩：紅磚倉庫→新橫濱拉麵博物館→太空世界報時摩天輪

 

紅磚倉庫係橫濱必去景點，呢座充滿文青氣質嘅建築歷史悠久，尤其晚上著起街燈，畀人一種好似遊走喺歐洲街頭嘅感覺，而且無論買嘢食嘢同影相打卡都係橫濱旅遊好去處！新橫濱拉麵博物館裡面嘅佈置非常懷舊，為遊客再現60年代嘅日本街景。特別嘅係，呢間博物館唔單只介紹拉麵歷史，遊客仲可以食到各式拉麵添！如果時間仲有鬆動，可以再去日清杯麵博物館。你可以根據自己嘅喜好，製作一款只屬於自己嘅杯麵，都幾有趣。係傍晚時分，去太空世界，坐世界最大嘅報時摩天輪，喺全透明嘅玻璃車廂睇橫濱日落同夜景，好鬼浪漫囖！

 

第二天

 

玩：八景島海洋樂園→橫濱塔空中花園

 

八景島海洋樂園建造喺橫濱一個小離島上，有日本第一個波浪雲霄飛車，仲有其他勁刺激嘅機動設備，簡直令人玩到唔想走啊。最特別嘅係，樂園裡面設有一個日本最大水族館，室內巨大嘅弧形水箱，好似將成個海底世界裝咗喺裡面，包括珍貴嘅熊貓海豚都可以見到，認真震撼！玩到攰攰哋，最去橫濱塔將橫濱靚景盡收眼底，嘆下橫濱美食，都幾寫意。

 

橫濱必食推介

• 象鼻霜淇淋：大象造型嘅牛奶霜淇淋，賣相十分趣志可愛；
• 鯛魚燒聖代：一種用鮮奶油加紅豆做餡嘅鯛魚餅組合小吃，味道都幾特別；
• 橫濱利久炭燒牛舌：口感外焦裡嫩，味道一流，係橫濱著名美食；

 

橫濱必買推介

• 中華街（唐人街）：橫濱購物最熱門首選地；
• 橫濱元町商店街：中式同西式商品都可以喺度買到；
• 未來港皇后花園購物中心：橫濱最大購物商業區；

 

交通貼士

 

橫濱一日遊建議可以直接買 JR 橫濱一日劵，可以喺東京都內各站嘅 JR 到橫濱來回各一次，同 JR 根岸線橫濱到新杉田站、橫濱市營巴士無限次乘坐，幫你慳返唔少錢！