跳至主要內容。

佐賀酒店

佐賀酒店預訂

神秘優惠價幫你慳更多

即時揭開神秘優惠價,慳得更多

  • 大多數客房可選擇入住時付款
  • 大部分客房均免收取消費用
  • 價格保證

佐賀自由行及酒店住宿推介

佐賀觀光攻略

佐賀舊時有個好盞鬼嘅名叫「肥前」,就連旅遊行程都好豐富有趣!鍾意歷史嘅朋友就一定要去佐賀城,佢係日本最大規模嘅木造建築,除咗介紹佐賀歷史,仲有佐賀城嘅模擬探險遊戲玩,都幾過癮。每年11月係佐賀都會舉辦氫氣球大賽,而且仲專門設有亞洲第一個氫氣球博物館。佐賀縣廳展望台唔單止係睇佐賀靚景好去處,裡面仲有一個3D投影光雕 show 喺夜間免費為遊客開放,絕對係文青必去嘅選擇!喺佐賀有一個非常好玩嘅地方,就係肥前夢街道忍者村!你可以扮忍者喺忍者村過足癮,又有健力士世界紀錄保持者剣源蔵教你點樣區分忍者類別,仲有其他忍者小遊戲玩添!另外,嬉野溫泉係日本三大「美肌名湯」之一,喺嬉野溫泉街有一座「豐玉姬神社」,貪靚嘅遊客可以祈求保佑獲得靚靚肌膚。行到攰攰哋,溫泉街仲有提供免費嘅足部蒸氣浴,爽啊!作為全日本最靚嘅圖書館武雄市圖書館單睇外形好似冇乜特別,但入到裡面睇就不得了!尤其係佢假複式嘅半弧形分層,外加透明嘅屋頂好「殺食」,嚟到又點可以錯過嚟呢度影相打卡呢?而周圍都係歐式宮殿嘅有田瓷器公園,入到去好似去咗歐洲一樣咁有格調,當然最重要嘅係可以欣賞到最出名嘅有田瓷器啦!中午就去號稱日本三大朝市之一嘅呼子朝市,食最新鮮肥美嘅海鮮就最好不過啦!食飽飽記得要坐「呼子巷花枝」觀光船出海,去探秘大自然嘅鬼斧神工七釜洞窟,佢係由玄武岩堆積、畀海水侵蝕形成嘅7個洞窟,坐船穿過洞窟,有一種野外探險嘅感覺。

佐賀必食推介

嚟到名列日本三大和牛之一嘅佐賀牛產地,無理由唔試下最頂級嘅和牛㗎!而聞名全日本嘅原隻呼子魷魚就更加係當地人嘅必試推介㖭,嚟到佐賀自行必食啊!

佐賀必買推介

佐賀係日本海苔嘅著名產地,一定要買翻啲翻屋企俾媽咪啦!另外,口味獨特嘅柚子辣椒醬,係佐賀縣嘅名產,絕對值得一試!列入世界文化遺產之一,運用古法手工造紙嘅名尾和紙,相當特別!而有田燒、伊萬裡燒和唐津燒亦都係佐賀嘅陶瓷名產,係當地人嘅必買推介!

佐賀交通貼士

福岡機場搭3號巴士,全程1h 左右就可以去到 JR 佐賀站。呢啲巴士分為去其他城市嘅高速巴士,同去佐賀市區嘅普通巴士。如果你係喺東京或者大阪去佐賀旅遊,可以坐佐賀有明機場(HSG)嘅航班,不過要留意呢個機場只有內陸航線,記住唔好去錯啦!

去佐賀自由行訂酒店,Hotels.com 香港酒店網是你的首選,查看及下載2018最新 Hotels.com 酒店優惠代碼

佐賀酒店推介

佐賀有唔少酒店,其中以下幾間酒店比較受歡迎,絕對係唔錯嘅選擇!

1. 賀古湯溫泉鶴靈泉酒店

2. 瑪里托皮亞嵯峨花園陽台酒店度假村

3. 嵯峨葉隱國際旅館

鄰近城市景點推介

佐賀位於日本,鄰近嘅神戶奈良同埋別府都有唔少地方值得遊覽,嚟到不妨考慮下順道去埋附近嘅城市觀光啊!