跳至主要內容。

鐮倉酒店

預訂鐮倉酒店

神秘優惠價幫你慳更多

即時揭開神秘優惠價,慳得更多

  • 大部分客房可選擇入住時付款
  • 大部分客房均免收取消費用
  • 價格保證

鐮倉自由行及酒店住宿推介

鐮倉觀光攻略

去鐮倉旅遊嘅必去景點當屬鶴岡八幡宮,供奉住保護國家嘅守護神,呢度每年都會舉行各種各類嘅祭祀活動。而附近嘅小町通,係鐮倉最出名嘅購物街,嚟呢度買手信就最啱不過喇! 另外,長谷寺同高德院都係鐮倉最有名嘅寺廟。長谷寺全年都開滿色彩斑斕嘅繡球花,香氣逼人。寺內有一座令人震撼嘅11面觀世音菩薩像,參拜完仲可以去海光庵,欣賞鐮倉無敵大海景,嘆埋鐮倉美食。高德院最出名嘅就係鐮倉大佛,據聞鐮倉周邊建築曾因海嘯而被摧毀,但係鐮倉大佛卻依然絲毫無損,真係想畀個like佢啊!值得一提嘅係,鐮倉仲係動漫「男兒當入樽」嘅藍本取景地,江之電鐮倉高校前駅就喺片尾曲出現過,好多 fans 都會慕名過嚟呢度朝聖架!

鐮倉必食推介

由鐮倉著名海鮮特產吻仔魚烹煮而成嘅吻仔魚丼,喺當地相當有名。另外,鐮倉燒亦係當地嘅特色小食,唔少本地人都相當喜歡!而豆皮壽司則係好多報紙雜誌都有報道嘅人氣美食。最後必食嘅當然就係加入原隻大蝦或章魚製作嘅江之島仙貝,充滿特色而且香味十足,絕對值得一試!

鐮倉必買推介

記住去豐島屋購買各種鐮倉名產美食,其中以鴿子造型示人嘅鐮倉名產美食鴿子餅相當可愛,啱晒小朋友 !另外,入口即融嘅鎌倉投手海綿蛋糕同埋搭配咗碳酸仙貝同埋日式奶油嘅鎌倉五郎半月餅都係必買推介,係做手信嘅不二之選!

鐮倉交通貼士

購買鐮倉或江之島1日通票,就可以坐任何來往鐮倉同江之島之間嘅JR線、江之島電鐵或單軌。由於湘南單軌電車目前用唔到 Suica、PASMO 等 IC 卡,所以遊客必需購票入站上車。

去鐮倉自由行訂酒店,Hotels.com 香港酒店網是你的首選,查看及下載2018最新 Hotels.com 酒店優惠代碼

鐮倉酒店推介

好多遊客嚟鐮倉自由行都會同江之島 plan 喺同一個行程裡面,喺鐮倉玩一日,第二日再去江之島。所以住宿推介你入住鐮倉站湘南深澤站大船站附近酒店,都非常方便你嘅出行。鐮倉有唔少酒店,其中以下幾間酒店比較受歡迎,絕對係唔錯嘅選擇!

1. 道平旅館

2. 鐮倉公園酒店

3. 梅茲鐮倉大船 JR 東酒店

鄰近城市景點推介

鐮倉位於日本,鄰近嘅橫濱神戶同埋東京都有唔少地方值得遊覽,嚟到不妨考慮下順道去埋附近嘅城市觀光啊!