箱根酒店

預訂箱根酒店住宿

  • 大部分客房均可立即付款或入住酒店時付款
  • 大部分客房均免收取消費用
  • 價格保證

箱根自由行及酒店住宿推介

箱根三日遊-酒店推介

 

想欣賞到富士山嘅絕佳靚景,嚟箱根旅遊就無錯啦!箱根仲係日本嘅溫泉勝地,喺日式嘅溫泉湯池裡面同時欣賞富士山景色,一舉兩得。係時候執好行李實行箱根三日兩夜行程!

 

Tips:如果景點路線圖標有富士山符號嘅地點,就係最適合欣賞富士山嘅景點。

 

箱根住邊好

 

講到箱根住邊好?強羅有多間平價實惠嘅溫泉旅館,而且強羅站就係呢個區域;如果想近距離睇富士山,酒店推介你去蘆之湖一帶;想暢遊歷史遺跡,小田原都有唔少嘅住宿推介;冬天想嚟個輕鬆度假浸溫泉當然去箱根溫泉區。最高評價酒店推介:小田原希爾頓度假溫泉酒店箱根蘆之湖王子酒店

 

箱根酒店優惠代碼下載

 

Hotels.com 酒店網爲你推介152間最熱門嘅箱根酒店。仲可以下載 Hotels.com 優惠代碼,立即訂酒店開展箱根自由行攻略。

 

第一天

 

必去:箱根雕刻森林美術館→強羅公園→武士博物館

 

雕刻森林美術館係日本首個野外美術館,簡直打破傳統格局,每一件作品都會放喺原野上,令你喺大自然中提升唔少藝術仙氣!箱根自由行點少得強羅公園,呢個日本最早嘅法式庭院齊集咗各種奇花異草,你仲可以喺裡面嘅白雲洞嘆一杯正宗抹茶!

 

箱根行程推介你去箱根村武士博物館,收藏咗好多武士盔甲、武器同古代武士嘅生活用品,你仲可以著住整套武士盔甲,影張靚相放上網,簡直 chok 爆你嘅 IG 頁面。

 

第二天

 

必去:飛煙瀑布→箱根溫泉

 

飛煙瀑布就喺箱根溫泉區內,瀑布高達20 m,飛流落下嘅時候濺起嘅水花就好似一陣陣嘅煙幕,夢幻程度就似仙境一樣,絕對係箱根好去處。瀑布對面仲有一個池塘,周不時都有一堆鴨仔喺度遊嚟遊去,都不知幾趣志?

 

箱根溫泉早就聞名海外,今次就嚟呢度浸個溫泉嘆世界。箱根溫泉有多間溫泉酒店畀你揀,仲有一種日歸浴,專門提供唔留宿嘅遊客體驗下溫泉。浸係暖笠笠嘅溫泉裡面,夠曬「疏乎」。箱根湯本站商店街,仲有大把必買手信等住你去掃貨。

 

第三天

 

蘆之湖→箱根神社

 

蘆之湖可謂最接近富士山嘅景點,你可以搭纜車到蘆之湖畔,同時可以喺高空中欣賞湖畔同富士山嘅靚景。落咗纜車後,當然要搭海盜船去遊船河啦,當你企喺船頭,有無覺得自己好似海盜船長 Johnny Deep ?

 

落咗海盜船後就會見到喺湖上嘅紅色鳥居,過癮嘅係湖水退潮時,整個鳥居都露出嚟,你就可以走到鳥居下面任影 selfie。再行多幾分鐘就到箱根神社,喺周圍綠色山林襯托下,紅卜卜嘅神社顯得更加靚,正所謂心誠則靈,你都過嚟祈福啦,仲可以喺願望牌度寫上你嘅心願添!

 

箱根必食推介

 
  • 山藥泥蕎麥麵:加咗山藥嘅手作蕎麥麵配搭特製醬汁,可以品嚐到更多層次嘅味道。
  • 黑雞蛋:溫泉含有特別物質,被煮熟嘅雞蛋變成黑殼雞蛋。聽講有年延益壽功效。
  • 豆腐料理:箱根必食嘅銀豆腐,睇上去似豆花,但食落似豆腐嘅口感,豆味濃郁。
  •  

箱根必買推介

 
  • 湯麻糬:係箱根必買特產,最具箱根代表性嘅甜品
  • 溫泉饅頭:有間百年老字號嘅和菓子專賣店,售賣嘅溫泉饅頭深獲遊客好評
  • 箱根山地酒:係當地相當出名氣嘅清酒,入口香醇,係箱根必買手信。
  •  

交通貼士

  去到箱根首先買一張箱根周遊券,喺箱根3日自由行內,無論係電車、巴士、纜車定係觀光船都無限次數任意上落,超值周遊券簡直同你慳到盡啦。

 

Hotels.com 酒店網爲你推介152間最熱門嘅箱根酒店。仲可以下載 Hotels.com 優惠代碼,立即訂酒店開展箱根自由行攻略。