札幌酒店

搜尋酒店

  • 大部分客房均可立即付款或入住酒店時付款
  • 大部分客房均免收取消費用
  • 價格保證

札幌自由行及酒店住宿推介

札幌三日遊-酒店推介

 

札幌係日本最北邊嘅城市,春天賞櫻、秋天賞楓、冬天滑雪,仲有各式溫泉同各種節慶活動,無論你係幾時去札幌自由行,旅遊節目都非常豐富。不如馬上 plan 番個札幌3日2夜遊,盡情「喪玩」日本札幌喇!

 

札幌住邊好

 

想食住行樣樣齊,推介你入住薄野站附近酒店,一踏出酒店就可以體驗到最活色生香嘅札幌夜生活。仲有日式商品多籮籮嘅狸小路商店街,附近亦有唔少住宿酒店,出門購物非常方便。大通公園一年四季都有各種活動舉辦,而且景色宜人,入住附近酒店都係唔錯嘅選擇。

 

札幌酒店優惠代碼下載

 

Hotels.com 酒店網爲你推介 2017 最新最熱門嘅札幌酒店。從178 間札幌住宿推介選擇你嘅心水酒店。查看及下載所有Hotels.com優惠代碼,立即預訂!

 

第一天

 

玩:大通公園→札幌鐘樓→Susukino

 

講起札幌旅遊,就不得不提札幌必去嘅大通公園,好多介紹札幌自由行程攻略都會提到。附近歷史悠久嘅札幌鐘樓充滿文藝氣息,各位文青唔好錯過呢個旅遊打卡必去景點喇! Susukino 係日本三大歡樂街之一,最啱體驗札幌夜生活。

 

第二天

 

玩:北海道神宮→札幌啤酒博物館→藻岩山

 

北海道神宮係札幌嘅賞櫻名所,就算唔係春天去賞櫻,呢度嘅景色都相當迷人。日本啤酒博物館除咗可以目睹日本啤酒製作過程,你仲可以係裡面試飲各式日本啤酒,而且呢啲啤酒好多都系札幌限定口味,非常特別。札幌必玩好去處當屬藻岩山,唔單只可以坐下世界首創嘅 MORISU-CAR 迷你纜車,又可以進行攀岩活動,晚上係山頂飽覽札幌夜景都幾浪漫!

 

第三天

 

玩:定山溪溫泉

 

最後一站就去定山溪浸番個定山溪溫泉,舒緩下舟車勞累。呢度嘅溫泉療養功效十分多,被視為溫泉療養基地。秋季去嘅話仲可以欣賞到滿山紅、橙、黃色嘅楓葉,好似童話故事場景咁夢幻。

 

札幌必食推介

  • 拉麵橫町:可以一次過吃到各種日式拉麵
  • 場外市場:想食各種新鮮海鮮丼同海產美食就記得要嚟呢度!

 

札幌必買推介

  • 札幌啤酒博物館:只有札幌先買到嘅啤酒紀念物
  • 貍小路商店街:各式日本傳統手信
  • 白色戀人公園:白色戀人巧克力係札幌旅遊必買嘅特色手信之一

 

交通貼士

 

札幌市交通非常發達,尤其係地鐵同巴士路線,都可以輕鬆帶你去到札幌各個地點。最方便嘅係你可以購買地鐵一日券,分平日券同假日券,而假日券嘅票價會比平日券更優惠