岡山酒店

預訂岡山酒店住宿

  • 大部分客房均可立即付款或入住酒店時付款
  • 大部分客房均免收取消費用
  • 價格保證

岡山自由行及酒店住宿推介

岡山四日遊-酒店推介

 

岡山素有「晴天之國」嘅美譽,既有古代吉備文化,亦有風景如畫嘅景點,而且仲係桃太郎傳說嘅發源地。唔講咁多啦,行動最實際,馬上開始岡山4日自由行,齊齊探秘岡山啦喂!

 

岡山住邊好

 

岡山嘅酒店推介,南部倉敷你可以體驗日本江戶時代嘅古典之美;岡山係岡山縣嘅重要行政同經濟區,配套完善,仲集中唔少岡山景點;美作一帶係熱門嘅溫泉區,自然有好多特色溫泉旅館任你揀。

 

岡山酒店優惠代碼下載

 

快登入 Hotels.com 酒店網預訂岡山酒店,網站精選86間酒店預訂,仲有 Hotels.com 優惠代碼等住你嚟攞!

 

第一天

 

必去:後樂園→岡山城

 

後樂園同兼六園、偕樂園統稱為日本三大名園,後樂園係日本極具代表性嘅諸侯庭園。呢度唔止欣賞到古典嘅迴遊式庭園景色,你仲可以登上唯心山,欣賞全庭園嘅靚景。附近嘅岡山城都係岡山好去處,因獨特嘅黑色外墻亦被稱為「烏城」。天守閣裡面古典嘅裝飾,你都會忍唔住著上免費提供嘅和服嚟影相,令你好似穿梭時光返回到日本古代!

 

第二天

 

必玩:蒜山高原中心遊樂園

 

岡山自由行嘅第二日可以到蒜山高原中心遊樂園,狂歡一下。除咗遊樂園標配嘅過山車、摩天輪、激流等機動遊戲,仲有特別為小朋友而設嘅舞台表演,根據唔同季節有唔同嘅互動主題,最啱一家大細心水啦。

 

第三天

 

必去:大原美術館→桃太郎機關博物館→倉敷三井名店園

 

倉敷大原美術館係日本首間西洋美術館,外觀係希臘神殿風格,裡面收藏有《聖母領報》同《睡蓮》等名人畫作,你都不如嚟呢度提升下自己嘅藝術氣質。桃太郎機關博物館裡面充滿新奇嘅玩意,利用錯位視覺嘅機關裝置,令你走進稀奇古怪嘅「鬼島」世界!最後仲可以去到三井名店園瘋狂 shopping,將各種大牌子嘅衫褲鞋襪一網打盡,海外遊客仲有勁大優惠添。

 

第四天

 

必買:岡山 Aeon 購物村→岡山車站商店街

 

最後一日可以買下手信作為紀念,嚟岡山站隔離嘅岡山Aeon 購物村係個唔錯嘅選擇。各種名店商品都可以喺度大採購。而同購物村相連嘅岡山車站地下街有各種必買手信外,仲有岡山必食甜品美食,美食同手信一手包辦,你都咪走雞啦。

 

如果想岡山自駕遊嘅朋友仔,可以嘗試經由瀬戶大橋到達下一個旅程,橫跨5個島嶼嘅6座大橋,喺橋上面欣賞咁壯觀嘅海景,簡直一流!

 

岡山必食推介

 
  • 白桃:岡山係一個水果王國,尤其白桃係岡山必食水果
  • 手打蕎麥麵:爽口彈牙嘅冷麺最啱夏天食用
  • 比利時鬆餅:岡山車站嘅比利時鬆餅味道香濃酥脆,已經成為岡山必食嘅甜品。
  •  

岡山必買推介

 
  • 兒島牛仔褲:兒島嘅牛仔褲一條街,以牛仔褲為主題嘅街區,最啱牛仔褲嘅發燒友。
  • 吉備糰子:係桃太郎故事中嘅美食,係岡山代表性嘅特產糕點
  •  

交通貼士

 

岡山有 JR 多條地鐵路線途經多個景點,去之前可以購買日本「八達通」令你嘅岡山行程暢通無阻。如果你有國際駕照執照嘅話,仲可以租車嚟一趟岡山自駕遊添。