南怡島酒店

南怡島酒店預訂

勁慳低至 6 折!

即時揭開神秘優惠價,慳得更多

  • 大部分客房均可立即付款或入住酒店時付款
  • 大部分客房均免收取消費用
  • 價格保證

南怡島旅遊介紹及酒店推介

南怡島簡介

南怡島係首爾附近嘅一個人工島景點,以擁有隨四季變遷嘅美景為名,南怡島上嘅自然風景區被稱為南怡島共和國,意思係一個人類同大自然和諧共存嘅美麗國度。島上嘅景觀,無論係漫天飛花嘅春天、綠草如茵嘅暑天、楓紅如詩嘅秋天,定係冬天嘅白色世界,一年四季都咁吸引,實在百看不厭。韓劇 fans 更加可以一睹經典韓劇《冬季戀歌》嘅拍攝場景,係杉樹林裡面浪漫一下。難怪近年嚟亦愈來愈受旅客歡迎,好多哈韓一族去首爾玩都會順便安排係南怡島一日遊親親大自然㗎。

南怡島附近的酒店

如果想有更多時間細心欣賞南怡島上嘅景色,不妨考慮係島上住一兩晚。不過南怡島上住宿其實選擇好少,只有一間正式嘅酒店。想搵南怡島附近住宿,不妨考慮附近沿春川河而建嘅選擇。配合當地自然環境,附近嘅酒店主要都係為悠閒旅客而設嘅渡假村,呢啲酒店除咗有河畔嘅無敵美景外,仲通常有好多悠閒設施,例如游泳池、按摩池、私人露台等,非常適合嘆世界。呢類南怡島渡假酒店比較自然樸實,大多數都係三星級左右。如果預算唔多嘅話,亦有幾間價格相宜嘅青年旅館同民宿可供選擇。

南怡島附近的住宿選擇

選擇南怡島住宿首先要考慮想花幾多時間喺島上參觀。如果你係韓國大自然美景嘅 die hard 粉絲,就點都要喺島上唯一嘅酒店住番晚喇。雖然住宿選擇唔多,但係可以係入夜後觀賞南怡島嘅星空、或者喺清晨時分清淨咁享受林中漫步,避開日間嘅人潮,影靚相都唔怕有閒人入鏡啦!如果選擇加平區沿河嘅渡假村亦有優勢,好多渡假村都離碼頭好近,去南怡島參觀話都冇咁易。住係呢類渡假村仲可以飽覽春川河嘅美景,去其他春川市嘅景點亦好方便。另外,其實而家由首爾市區去南怡島嘅交通都非常方便,如果想住返喺首爾市區,再安排一個 day trip 去南怡島亦絕對冇問題,方便又想靠近市中心,又想睇下風景嘅旅客。

南怡島附近的觀光景點

南怡島屬於京畿道旅遊循環巴士嘅其中一站,所以只要搭上呢㗎巴士,要去附近嘅旅遊景點就一啲難度都無喇!同一巴士路線嘅景點有晨靜樹木園同小法國村,小法國村裡面五顏六色嘅小屋真係令人不禁要講一聲 kawaii 呢!如果你係小王子 fans 就更加要去同偶像打下卡喇。至於晨靜樹木園就係一個打理得非常漂亮嘅韓國花園,俾你感受下下大自然嘅氣息。京畿道附近幾個景點又好玩,又方便,好多人都會同南怡島安排喺同一日嘅行程㗎。

如何前往南怡島

如果由首爾前住南怡島,可以搭地鐵,轉火車去到加平火車站,出站就會見到旅遊循環巴士,然後再轉渡輪。首爾各大旅遊點例如仁寺洞、南大門、明洞等亦有巴士前往南怡島嘅渡輪碼頭。要注意南怡島上係禁止普通車輛進入嘅,所以韓國自駕遊嘅朋友都要坐渡輪上島㗎!