札幌狸小路商店街附近的酒店

札幌其他地標

札幌必去推介 - 札幌狸小路商店街

狸小路係札幌市區裡面一條非常熱鬧嘅商店街，狸小路雖然唔長，大概半個鐘就行完，但裡面食嘅、買嘅樣樣都齊。而且呢條街仲係有瓦遮頭添，根本唔受天氣好壞嘅影響，簡直阻擋唔到「進擊嘅餵食貓」！仲等咩？快啲嚟札幌啦！

札幌最出名嘅就係味增拉麵，香濃嘅味道，麵條亦夠爽滑。札幌嘅海鮮亦都非常出名，特別係蟹類更加係札幌必食！配上唔同嘅湯同配料，手打蕎麥麵，真係無得輸！

札幌蛋糕係狸小路必買手信，包裝精緻，送禮就最啱喇！另外，札幌高級嘅乾貨海產，都係做手信嘅好選擇。最特別嘅係成吉思汗烤羊肉牛奶糖，聽個名都夠「殺食」，即刻買一盒試下啦！

咁熱鬧嘅貍小路應該點去呢？好簡單，只要搭地鐵到大通站可以啦！喺札幌自由行，小編建議買一日乘車劵，一日乘車券又分2種，一種係平日使用嘅「地下鐵專用一日乘車券」，一種是假日、例假日、年末年始使用嘅「週末假日優惠一日券」，比平日使用嘅票券更抵用！