新竹 必去景點及國立清華大學附近酒店推介

國立清華大學附近酒店預訂

Hotels.com™ Rewards

累積 10 晚,送 1 晚

仲可享精選酒店神秘優惠價

  • 大部分客房均可立即付款或入住酒店時付款
  • 大部分客房均免收取消費用
  • 價格保證

新竹必去推介 - 國立清華大學

國立清華大學簡介

台灣新竹一向俾人清新秀麗嘅印象,難怪台灣最頂尖嘅大學國立清華大學都選址呢度建校啦!國立清華大學自 1955 年復校以嚟,培育咗一代又一代嘅大學生,簡直係文青盛產地。一場嚟到,就梗係要去參觀吓清華校園,做返半日文青啦!清大校園又大又靚,直情好似一個大公園咁,當中有森林湖泊,最適合湖邊漫步。夏天時分荷花盛放,再加上四處盡是莘莘學子,入去行番轉,人都忽然 young 咗幾年呀! 想親身感受台灣大學文化?嚟新竹自由行就啱哂喇!

國立清華大學附近的酒店

國立清華大學嘅位置唔算太靠近新竹市中心,附近環境清幽,唔會有太多遊客,所以清大住宿選擇亦唔算太多,主要係幾間三星級左右嘅商務酒店。新竹市嘅旅遊旺季一般都係暑假,炎炎夏日去國立清華大學賞荷花就梗開心啦,不過喺旺季住酒店,你就可能要準備多少少預算喇。相反,如果係秋冬時分去新竹,除咗唔洗又曬又熱之外,酒店選擇都會比較多同埋划算。

國立清華大學附近的住宿選擇

如果你嘅行程之中有打算去國立清華大學嘅話,你可以考慮住喺大學附近嘅酒店,除咗氣氛比較寧靜之外,步行十分鐘左右就可以去到校園喇,勝在車都唔洗搭夠哂方便,價格亦比較市中心平,好適合嚟新竹悠閒渡假嘅小情侶,或者想舒舒服服嘅一家大細。如果想要多啲選擇嘅話,就可以去新竹火車站附近留宿。火車站附近有比較高級同豪華嘅酒店,亦有好多平靚正嘅小民宿。住係靠近市中心嘅酒店,去其它景點或者 shopping 買嘢都方便好多,啱哂嚟台灣主攻大吃大喝瘋狂掃街嘅自由行旅客喇。精打細算嘅你,點解唔趁住淡季來訪,提早訂房,mark 實清大酒店優惠?

國立清華大學附近的觀光景點

新竹市最熱鬧嘅夜市就係城隍廟夜市。呢個夜市最出名嘅有潤餅、肉圓、鴨肉,當然仲有唔少得嘅新竹米粉啦!呢度顧名思義位於新竹城隍廟隔離;呢間香火鼎盛嘅城隍廟建於清乾隆十三年,已經有 250 幾年歷史,大家去行夜市之餘,不妨參觀一下咁有歷史價值嘅廟宇啦!夜市同城隍廟都位於新竹市中心,從清華大學搭的士去大概 15 分鐘車程,亦有巴士可以到達。另外,鐘意欣賞風景嘅旅客可以去青草湖風景區參觀,由大學搭的士去亦都只需大概 15 分鐘車程。青草湖有典型嘅小橋流水、深山法寺,環境清幽之餘,仲有 café 俾你一邊飲咖啡一邊欣賞風景,係清華大學附近不可錯過嘅景點。

如何前往國立清華大學

國立清華大學交通極之方便。校園位於新竹市中心東面,距離市中心大約 6公里。乘坐火車嘅旅客可於抵達新竹火車站之後,行去新竹客運站轉乘新竹客運公車去「清華大學站」。至於乘搭高鐵嘅旅客同樣要喺高鐵新竹站落車,然後轉搭客運。