濟州島酒店

搜尋酒店

  • 大部分客房均可立即付款或入住酒店時付款
  • 大部分客房均免收取消費用
  • 價格保證

濟州島自由行及酒店住宿推介

濟州島五日遊-酒店推介

 

濟州島係由火山爆發而成嘅,韓國最大嘅島嶼,素有「東方夏威夷」之稱,全年都非常適合自由行。快啲嚟參考下為你推介嘅濟州島5日4夜自由行攻略,助你輕鬆遊濟州島!

 

濟州島住邊好

 

濟州島旅遊最熱門地區係濟州市西歸浦市,從高級酒店實惠酒店都有非常多選擇。住城山表善附近景點比較多,方便你同時去多個旅遊景點啦!

 

濟州島酒店優惠代碼下載

 

Hotels.com 酒店網爲你推介 2017 最新最熱門嘅濟州島酒店,有983 多家濟州島酒店任你揀。查看及下載Hotels.com 優惠代碼,即可享受最新訂酒店優惠!

 

第一天

 

必去:金寧迷宮→萬丈窟→牛島

 

金寧迷宮係由一位美籍教授創建嘅韓國第一個迷宮公園!依足濟州島嘅島型,種咗約兩千棵柏樹而設計。迷宮內中生長茂密嘅柏樹,成為你走出迷宮嘅重重障礙,估下畀你入去又要幾耐先出翻嚟啊啦?萬丈窟被譽為世界上最大最長嘅熔岩洞窟,裡面有奇形怪狀嘅鐘乳石,同神秘莫測嘅洞窟奇觀,至啱好奇心爆棚嘅遊客!牛島被譽為「濟州東部最靚小島」,有天津觀山、地頭清沙東岸鯨窟、西濱白沙等非常出名嘅牛島八景,非常值得遊覽。

 

第二天

 

必去:日出峰→表善海灘→濟州島民俗村博物館

 

日出峰被譽為「濟州十景」之首,係世上最大嘅突出於海岸嘅火山口。山頂上有一個牧場,每年3月開滿油菜花,係一片油菜花海襯托下嘅日出,景色更加迷人。睇完日出,記得要去濟州島必去嘅表善海灘,漲潮時會形成一個深約1m嘅天然泳池,潮退時形成一片密實嘅白沙灘,係濟州島一個地形特別嘅海灘。附近嘅濟州民俗村博物館,係你了解古代濟州文化嘅好去處,收藏咗各種有關濟州島民宿文化嘅藏品,有啲古代房屋仲係原封不動搬過嚟展出,為遊客呈現最原汁原味嘅濟州文化。

 

第三天

 

必去:漢拏山國立公園

 

漢拏山高達1950 m,係韓國海拔最高嘅休眠火山,2007年被列為世界自然遺產。由於漢拏山嘅高海拔,山上有2000多種由亞熱帶到寒帶地區嘅各種植物,如果徒步登山,可以一次過體驗四季氣候轉變嘅感覺,沿途仲有機會近距離接觸到白背啄木鳥、灌豬、獐子等4000多種野生動物㖭!

 

第四天

 

必去:如美地植物園→天地淵瀑布

 

如美地植物園號稱「全亞洲最大植物園」,唔單只有蝴蝶滿天飛嘅鮮花園,仲有水生植物園、生態園、熱帶果樹園、多肉植物園同中央展望塔等。畀你一次過見識到唔同品種嘅昆蟲同植物,帶小朋友去就非常適合啦!另一個自然生態景點仲有天地淵瀑布,係一條從奇岩怪石中傾瀉而下嘅瀑布,景色如仙境一樣。附近仲種有山草莓、松葉蘭同暖帶性植物,如栲樹、山柚子樹、冬柏樹等稀有植物。

 

第五天

 

必去:泰迪熊博物館→綠茶博物館→琉璃之城

 

濟州島都有一個以泰迪熊為主題嘅泰迪熊博物館,係濟州島必玩嘅遊樂場所。裡面收藏有各式各樣嘅泰迪熊公仔,仲有利用泰迪熊公仔重現歷史人物嘅姿態,非常趣怪。綠茶博物館係專門介紹韓國茶文化嘅博物館,館內除咗介紹綠茶文化,仲會介紹同展示韓國各地名茶嘅特別之處。琉璃之城係濟州島旅遊必玩嘅另一個旅遊景點,呢度有色彩繽紛、千姿百態嘅玻璃器皿,包括晶瑩剔透嘅玻璃屋,睇上去驚險萬分但其實非常堅固嘅玻璃橋,同分散喺城內各處嘅玻璃工藝品。你仲可以去玻璃工房親手吹制屬於自己嘅玻璃作品㖭!

 

濟州島必買推介

  • 中央路地下商店街:濟州島唯一地下商場,各種商品一應俱全
  • 五日市集:濟州島傳統市集,體驗地道嘅濟州島文化
  • 東門市場:濟州出名美食購物街

 

濟州島必買推介

  • 濟州黑豬肉:濟州島特色美食
  • 橘子味小米瑪格酒:只有喺濟州島先有嘅口味

 

交通貼士:從機場出發嘅遊客,可乘坐機場巴士或普通巴士,前往濟州市同西歸浦市。持國際駕駛執照嘅遊客,亦可選擇租車環島自駕遊。