跳至主要內容。

綠島酒店

綠島酒店預訂

神秘優惠價幫你慳更多

即時揭開神秘優惠價,慳得更多

  • 大多數客房可選擇入住時付款
  • 大多數客房可免費取消
  • 價格保證

綠島旅遊介紹及酒店推介

綠島簡介

綠島位處澳洲昆士蘭東北嘅開恩茲附近,屬熱帶地區,坐擁純淨無玷嘅雨林、壯闊無垠嘅海灘、以及奇形怪狀嘅珊瑚礁石,你既可以漫步於白沙海灘與涼爽樹林之間,亦可以潛入水底向海洋動物 say 個 hi,仲可以喺私人飛機俯瞰小島綠意,實行玩轉海、陸、空! 正因為綠島鄰近開恩茲、費茲洛伊島等鄰近島嶼,你喺島上閒休之餘,仲可以選擇坐船遊遍呢片海域嘅一連串小島、以至繁華熱鬧嘅開恩茲市,絕對唔怕悶親! 你仲等咩?快啲 plan 下嚟綠島自由行啦!

綠島附近的酒店

綠島住宿設施只有一個豪華度假村,內有 46 間客房、餐廳、酒吧、室外泳池、野餐區等等,仲會供應免費早餐,住客足不出戶,就可以盡享奢華體驗,豪嘆假日時光!即使身處海島之上,你都唔會與世隔絕—因為,村內設有免費 Wi-Fi,方便你同親朋好友保持聯絡,或者間中跟進工作進度亦得! 想順便玩遍其他島嶼景點?話咁易啦!短短一程船之隔,就有特色青年旅舍任你選住,房價只需二百幾蚊,你就可以盡享自助洗衣設施、室外泳池、空調、高級床上用品等,仲可以善用燒烤設施向同行親朋好友大顯廚藝! 綠島度假村客房數量極少,節日旺季定必爆滿—精打細算嘅你,點解唔提早 Book 定房,mark 實綠島酒店優惠?

綠島附近的住宿選擇

如果你想嘆個休閒假期,拒絕走馬看花,只專注盡賞綠島嘅海洋世界,咁就一定要入住綠島度假村,喺充滿熱帶風情嘅房間訓到自然醒,一出門即漫步於幼沙海灘之上,並與梅拉內斯亞海洋公園嘅海洋生物做鄰居。 住慣大城市,仲想以都會區為落腳點?咁樣嘅話,一海之隔嘅開恩茲就最適合你,城內尚有植物園、遊樂場、大教堂、藝術中心、劇院等景點,各適其適,大人細路都可以玩得暢快,必屬合家歡旅遊首選勝地!

綠島附近的觀光景點

綠島旅遊景點主打海洋體驗,喺澄淨海水之間,為你送上多姿多彩嘅樂趣! 帶小朋友同行嘅話,不妨一遊梅拉內斯亞海洋公園,親睹餵飼鱷魚嘅場面,探望水族館入面游走於七色珊瑚之間嘅熱帶魚,然後喺鱷影處處嘅梅拉內斯亞叢林展區中,細賞當地原住民部落嘅圖騰支柱工藝。 鐘意海洋生物,又唔敢潛水?身處綠島,你就有「海底漫步」呢個招積之選!只要戴上類似太空人氧氣罩嘅帽子,你毋須屏住呼吸,就可以隨意走動於海床礁石之間,連海龍王都冇你咁威! 唔想濕身?你仲可以安坐玻璃底船,望住船下魚仔游來游去,都幾過癮架!

如何前往綠島

遊客可以由開恩茲乘坐大貓公司嘅火箭號遊船,輕鬆往綠島進發,展開一日遊旅程,又或留宿數晚,喺都會煩囂以外嘅海濱秘境鬆一鬆,充爆電先返香港!