釜山酒店

搜尋酒店

  • 大部分客房均可立即付款或入住酒店時付款
  • 大部分客房均免收取消費用
  • 價格保證

釜山自由行及酒店住宿推介

釜山五日遊-酒店推介

 

釜山係韓國嘅第二大城市,亦係鄰近海港嘅海邊城市。嗰度海岸線漫長,有清澈嘅海水,沙質極幼嘅沙灘,夏日炎炎係時候要同陽光玩遊戲啦!咁就快啲收拾行李出發釜山5日遊。

 

釜山住邊好

 

釜山酒店住宿主要集中於海雲台區、東萊區、中區、南區、金井區等,每一區都有唔少著名嘅釜山景點。其中海雲台係釜山最受歡迎嘅景點之一,亦係高級酒店嘅集中地。

 

釜山酒店優惠代碼下載

 

Hotels.com 酒店網爲你推介2018最新最熱門嘅釜山酒店。從499間釜山住宿推介你啱心水嘅酒店。立即下載 Hotels.com 優惠代碼訂酒店啦。

 

第一天

 

必食:札嘎其市場→國際市場→南浦洞街

 

來到釜山旅遊,想食生猛海鮮當然要來札嘎其市場,有肥大肉厚嘅螃蟹、跳跳紮嘅海蝦等,市場耐唔中傳來各攤位大嬸地道嘅叫賣聲,令你真正體驗平民化嘅生活。交通:地鐵札嘎其站

 

國際市場係釜山歷史悠久、規模大嘅市場。嗰度有特色美食街,你可以入鄉隨俗,坐喺路邊攤品嚐釜山必食嘅忠武紫菜包飯,仲有糯米腸、麵條等小食。晚上一於到南浦洞街湊湊熱鬧啦。嗰度唔單止多嘢賣,仲好多特色小食!南浦洞每年都舉辦「釜山電影節」,聚集眾多電影明星,到時你都過來撞下「彩」,偶遇你心目中嘅韓星 oba!交通:地鐵南浦站

 

第二天

 

必去:七樂娛樂場→樂天免稅店→西面街

 

今日來到賭場試試手風,喺樂天酒店裡面嘅七樂娛樂場,有百家樂、廿一點、俄羅斯輪盤等五花百門嘅娛樂賭台,一個唔覺意贏翻個釜山旅遊費用,你都咪話唔過癮!

 

來到韓國點可以少咗購物嘅一環,樂天免稅店係韓國必買嘅商店。各大世界名牌,特別係貪靚嘅女士最鐘意嘅 mask、美顏霜等護膚品,免稅之後嘅價錢非常吸引。

 

西面街都係釜山自由行嘅著名景點,附近亦有美萊來大樓、西面市場等,特別係西面地下街,無懼日曬雨淋,人氣極高,啱曬你河車啦。交通:地鐵西面站

 

第三天

 

必去:廣安大橋→海雲台沙灘→迎月嶺

 

今日出發到海雲台區,沿途會經過釜山著名景點廣安大橋。喺橋上可以欣賞到一望無際嘅大海、美麗嘅廣安里沙灘、山林茂密嘅荒嶺山,係咁靚嘅海景下必定係打卡留影嘅好機會。

 

外面陽光普照,係時候同陽光玩遊戲啦!海雲台沙灘係釜山必去景點,呢度藍天白雲,水清沙幼,就連當紅電視劇都會係度取景,所以海雲台沙灘並非浪得虛名。交通:地鐵海雲台站

 

連接住沙灘嘅山路就係著名嘅迎月嶺,晚上呢度嘅月色係最出名,亦成為釜山情侶好去處,最啱熱戀中嘅「拖友仔」。交通:地鐵中洞站

 

第四天

 

必去:釜山水族館

 

海邊城市,點少得釜山水族館。呢個「海底世界」係韓國最大嘅水族館,有水獺、企鵝、水母展示館等,仲有可以觸摸深海魚類嘅體驗館。水族館標配嘅海底隧道當然唔可以錯過啦,呢個海底隧道你可以270度睇到奇妙嘅海底,就好似喺水底一樣。交通:地鐵海雲台站

 

第五天

 

必逛:新世界百貨公司

 

釜山行程將要結束,係時候買啲手信啦,新世界百貨最適合不過。新世界百貨仲登上「金氏世界紀錄」成為世界上最大百貨公司,各種名牌服裝、首飾同其他釜山必買手信,包羅萬有。交通:地鐵 Centum City 站

 

釜山必食推介

 
  • 忠武紫菜包飯:釜山街邊懷舊小食
  • 烤盲鰻:起好骨嘅盲鰻,啖啖肉質鮮嫩
  • 醬油蟹:新鮮嘅生蟹,融入香濃醬油調料,鮮甜美味
  •  

釜山必買推介

 
  • 免稅化妝品:面膜、潤手霜同其他護膚品,品質好又抵買
  • 桃子果汁酒:酒精成分低,果味濃,最適合女士飲用
  • 海苔:香脆可口,係韓國出名嘅健康食品
  •  

交通貼士

 

釜山地鐵同巴士都分佈喺各大景點附近,到達釜山之後第一件事就係買番張韓國「八達通」 T-money 卡旁身。只要喺7-11 便利店就可以充值,非常方便!

 

釜山旅遊指南

  • 曼谷購物指南

    曼谷街頭充斥著各式各樣的商品,且購物大樓的名貴配件比一般市價便宜。您可以在此盡情講價,輕鬆地將戰利品通通帶回家。

  • 釜山旅遊常識攻略

    旅遊業是釜山的主要產業之一,因此當地政府對其非常重視,並實施了一系列方便遊客的服務。遊客來到釜山,可以通過撥打當地的免費旅遊諮詢熱線1330詢問旅遊信息,該熱線可提供中文、日語和英語等語言的服務,並且...

  • 古晉旅遊娛樂攻略

    古晉是馬來西亞著名的旅遊城市,除了景點眾多,飲食豐富,還有許多值得探索和玩樂的好去處。古晉森林繁茂,當地政府為了保護這片人間淨土,設立了不少國家公園,通過完善的管理來保護棲息地內的動植物。遊客來到古晉...

釜山旅遊攻略