高雄酒店

搜尋酒店

  • 大部分客房均可立即付款或入住酒店時付款
  • 大部分客房均免收取消費用
  • 價格保證

高雄自由行

高雄簡介

台灣係港人短假期或長週末旅遊渡假嘅首選。除咗有北部嘅繁華熱鬧,中部嘅峻嶺景觀,高雄仲有一份南部嘅熱情。高雄係南台灣時尚人文薈萃之地,從歷史文化、古蹟廟宇、河岸景色、時尚購物到夜市美食都應有盡有,嚟高雄自由行,可以盡情吃喝玩樂,加上待客親切熱情嘅高雄人,一定會令你留下深刻。仲唔快啲 Plan 下你嘅高雄行程?

高雄觀光景點

高雄廟宇及特色古蹟眾多,仲有歷史建築結合文物嘅展館及老街,包括著名佛教聖地佛光山、旗津天后宮、市立歷史博物館、打狗英國領事館、旗山老街等,都充滿歷史意義,值得造訪。 高雄亦有靚到爆燈嘅河岸同海洋景觀;喺西子灣遠眺日落,每當夜幕低垂,漁火閃爍和晚霞照耀下,海天一色,令人陶醉。仲有愛河浪漫嘅河岸風情,喺河畔一邊飲啤酒,一邊欣賞河岸美麗景致,悠然自得。或者坐下「愛之船」夜遊愛河,亦都係唔錯嘅選擇。 比起台北,高雄亦都有唔少購物熱點,夢時代、漢神巨蛋、85 大樓同埋義大世界等購物廣場,都係時尚購物嘅好選擇。 夜市小食可以講得上係台灣最獨特嘅美食文化;遊客都會愛上又平又好食嘅街頭美食。喺高雄就有著名嘅六合夜市、瑞豐夜市等夜市,珍珠奶茶、蚵仔煎、香雞排、臭豆腐等美食,又點可以錯過呢?

高雄酒店

高雄酒店選擇眾多,青年旅館、民宿、汽車旅館、商務旅館以至星級酒店,都可以迎合唔同需要嘅旅客。 喺台灣旅遊,入住民宿係好普遍同受歡迎嘅住宿選擇,皆因民宿裝修都非常特別,有故事性,通常每個房間都有唔同嘅獨立主題,而且價格合理。 汽車旅館較適合自駕環島遊嘅遊客,而且仲可以享用免費停車場。商務旅館相對簡潔舒適,價格大眾化,另附早餐。至於星級酒店當然係信心保證,中西餐廳,泳池、健身室等設施齊備,品質更有保障。

高雄住宿選擇

高雄嘅酒店大部份都位於市中心,高雄車站附近係高雄交通嘅重要樞紐,長途巴士總站及火車站都座落喺度;附近商務旅館林立,方便過境或者係公幹人士。 著名景點附近亦有好多酒店或民宿,其中愛河河畔有唔少星級酒店;義大世界範圍則有義大天悅酒店及義大皇冠假日酒店,係結合主題樂園、購物廣場等多元化嘅高級渡假酒店。 位於三多商圈嘅 85 大樓除了頂層嘅星級酒店之外,仲有多間特色民宿分佈各層,而且鄰近大型購物中心及百貨公司,交通方便,地理位置優越。

如何前往高雄

由香港往高雄直航航程只需 1.5 小時。由高雄小港機場可坐捷運或的士到市中心。高雄市內嘅公共交通工具包括捷運、巴士、的士、渡輪,仲有公共單車租賃,可以喺唔同地點交還。對外交通有長途巴士、火車、高鐡貫通台灣各市。此外,有為數唔少嘅港人會選擇租車自駕遊,遊覽過高雄以後南下去墾丁,享受陽光海灘以及刺激嘅水上運動。

高雄旅遊指南

  • 高雄旅遊美食指南

    高雄是台灣的一個新興移民城市,有許多人從台南的其他地方來到高雄,同時也把家鄉的地道小菜帶到高雄。高雄是一個國際化城市,來自世界各國的美味佳餚應有盡有,精緻的個性化餐廳林立,給遊客廣泛的選擇。小吃是高雄...

  • 高雄旅遊觀光指南

    海洋、燈光、自然、文化……等多種元素配搭在一起使高雄顯得魅力十足。高雄經濟發達,擁有高度發展的城市建築群,這些現代化的建築再加上五光十色的燈光照耀,構成了高雄的城市景觀。而在繁華的鬧市當中,又有鬱鬱蔥...

  • 高雄旅遊購物指南

    「港都」高雄有發達的經濟,當然也有眾多購物場所。售賣各種商品的店鋪集中在高雄的市區,受惠於一些大型的百貨公司的影響,向外幅射下形成了一個又一個的「商圈」(繁盛的區域),除了台灣本土名牌以外,一些世界知...

高雄旅遊攻略