跳至主要內容。

模達灣酒店

模達灣酒店預訂

神秘優惠價幫你慳更多

即時揭開神秘優惠價,慳得更多

  • 大部分客房均可立即付款或入住酒店時付款
  • 大部分客房均免收取消費用
  • 價格保證

模達灣旅遊介紹及酒店推介

模達灣簡介

模達灣係南丫島上嘅一側海灣,南接模達新村與模達舊村,北連一片海灘,素有「香港後花園」之稱,因交通不算便利,故至今仍長佔「隱世景點」嘅寶座。 除咗暢玩水上運動、看夜景、食海鮮之外,模達灣似乎冇其他活動可做,有啲人仲可能會嫌悶…之但係,香港人平日工作已經夠多嘢諗,點解唔趁放假「慢活」一番,喺陽光與海灘包圍下盡情 Hea 幾日?想幫自己充一充電,有時又唔使將行程安排到密密麻麻嘅;優悠隨心,先至係度假! 你仲等咩?快啲 plan 下嚟模達灣自由行啦!

模達灣附近的酒店

模達灣住宿網絡目前未算完善發展,只有三數食肆及住家提供民宿設施。雖然係小規模經營,但呢啲民宿算係設備齊全,生活必需品、冷暖空調、無線網絡、公共廚房同洗手間等一應俱全,部分更面向模達灣海灘,附設海景露台,可以俾住客遠眺青馬大橋宏偉之勢,相當優質! 而且,民宿走溫情路線,因租客唔多,房東可提供更貼心嘅服務,俾你獲享更賓至如歸嘅感受。 模達灣住宿選擇有限,星期六日、以至節日旺季皆較為爆滿—精打細算嘅你,點解唔提早 Book 定房,mark 實模達灣住宿優惠?

模達灣附近的住宿選擇

都市生活營營役役,有時很難放鬆身心…想趁放假順道放空一下,不妨選住模達灣嘅民宿,每朝由旭日晨光叫你起床,喺海灘上閒閒散步、懶懶曬個日光浴,晚上再喺無光害天際之下靜看繁星點點,倍感寫意! 你仲係無法割捨大都會嘅便利設施?唔緊要,只要搭一程船,你就可以喺對岸嘅香港仔留宿,置身鬧市之中,一落樓下就有嘢食,半夜瞓唔著,都唔怕餓親!另外,香港仔嘅青年旅舍質素不錯,想認識外國新朋友嘅你,可考慮喺呢度宿一宵。

模達灣附近的觀光景點

模達灣旅遊景點唔算多,但就係一班朋友玩餐飽嘅好去處! 模達灣沙灘對開嘅海域堪稱水上活動勝地,舉凡獨木舟、直立板、水上單車、碰碰船等應有盡有,任你選玩,而你仲可以踏足水上飛氈,一嚐「輕功水上飄」嘅滋味—平時睇《掌門人》啲嘉賓玩得多,今次親眼見證死黨「極力掙扎」、唔想跌落水嘅趣怪表情,你笑下我、我笑下你,開開心心又一 day! 自問「膽大包天」?你仲可以去模達舊村早已荒廢嘅模達學校逛逛,一探呢間歷史長達 70 年嘅校舍有咩幽秘之處。 夕陽西下,到星浪餐廳食番餐地中海風味晚餐,大啖原隻八爪魚、銀魚柳配蕃茄沙律、白酒汁伴大蜆等海鮮菜式,再一邊輕呷餐廳獨門嘅香葉鮮檸特飲,一邊遙望青馬大橋亮起華燈,更覺香港夜色璀璨迷人。 如何前往模達灣 遊客可以由索罟灣或香港仔出發,乘坐街渡前來模達灣,船程為 25 至 35 分鐘。