蒲台島酒店

蒲台島簡介

蒲台島位處香港最南端，又有「香港南極」之稱，全島由抗蝕力較低嘅花崗岩塑成，歷經長年風吹雨打後，岩石呈現不同形態，為旅客帶嚟極大嘅想像空間！ 據稱，蒲台島曾經出產有如蒲團般鬆厚嘅海苔，因此舊名為「蒲苔島」，後來先至簡而化之為現稱。除咗漫步郊遊徑，遍賞妙趣岩層之外，遊人仲可以喺蒲台島一覽法定古蹟、靜看夕陽西沉、夜觀星河、遊逛鬧鬼廢宅等等，好玩活動數之不盡！ 仲等咩呀？快啲 plan 下嚟蒲台島自由行啦！

蒲台島附近的酒店

蒲台島住宿設施目前未見顯著發展，遊人只可以紮起帳篷露營，又或者借住島上士多，或者係為數不多嘅出租套房。 想爭分奪秒玩盡小島各大景點？冇問題！短短一程船之隔，即有特色青年旅舍任你選住，房價只需幾百蚊，就可以盡享免費 Wi-Fi、公共浴室等設施，更可以喺館內 Café 隨心「Hea」下。 難得度假，你亦可以去對岸嘅豪華酒店嘆返晚，企喺露台上吹吹海風，善用燒烤設施向同行親朋好友大顯廚藝，然後租用浮潛器材、獨木舟及釣具等玩返夠本，投奔初夏！ 貴為旅遊熱點，香港一般酒店於節日旺季皆較為爆滿；精打細算嘅你，點解唔提早 Book 定房，mark 實蒲台島周邊酒店優惠？

蒲台島附近的住宿選擇

無論你想趁假期認識來自世界各地的新朋友、一盡地主之宜，還是一心回味學生時代嘅住宿歲月，都可以去香港仔的青年旅舍「宿一宵」，喺公共休憩區同新識嘅 friends 傾通宵，再步行幾分鐘直達香港仔碼頭，登船直往蒲台島旅行！ 要喺香港體驗歐陸海濱風情，話咁易啦！只要落腳赤柱嘅酒店，你就可以融入海灘優悠氛圍，享受陽光灑照，暢玩水上運動，再坐船兼遊蒲台島，令行程更圓滿！

蒲台島附近的觀光景點

蒲台島旅遊景點多姿多彩，島上怪石嶙峋，既有維肖維妙的「靈龜上山石」、莊嚴宏偉嘅「佛手岩」，仲有「接吻石」、「棺材石」、「響螺石」等等花崗岩奇觀，從唔同角度望過去，造型各所不同，不禁令人為大自然的鬼斧神工而驚艷！ 想尋幽探秘？蒲台島上嘅巫氏廢宅值得一遊！相傳，此島首富蒲氏家族成員於短時間內相繼去逝，致大宅就此荒廢…本地居民認為事件邪門，因而流出巫宅鬧鬼嘅傳聞。係真係假？咁就等你發揮「小靈探」精神，查個清楚喇！ 蒲台島堪稱香港頭號觀星勝地，東南面皆無阻無擋，連光線微弱嘅冬季銀河都可以喺呢度一覽無遺。 玩轉蒲台島之後，記得要飲返碗熱辣辣嘅紫菜湯，先至搭船返歸喎！

如何前往蒲台島

遊人可以由香港仔碼頭乘街渡出發，一小時直達蒲台島；由赤柱卜公碼頭上船嘅話，則船程只需半小時。週末以外，街渡並非日日航行；如想於閒日出遊，最好先查看船期，再作規劃。